TULAD nang nakagawian nina Lance at Jillian, tuwing umaga ay magkahawak kamay silang naglalakad sa baybaying dagat. Kung dati ay palagi silang nagkukuwentuhan, ngayon ay tahimik sila. Nagpapakiramdaman. Hindi na nakatiis si Jillian. “Dapat ay magalit ako sa’yo, Lance.”“I know,” bulong nito. “I’m sorry.”Marahas na buntunghininga ang kanyang pinawalan saka hinarap ito. Dapat ay sampalin niya ito, suntukin niya ang dibdib nito, itulak sa karagatan at murahin ito. Kaya lang ni isa sa mga iyon ay hindi niya magawa. Mas nangingibabaw ang pagmamahal na nararamdaman niya rito kaysa galit. Ni hindi nga niya mabitawan ang kamay nito dahil mahal niya ito. Mahal na mahal. Kaya, hindi niya napigilan ang mapahagulgol. Pagka

KUNG hindi lang magugutom ang kanyang reyna, hindi talaga aalis si Lance. Kaya lang nai-stress din siya kapag kumakalam na ang sikmura ni Jillian. Para itong nagiging monster. Tumatalim ang tingin at nanunulis ang nguso. Ang sarap tuloy ihagis sa kama!May kaba lang siyang naramdaman nang maalala niyang si Mark Wayne lang ang kasama ni Jillian sa bahay kaya naman binilisan na lamang niya ang kanyang pagkilos. Sabihin man na si Mark Wayne ang tunay na asawa ni Jillian, siya pa rin ang mahal ni Jillian kaya dapat lang na sila ang magsama. Umaasa siyang tutuparin ni Jillian ang ipinangako nito sa kanya. Na kung anuman ang relasyon nito kay Mark Wayne ay tatalikuran nito dahil siya ang mahal nito. Dapat ay masiyahan siya sa sinabing iyon ni Jillian pero hindi niya magawa. Hindi pa kasi naaalala ni Jillian na may anak ito kay Mark Wayne. 

PAKIRAMDAM ni Jillian ay isa siyang ‘kriminal’ na tumatakas kaya naman abot-abot ang kabog ng kanyang dibdib nang marating niya ang bankang de motor na ginagamit ni Lance. Para nga mas madali ang pagtakas ay sumakay na siya rito at maya-maya lang ay nakita na niya si Lance na tumatakbo. Nang mapaandar na ni Lance ang sasakyan ay parang nakahinga na siya nang maluwag. Ngunit, saglit lang niyang naramdaman iyon dahil lumitaw si Mark Wayne.Hindi naman ito humabol sa kanila, nanatili lamang itong nakatayo sa may labasan, nakahalukipkip at nakakunot ang noo. Kaya, para hindi na siya ma-guilty pa, iniwas na niya ang tingin dito. Alam niyang mali ang kanyang ginagawa dahil ito ang asawa niya at sumama siya sa ibang lalaki pero talagang hindi niya kayang pigilin ang sinasabi ng kanyang puso. “I love you, Jillian,” wika sa kanya ni Lance.

ANG ganda mo talaga, Jillian, nakangising sabi ni Mark Wayne habang nakatitig sa asawang tulog na tulog pa rin. Napabuntunghininga si Mark Wayne. Wala na kasi siyang maisip na ibang paraan para muling makuha ang asawa kundi ang kidnapin ito. Kung hindi niya kasi gagawin iyon ay tiyak niyang hindi na niya ito maaagaw pa kay Lance. Nilagyan niya nang pampatulog ang pagkain nina Jillian no at Lance para magawa niya ang kanyang balak. Nu'n kasing araw na iyon din kasi ang pagdating ng helicopter kaya talagang kailangan na niyang makuha si Jillian sa anumang paraan. Tiyak niya kasing hindi naman ito sasama sa kanya kung sasabihin niyang kailangan na nilang umalis. Kahit kasi sinabi na niya kay Jillian na siya ang asawa nito, parang wala itong pakialam. Mas naniniwala kasi itong ang dapat nitong kasama ay ang taong mahal nito, at hindi siya iyon. Marahas na buntunghininga ang kanyang pinawalan. May sakit siyang naramdaman pero wala siyang paki

SAAN ako magtatago? Saan ako magtatago? Excited na tanong ni Bianca, na nagpapatalun-talon pa. Hindi pa niya napigilang tumili nang maisip niyang ilang segundo na lamang ay darating na si Lance para siya ay bulagain. Naisip tuloy niya, mas maigi pa siguro kung hindi na lang siya magtatago. Hahayaan na lamang niyang itong pumasok sa silid para kapag nakita siya ay agad na siya nitong yayakapin, kakargahin at tapos ay gagawa na sila ng baby. Handa na ba siyang maging ina? Tanong niya sa sarili pagkaraan kaya bigla siyang natigilan. Naisip niya kasing kapag nabuntis siya ay lalaki ang kanyang tiyan, masisira ang kanyang katawan at malaki ang posibilidad na pumangit siya. Sunud-sunod na pag-iling ang kanyang ginawa dahil gusto niyang mapalis sa kanyang is