"A-Anong sinasabi mo?" nanghihina kong bulong.  Umiling ako habang nakatanaw sa kaniya. Nanatiling madilim ang kaniyang mukha. Tumiim ang kaniyang bagang.  "H-Hindi ko alam ang sinasabi mo, Hayes. Hindi ako... humalik ng iba." Nanginig ang aking boses.  Kumunot ang kaniyang noo matapos marinig ang aking sinabi. He looked away and licked his lower lip.  Inulan ng maraming katanungan ang isipan ko. Hindi ko mahagilap ang ibig niyang sabihin. Hindi ko alam kung saang lupalop niya kinukuha ang mga salita niya.  Lasing lang ba talaga ako kaya hindi ko siga maintindihan?  Tila ba napipilitan siya nang lingunin ako. Sumiklab ang iritasyon sa kaniya.  His eyes were inflamed and dreadful. His jaw clenched repeatedly. Tila ba hindi siya naniniwala sa mga sinasabi ko. Na para bang may ginawa akong mali. Hindi ko al

Nanatili lamang akong nakaupo rito sa dining area nang magpaalam si Hayes upang magpalit ng damit dahil ihahatid niya ako at pagkatapos ay diretso na siya sa trabaho. Kitang-kita ko ang pagiging kuryoso ng ilang kasambahay na pumapasok. Naaasiwa ako at tuluyan nang hindi naging kumportable.  Mas lalo akong inatake ng kaba nang makita ang pagpasok ni Donya Herenia na naka-itim na mahabang roba. Umangat ang kaniyang kilay nang matanaw ako.  Nanginig ang mga tuhod ko nang tumayo ako upang magbigay galang sa kaniyang pagdating.  "G-Good morning po, Donya Herenia." Nanuyo ang aking lalamunan. Umasa ako ng kahit na tipid na ngiti mula sa kaniya ngunit nanatili lamang malamig ang kaniyang ekspresyon. Umupo siya sa kabisera na para bang hindi narinig ang aking bati. Nilubayan ako ng aking kaluluwa.  "Morning," aniya nang hindi ako sinusulyapan bago inutos ang isang ka

Kahit sa gitna ng kaniyang pagmamaneho ay hindi pa rin maalis ang pagiging suplado niya. Kunot ang kaniyang noo habang tutok sa tahimik na kalsada.  Ala una na ng madaling araw. Maluwag na ang kalsada at halos wala na akong makitang sasakyan sa daan.  Ngumuso ako habang pinagmamasdan siya.  "Itsura mo?" Humalakhak ako. Mas lalo yata siyang nagsungit sa ginawa kong pagtawa. Sumulyap lang siya sa akin at hindi ako pinansin. Kinagat ko ang labi ko, natatawa pa rin. Lumingon na lamang ako sa bintana.  "How did you even end up in that club? That place is not safe for you. Don't you know that?" may diin niyang sinabi.  Napabaling ako sa kaniya. Kitang-kita ko ang pananatili ng kaniyang iritasyon. Diretso lamang ang tingin niya at hindi ko siya makitaan ng anumang reaksiyon. Tanging pagka-irita lamang talaga.  "Hayes naman. Ano bang pro

"Bakit ka may singsing?" Nag-angat ako ng tingin kay Tita Margaret. Titig na titig siya sa kamay kong may hawak ng tasa ng kape. Binaba niya ang kaniyang kubyertos at tinaasan ako ng kilay.  Hindi ako nakatulog kakaisip sa nangyari kagabi. Magdamag lang akong tulala sa kisame at pakiramdam ko, panaginip lang ang lahat. O isang masaklap na bangungot. Hindi ko alam. Napakasarap sa pakiramdam, sa puntong kinukurot na ang puso ko. Hindi ko akalain na posible pala iyon. Na maging masaya ngunit masakit sa puso.  Akmang ibababa ko ang aking kamay nang mabilis niya iyong hinablot.  Kinagat ko ang labi ko. Pinagmasdan ko siyang kinikilatis ang singsing. Kunot ang kaniyang noo habang sinusuri iyon.  "Tangina... ang ganda. Bigay ba 'yan ni Hayes?" Halos bulong lamang iyon. Pinakawalan niya ang kamay ko at tinitigan ako nang mabuti. Hindi ko siya halo

Nalaglag ang panga ni Zanila at nanatili sa kaliwa ang mukha niya matapos ng aking sampal. "Zanila! Oh my god!" Dinig ko ang singhap ni Minerva at mabilis na dinaluhan ang kaniyang anak.  Nanginginig ang kamay ko habang tinatanaw siya. Sukdulan na ang galit ko sa bibig niyang puro kasiraan ang lumalabas. Hawak niya ang kaniyang pisngi at mas lalong tumalim ang mga mata niya nang bumaling sa akin.  "Bitch!" sigaw niya at akmang susugurin ako nang tinulak siya ni Tita Margaret.  Nanatili lamang akong nakatayo, matalim ang titig sa mag-ina dahil sa matinding galit at pagkasuklam sa kanila. "Huwag mong ma-bitch bitch ang pamangkin ko, bruha ka! Umalis na nga kayo rito! Gulo lang palagi ang dala niyong mag-ina! Mga salot!" Nanlalaking mga matang sigaw ng aking tiyahin.  Kinagat ko ang labi ko at humugot ng malalim na hining