Hindi pa man lumilipas ang kalahating oras mula nang umalis si Jose Abad sa opisina niya, may isa na namang tao na gustong guluhin ang pag-iisip niya.  Ang sabi ng sekretarya ay nakiusap ito na papasukin niya."Ano ang gusto mong ipagkausap sa akin?" tanong niya kay Lenny na umupo sa harap ng mesa niya.  Tumaba na ang babae ngayon kumpara noong huli niya itong nakita sa opisina ni Gregor.  Halata na rin ang umbok ng tiyan nito."Alam kong nahuhumaling ang asawa ko sa 'yo ngayon," panimula nito na hindi niya naiwasang magtaas ng kilay.  "Asawa?  Kasal ba kayo ni Gregor?" "Hindi," mabilis nitong sagot.  "Pero nagsasama na kami nang matagal at magkakaroon na ng anak.  Nakikiusap ako sa 'yo, Miss Montañez, ibalik mo sa akin si Gregor.  Kailangan siya ng anak ko."Nang magsimula itong magpahid ng luha sa pisngi ay naantig ang puso niya.  Hindi peke ang pag-iyak nito.  Totoo itong nasasaktan

Hawak niya ang telepono pero hindi niya kayang tawagan si Gregor.  Ano ang sasabihin niya?  Paano niya ipapaliwanag ang mga nakita nito kanina?  Kaya ba niyang sabihin na gusto niyang malaman kung katulad nga siya ng tatay niya na pumapatol kung kani-kanino?  Na nag-experiment siya dahil may identity crisis siya?Sa halip na tawagan si Gregor ay lumabas siya sa condo para puntahan na lang ito ng personal.  Kailangan niya rin namang harapin ito kalaunan.  Kung magagalit ito sa kanya ngayon ay tatanggapin niya dahil nagkasala siya.  Nagtaksil siya kung tutuisin.  Kung sa kanya ginawa ni Gregor 'yun ay baka hindi niya rin ito patawarin.Tumuloy siya sa bahay nito sa San Luis pero wala raw ito roon sabi ng katiwala nito.  Hindi pa ito umuuwi.  "Baka sa apartment niya tumuloy?  Minsan kasi kapag masama ang pakiramdam ng girlfriend niya'y doon 'yun natutulog.  Alam ko'y hindi naman kasi stay-in ang katulong

Hindi magkamayaw ang mga reporter sa harap ng opisina ng Falcon Corp. para makakuha ng panayam kay Olivia Montañez.  Isang buwan matapos ang pinal na desisyon niya na hindi magpapakasal kay Carter ay umugong ang bulung-bulungan tungkol sa affairs ng Daddy niya ay kung sino-sinong babae.Nagbayad sila ng milyon kay Carley para hindi ito magsalita.  Nagkaunawaan naman sila ni Carter na ito na ang bahalang magkumbinsi sa Papa nito na huwag nang magsampa ng kaso sa Daddy niya dahil ayaw na ring umuwi sa Pilipinas ni Carley.  Pare-parehong makakaladkad ang pangalan nila at pare-pareho silang maabala sa kabi-kabilang hearing maliban pa sa kabi-kabilang reporter na haharang sa kanila.Pero alam niyang may kinalaman ang Papa ni Carter sa mga naglabasang reklamo sa Daddy niya sa mga affairs nito sa iba't ibang babae.  Sa ngayon ay nagmumukmok ang Mommy at Daddy niya sa mansyon sa Dumaran para iwasan ang issue.  Walang makakapasok doon.  Kaya

Alas tres ng hapon dumating sa Puerto Princesa si Gregor kasama si Lovi.  Sa apartment na sila tumuloy dahil wala na ang bahay ng Lola niya sa San Luis.  "Tatlo ang kwarto dito at may banyo naman sa loob.  Feel at home.  Bukas pa dadating ang katulong kaya sa labas na muna tayo kakain," aniya kay Lovi. "Hmmm... Maganda ang bahay mo.  Asawa na lang talaga ang kulang sa 'yo."Napangiti siyang muli sa pangungulit ni Lovi na mag-asawa siya.  "Wala pa nga akong balak mag-asawa."  Kinuha niya ang maleta nito at dinala sa isang silid.  "Bukas tayo pupunta sa opisina.  Kapag nagustuhan mo ang trabahong inaalok ko, puwede ka nang magsimula kahit bukas din."Nagtapos naman kasi si Lovi ng Business Management at nagtrabaho sa isang accounting firm bago nito napagdesisyunang maging freelance sales agent ng mga sasakyan.  Naging ex-boyfriend kasi nito ang immediate superior kaya't napagdesisyunang mag-re

Maaga si Olivia sa opisina kinabukasan dahil madaling araw pa lang ay gising na si Romano.  Pagkatulog nito ulit ng alas syete ay nagmadali na siyang naligo.  Uuwi na lang siya nang maaga para makalaro ang anak.  "You're early," pansin sa kanya ni Anthony nang magpunta siya sa opisina nito."Wala ka bang ibang ipapagawa sa 'kin?  Pag-iikot sa mga hotels, pag-monitor ng mga empleyado, o kahit pagwawalis pa dito sa opisina mo.  Anything, Anthony, except the project that has to do with Angeles Builders.""Ikaw ang Vice-President sa Finance, Olive, bakit kita ilalagay sa pagmo-monitor ng mga empleyado?" kaswal nitong sagot.  "Pero sige, ikaw muna ang mag-i-inspect sa branch natin sa San Luis.""Oh, c'mon... Why are you doing this?" "Doing what?" "Bakit kailangang ako ang humarap kay Gregor?  He specifically mentioned two years ago that he didn't want to deal with me anymore.""Bakit nga ba?"