الفصل الرابع والعشرون: هرب النجار؛ بس الحرب ماخلصت

آدم كان واقف برا المستودع، حاضن أمو، وعم يبكي متل الولد الصغير. لأول مرة بحياتو، حس انو رجع طفل، طفل خايف يخسر أمو. أمو كانت ماسكتو بقوة، كأنو اذا فلتتو رح يضيع منها. كانت ريحتها كلها غبرة وخوف، ودموعها عم تنزل على قميصو وتبللو. وهو عم يمسح على شعرها ويقولها خلص يا أمي خلص، أنا هون، ما حدا رح يقرب عليكي، والله ما حدا رح يقرب عليكي طول ما أنا عايش.

رامي كان قاعد على الأرض، إيدو عم تنزف من القزاز اللي كسرو. كان تعبان، ووشو أصفر، بس كان عم يضحك. ضحكة واحد ربح حرب كبيرة. قال لآدم بصوت تعبان بس فرحا