البارت التاسع والثلاثون 🖋

✳ رواية عبقري زمانه ✳

39

عمر شاور لفاطمه كده بانها متنطقش وتسكت خالص

رجاله القائد دخلت عشان تدور علي فريده في الجبل

عمر اخد فاطمه و دخلوا جوه الجبل لاقي حجر كبير كان موجود دخل استخبي وراه هو وفاطمه ولان المكان كان ضيق جدا فاطمه كانت سانده علي الحيطه ورا الحجر وعمر واقف قدامها بس كان ساند عليها وبيراقب الرجاله ومش واخد باله انه كان ضاغط اوي عليها وضهرها مجروح وهي لاصقه ضهرها للحيطه فمتحملتش الوجع

فاطمه بصوت مسموع : اااه

عمر لف وشه و برأ لفاطمه وحط ايده علي بقها عشان تسكت خالص .. فاطمه شاورتله علي ضهرها.. و فهم عمر وقتها انه كان ضاغط عليها فخفف من الضغط ده وحاول يبعد نفسه عنها

لكن الرجاله اللي كانوا بيدورا في الجبل كانو سمعوا الصوت وبصو لبعض وإتاكدوا وقتها ان فيه حد مستخبي في الجبل

الرجاله انتشروا في الجبل كله بعد ما سمعوا الصوت وبقوا يدوروا في كل مكان ووزعوا نفسهم والمكان اللي كان مستخبي فيه فاطمه وعمر كان بيدور فيه 2 رجاله وواحد منهم دور فعلا ورا الحجر وشاف عمر وفاطمه ولسه هيتكلم عمر ضربه في وشه ولف دراعه حوالين رقبته لحد ما الراجل اغمي عليه ووقع في الارض .. عمر بقي يبص شمال ويمين يشوف لو فيه حد تاني موجود من الرجاله ولا لاء عشان يخرجوا من ورا الحجر .. ملقاش حد

عمر بص لفاطمه ومد إيده ليها و مسكها و خرجوا من ورا الحجر

عمر كان عارف مداخل الجبل كويس ومخارجه واخد فاطمه من ايدها وبقوا يدخلوا من ممر لممر جوه الجبل من غير ما رجاله القائد تشوفهم لحد ما خرجوا من المدخل الخلفي للجبل ولفوا حوالين الجبل شافوا 3 عربيات واقفين .. عمر جري بسرعه فتح عربيه منهم وكان فيها المفتاح ودخل فاطمه معاه وجريوا بالعربيه

القائد اما شاف العربيه بتتحرك نده علي رجالته وقالهم يرجعوا عشان يحاصلوا العربيه اللي مشيت وفعلا الرجاله ركبوا العربيات وجريوا ورا العربيه اللي طلعت

_________________________

بعد شويه وقت الجبالي رجع القصر

ام الخير اول ما سمعت صوته قالت للراجل الملثم استني هنا سي الجبالي رجع انا هروح ابلغه انك موجود

الراجل : تمام انا مستنيكي

ام الخير طلعت والراجل فتح الشوال اللي كان مخبي فريده فيه وبقي يفوقها عشان تصحي والجبالي يشوفها

الراجل الملثم ‏( حط إيده علي كتف فريده‏) : اصحي فوووقي انتي هتفضلي نايمه

فريده فاقت وهي مخضوضه

فريده : انت مين ؟ وايه اللي جابني هنا ؟

الراجل كشف وشه وطلع خالد صاحب عمر

خالد: ايه يا فريده مش عرفاني

فريده : هو انت .. عاوز مني ايه .. سبني يا حيوان

خالد : اسيبك ازاي ده انتي الكنز اللي الجبالي هيدفع فيه دم قلبه

فريده : اه يا واطي مش جديده عليك السفاله والخيانه ده انت بعت صاحبك عشان الفلوس

خالد: انا بتاع فلوس وبس

ام الخير رجعت وشافت فريده

ام الخير بسخريه : هو انتي بقي الهديه .. دوختينا وراكي يا حلوه .. كنتي فين ؟

فريده : إنتي تخرسي خالص

ام الخير : سي الجبالي مستنيكوا فوق في الجناح

خالد اخد فريده من إيدها عشان يروح بيها عند الجبالي فريده وهي ماشيه معاه بقت تحاول تفك ايدها منه و شافت تمثال صغير كان محطوط اخدته وضربت خالد علي دماغه وجريت منه

_________________________

عمر فضل يسوق بأقصي سرعه عنده لحد ما شاف شجره كبيره جدا فضل سايق وكانه هيدخل فيها وفاطمه كان هيغمي عليها من الخوف

فاطمه بصريخ : حااااااسب هنموووت

ومره واحده راح مفرمل وقف العربيه قدام الشجره بالظبط

والعربيه التانيه اللي كانت بتجري وراه خبططت فيه من ورا وطلعت دخان وعطلت وهو لف من قدام الشجره و طلع يجري مره تاتيه بالعربيه

عمر : متخفيش انا مش عايزك تموتي .. الموت رحمه للي زيك

فاطمه بصت في الارض وسكتت .. لان الذاكره رجعتلها فهي عارفه عملت في عمر ايه عشان يكلمها كده

اما عربيه القائد كانت لسه جايه ورا العربيه اللي اتخبطت وشاف عمر وفاطمه جوا العربيه اللي جريت ولسه الرجاله اللي معاه هيضربوا عليهم نار القائد منعهم عشان فاطمه راكبه معاه

لحد ما اخيرا عمر وصل قريه الجبالي ووقف قدام القصر ودخل وهو ساحب فاطمه من ايديها

ودخل علطول علي جناح الجبالي ورمي فاطمه تحت رجله

الجبالي مبقاش مصدق نفسه ان عمر وفريده قدامه

عمر : فريده اهه اشبع بيها انا عاوز صاحبي وبس

الجبالي : و اللي عملته يا عبقري زمانك معايا .. لازم تتحاسب عليه الأول زي صاحبك ولا انت فاكر ان الحكايه سهله كده

عمر : انا هاخد صاحبي ونمشي من هنا من غير مشاكل .. انا جبتلك فريده لحد عندك اهه .. ولع فيها مليش دعوه واللي عرفته عن القائد هقولك عليه كله اماكن رجالته ومخازن اسلحته وتقدر انت كده وقتها تخلص عليه ونبقي كده خالصين

يا تري الجبالي هيصدق عمر و يسلمه صاحبه 🤔 ولا هينتقم منه البارت الجاي هنعرف ✍🏻