الفصل الثاني عشر.... الاستعداد للحرب

(ام محمد) جثة ايه يخرب بيتك هتودينا في داهية

(إسلام) متزعليش ياحاجة فين عدة الشغل

(أم محمد) تعالى ورايا صوت صعود سلم وباب يفتح هنا جوة الأوضة دي

(إسلام) استعنا على الشقا بالله

(أم محمد) اخرس يا إسلام متخوفنيش

(إسلام ) من الحق ياحاجة

ودي هنزل بيها من عندك ازاي وأخرج بيها قدام الناس

(أم محمد) لا متقلقش عاملة حسابي هنزلك من على السطوح

(إسلام) يضحك أيه ياحاجة هتحدفيني مع الجثة من السطوح ونموت سوا

(أم محمد) وده وقت ضحك يا إسلام

(إسلام) بهزر يا حاجة اصلي شايفك متوترة متخافيش يا حاجة دي شغلة سهلة مش مستهلة التوتر ده كله

(أم محمد) يخيبك يا إسلام ايه ياوله هو أنا بلطجية زيك

(إسلام) لا ياحاجة بس دماغك شمعة منورة متيجي نشتغل مع بعض

(أم محمد) عاوزني أشتغل بلطجية زيك ياوله

(إسلام) لا يا حاجة أنت المخ وأنا العضلات

(أم محمد) يعني ايه

(إسلام) يعني دماغك حلوة أنت تفكري وأنا أنفذ د احنا نكسب دهب والله يا حاجة مخك ده ألماظ

(أم محمد) يخرب بيتك يلا ياوله خلصنا من البلوة دي

(إسلام) قولي الأول هنزل بيها ازاي

(أم محمد) شايف السلم الخشب ده

(إسلام) أيوة شايف

(أم محمد) ده بيطلع لسطح أم فاتن جارتنا احنا عملينه لما نحب نروح لبعض بدل ماننزل ونخرج للشارع اهو ننزل بهدوم البيت لسه هنلبس هدوم خروج وكده يعني

(إسلام) فهمت دماغك يا حاجة بس لو حد قابلني من سكان البيت أقوله أيه

(أم محمد) لا متخفش بس خلص بسرعة سكان البيت في الشغل مش جاين الوقت يلا بسرعة

(إسلام) حاضر ياحاجة

يفتح باب الأوضة هي دي البضاعة

(أم محمد) أيوة خلص

(إسلام) يفك حتة من البلاستر على بُوق سهير ويضع فيه حتة الافيون ويضغط على بُوقها حتى تبلعها ثم ينتظر حتى تنام

(أم محمد) خلص مستني أيه

(إسلام) تدخل في السلطنة بس وتتخمد وبعدين نخلص

خلاص اهي نامت هدخلها الشوال بس هوديها فين يا حاجة

(أم محمد) خدها عندك ولما أكلمك هقولك وديها فين يلا خلص

إسلام يشتال الشوال على كتفه ويسأل الحاجة والحساب يا حاجة

(أم محمد) تصرخ فيه وأنا من أمتى أكلت عليك مليم

(إسلام) الحق حبيب الله يا حاجة

(أم محمد) خد ده ألف

(إسلام) بس الاتفاق على ألفين

(أم محمد) لما تخلص المهمة اديك الباقي مش عجبك سيبها مكانها وأشوف حد غيرك

(إسلام) هو أنت ليه بتزعلي كده بسرعة ياحاجة عموما أنا همشي لترجع سهير تفوق وتعمل لنا حكاية

(أم محمد) لما تروح بيتك خرجها من الشوال لتفيص جواه

(إسلام) مش بقولك يا حاجة نشتغل مع بعض أنت المخ وأنا العضلات

(أم محمد) مشش في رُوكبك خلص

(إسلام) تمام أنا ماشي

(أم محمد) بعد ما اطمنت أن إسلام خرج من بيت أم فاتن وراح ناحية بيته

نزلت شقة سهير وقفلتها ثم نزلت السلم ودخلت شقتها لقيت آيات بنت سهير نايمة تقول شاطرة يافاطمة عرفتي تنيمي آيات

(محمد) يرد شاطرة مين دأنا نزلت لقيت البت مفطورة من العياط أخدتها في حضني وشربتها اللبن ونيمتها

(أم محمد) شاطر يا قلب أمك أهو تفلح في حاجة مش كله خيابة

(محمد) والله يا أمه أنت ظلماني عملتي أيه مع سهير

(أم محمد) سهير مين ياوله

(محمد) مراتي

(أم محمد) وأنا شوفتها فين

(محمد) يصرخ قتلتيها يا أمه

(أم محمد) ليه شايفني قتالة قتلة ياخايب

(محمد) العفو يا أمه مش قصدي

(أم محمد) خلاص اسمعني كويس وأنت كمان يا فاطمة اسمعي الكلام مع أخوك

(فاطمة) حاضر يا ماما اتفضلي

(أم محمد) شوية وأبو سهير هيجي مع أختها ويقعدوا يهللوا ويصرخوا في الشارع مهم عاوزين جنازة ويشبعوا فيها لطم ودي عادتهم مش جديد عليهم

(محمد) طيب يا أمه كده هيطلعوا يشوفوا سهير متكتفة فوق

(أم محمد) حمار وغبي كمان

أومال إسلام كان بيعمل فوق أيه

(محمد) وأني اش عرفني بس

(فاطمة) يبقى تسكت وتسمع كلام أمك

(محمد) حتى انت يا فاطمة

(أم محمد) كان نفسي تأخد نص ذكاء وفطنة فاطمة

(محمد) أنا مش غبي يا أمه

(أم محمد) والله يامحمد اللي يدخل أهل سهير بيته يبقى غبي منه فيه ولا مشوفتش الفيلم

(محمد) خلاص أنا ماشي وسايب لك البيت

(أم محمد) تعالى هنا اقعد قدامي واسمع ولا تنطق فاهم

(محمد) حاضر

(أم محمد) أبوها هيشرف يسأل عن بنته كلامنا واحد وهي جيت أمتى مش هي غضبانة عندك وكمان سايبة بنتها هنا واحنا اشترينا لبن صناعي ونشرب البت

معاك روشتة الدكتور عبد القادر

(محمد) آه أهي

(أم محمد) تمام كده فل وعشرة

(فاطمة) تقريبا ياماما أنا فهمت دماغك

(أم محمد) بنت أمك

(محمد) وأنا ابن الجيران مهي فاطمة طول عمرها اللي على الحجر ومدلعة

(أم محمد) ياغبي اسمع وأنت ساكت قولنا مشفناش مسمعناش خلاص

(محمد) بس الجيران شافوا وسمعوا

(أم محمد) مهي دي أكيد خطة المحروسة أختها نسيت أنها عملتها قبل كده في سامية أختي بس أنا مش بنسى بسهولة

المهم هتنفذ كلامي بالميلي وإذا قال شهادة الجيران يبقى يثبت كلامهم البيت قدامه يفتشه

(محمد) تمام أنزل أنا بقى

(فاطمة) زي ماما ما قالت عليك بالظبط تنزل وتسيب اثنين ستات لوحدهم في البيت ازاي وكمان بابا لسه مرجعش وحتى لو رجع هو صحته تتحمل أهل مراتك

(محمد) تقصدي أيه زي أمك ما قالت يا ست فاطمة فهميني

(أم محمد) أيوة مش هنخلص

يلا ادخل ارتاح واستعد للحرب

صوت خطوات

وزعيق وشكل

(أبو سهير) أيه يابنتي هم لحد الوقت محدش سأل فينا ليه

(أخت الزوجة) يا بابا أحنا في قسم الشرطة وزي ما أنت شايف الحوادث كثير لما يفضوا لنا وكله بالدور

بعد عدة ساعات أمين شرطة ينادي على أبو سهير

تعالى يارجل أنت

(أبو سهير) يتخض أنا يافندم

(أمين الشرطة) آه أنت مش أنت اللي جاي تشتكي زوج بنتك وحماتها

(أخت الزوجة) أيوة حضرتك احنا

(أمين الشرطة) أنت مين وبتكلمي بصفتك أيه

(أبو سهير) دي أختها حضرتك

(أمين الشرطة) وأنت صغير جايب معك أختها

(أبو سهير) يسكت وينظر للأرض

(أمين الشرطة) تعالي نكتب المحضر فين المضروبة وهل هي في المستشفى نروح نفتح تحقيق هناك

(أبو سهير) لا هي في بيت جوزها

(أمين الشرطة) أنت يارجل أنت مش جاي تعيط للباشا الظابط وتقوله أن بنتك جوزها وأمه ضربوها وتعمل لهم محضر فين الزوجة المضروبة

(أخت الزوجة) مهو احنا ولم يترك لها أمين الشرطة فرصة للكلام قائلا أيه جاية تهزري في القسم شايفة اننا فاضين لكم مفيش ورانا غير أختك اللي جوزها ضربها يلا خدي أبوك وامشي من هنا والا اقسم بالله احبسكم وإذا عاوزة تعملي محضر هاتي أختك تعمله يلا مع السلامة ناس فاضية

(أبو سهير) مش قلتلك بلاش قسم

(أخت الزوجة) خلاص تعالى نروح لمحامي يقف معنا

(أبو سهير) منين هو أنا معايا فلوس

(أخت الزوجة) يا بابا فك الكيس وهات الفلوس خلينا نتمكن من الشقة ونروح نقعد فيها ثاني زي زمان ولا عجبك قعدتنا في بير السلم عند عمتي

(أبو سهير) بمسكنة منين أجيب منين

( أخت الزوجة) الحق عليا اللي كنت عوزاك ترجع ثاني شقة سهير

(أبو سهير) أنت اللي كنت عاوزة مش أنا أنت عاوزة تفشي غلك من أم محمد

خلاص اصرفي انت وهاتي محامي

(أخت الزوجة) ثاني أجيب منين ما أنت عارف البير وغطاه

(أبو سهير) خلاص تعالي نروح بقى

(أخت الزوجة) ونضيع الفرصة علينا فيه شهود أن أمه ضربت سهير وكمان فات سهير متعورة يعني هنعمل لها كشف طبي ونبهدلهم

(أبو سهير) والله إذا كان فيك الله يعافيك

(أخت الزوجة) يعني أيه

(أبو سهير) عاوزة تنتقمي أصرفي وشخشخي جيبك أنا معنديش المقدرة اجيب محامي واصرف قضايا ولا لما سهير تيجي عندي أصرف على بنتها وأنت عارفة أم محمد عنادية ومعها فلوس هتصرف محامين وقضايا لكن أنا يادوب أكل أنا وأمك قصري الدور ولميه ونروح وخلاص

(اخت الزوجة) خلاص تمام آه ياناري