GUMUHIT ANG SAKIT sa katawan ni Marcus matapos bumulagta sa kalsada. Humampas ang ulo niya sa semento at saglit na nahilo. Matapos ay napansin na lang niyang nakahiga na sa ibabaw niya si Kurt na walang-malay.Natigilan pa siya ng ilang segundo dahil akala niya'y katapusan na niya ‘yun. Na ang umalingawngaw na putok ng baril ay nagmula kay Kurt. Ngunit hindi…nagmula ito sa isang naka-unipormeng pulis.Unti-unti itong lumalapit sa kanila. May kung anong sinasabi ngunit hindi naman maunawaan ni Marcus. Binalik niyang muli ang atensyon kay Kurt saka ito marahang tinulak sa tabi, paalis sa ibabaw niya.Muli ay nagsalita ang pulis habang nakatutok ang baril sa walang-malay na si Kurt. Inilayo ni Marcus ang nakatutok na baril saka inalam ang naging tama ni Kurt.Napuruhan ito eksakto sa likod. “Call an ambulance!” utos niya sa pulis habang binibigyang diin ang tama ni Kurt sa likod. Kailangan na mahinto ang pag-agos ng dugo bago pa maging huli ang lahat.Naguluhan naman ang pulis kaya siya n

“ALAM KO… alam kong siya ang impostor. Inamin niya sa'kin bago kami makarating sa bansang ‘to,” paglalahad ni Scarlette.Sa pag-amin niyang ito ay agad na dumilim ang ekspresyon ni Marcus. “Alam mo pero hinayaan mo pa rin siyang makaalis? At talagang tinulungan mo pa siyang makatakas!” sumbat ni Marcus.“May dahilan ako kaya ko siya pinatakas,” pahayag ni Scarlette.“Ano ‘yun? Anong kasinungalingan ang sinabi niya para tulungan siyang makatakas?”Hindi sumagot si Scarlette sanhi upang mapagdesisyunan ni Marcus na kailangan niya itong hulihin. Sa ginawang pagtulong ni Scarlette kay Kurt na makatakas ay maituturing na itong kasabwat. “Kung hindi ka magpapaliwanag ay mapipilitan akong hulihin ka,” banta ni Marcus at bago pa makakilos si Scarlette at makalayo ay nagawa na niya itong mahawakan sa magkabilang kamay. “Kung ayaw mong bumukas ‘yang sugat mo'y ‘wag ka nang manlaban,” babala pa ni Marcus.Pagkatapos ay binalik si Scarlette sa kwarto at binilinan nang mabuti ang kinuhang bantay na

THREE DAYS AGOPINAGMASDAN ni Kurt ang orasan sa itaas ng pader. Isang minuto na ang nagdaan nang umalis si Marcus at naiwan ang Vietnam pulis para magbantay.Sa ganitong pagkakataon siya dapat kumilos. Kailangan na niyang tumakas at puntahan si Scarlette. Pero masiyadong alerto ang pulis na maya’t maya ang sulyap upang siguruhin na wala siyang ginagawang kakaiba.Nang magtama ang tingin nilang dalawa ay agad siyang umarteng nasasaktan. “C-Can you please help me?” aniya pa sa aktong nahihirapan sa pag-upo.Akma namang tutulong ang pulis nang matigilan. “No, you can’t fool me,” wika pa nito na muling naupo.Bakas ang iritasiyon sa mukha ni Kurt nang hindi niya nagawang linlangin ang pulis. Mukhang nasabihan na ito nang husto ni Marcus kaya hindi na u-obra ang pag-arte niya.Pero kung hindi um-obra ang plan A… may plan B pa naman. Magkukunwari siyang aalisin ang gapos sa kamay upang mapilitan na lumapit ang pulis. At kapag nangyari ‘yun ay patutumbahin niya ito gamit ang paa.“What are

DAHIL SA BIGLAANG KILOS ni Torres ay nadaplisan sa panga si Kurt nang umilag ito sa suntok. Nang makabawi ay nagpakawala rin ng suntok bilang ganti.Ngunit dahil sanay at bihasa sa pakikipaglaban dahil na rin sa ilang taong training na magkasama ay gamay na ng dalawa ang kakayahan ng isa’t isa. Madali lang kay Torres na iwasan ang suntok ni Kurt at gano’n din ito sa tuwing nagpapakawala ng suntok ang Warden.Dahil may alam sa mix martial arts ay nagawang malusutan ni Kurt ang depensa ni Torres sa pamamagitan ng sipa. Sa lakas ng sipa ay natumba ito pero nakabawi rin agad na mabilis gumulong patayo.“Madaya!” akusa ni Torres.“Kailangan kong manalo, e,” anas naman ni Kurt na nangingiti pa, tila nag-eenjoy sa nangyayari.Sumugod muli si Torres pero binigla agad ni Kurt. Umatras siya para linlangin ito at para na rin maghabol ito sabay bitaw niya ng suntok sa tiyan. Dumaing si Torres pero hindi pa rin tumigil sa pagpapakawala ng suntok hanggang sa bigla na lang dumating si warden Yulo ga

NANLALABO AT NAGDIDILIM na ang paningin ni Kurt. Nanghihina na rin siya at habol-habol ang sariling hininga. Sa lagay niyang ‘to ay tila ‘di na siya magtatagal.“H-Hindi man lang ako…nakapag…paalam kay…Captain,” nasambit niya ngunit wala ng tinig ang lumalabas mula sa kanyang bibig.Unti-unti na siyang pumipikit…mukhang ito na yata ang katapusan niya…Hanggang isang sampal sa pisngi ang nagpamulat sa kanya. Nang tingnan niya kung sino ang gumawa no'n ay napangiti na lamang siya. “Dumating ka,” aniya kahit wala namang boses na lumalabas sa kanya.“Gumising ka, ‘di ka pwedeng mamatáy dahil ikukulong pa kita,” wika ni Marcus. Tumulong na siya sa pagbuhat ng stretcher upang madala ito sa yate.Matapos maisakay si Kurt ay hinanap niya naman ang warden na pinag-iwanan niya kay Ramon. “Dito! kaladkarin niyo ‘yan dito!” utos niya nang makitang palapit na ang mga ito sa yate.“Bitawan niyo ko, mga walangh*ya!” sigaw ni Ramon. “Papatay*n ko kayong lahat!” Ngunit ilang sandali pa ay natigilan na