Kung iisipin ng mabuti, wala sana ngayon si Archie sa kinauupuan nito kung hindi dahil sa kanilang mag-ama. Kung hindi nila ito tinulungan, hindi ito makababalik sa Pilipinas para makapaghiganti sa mga taong nagkasala rito at hindi sana nito mababawi ang buhay at katanyagan na tinatamasa nito ngayon. Akala niya, kapag naalis sa landas nila si Yvonne ay tuluyan nang mapag-iisa ang kanilang apelyido, yaman, at kapangyarihan. Isa na sana siyang Mrs. Garcia kung hindi lamang… nagbago ang isip ni Archie. Umalis si Jorge dala ang bago nitong misyon. Naiwan siyang mag-isa sa loob ng pribadong silid na kaniyang nirentahan para sa kanilang pagkikita. Natutulala pa rin siya at malamig pa rin ang kaniyang pakiramdam. Sa nakalipas na mga taon, pilit niyang isinantabi ang kahihiyan at sakit na idinulot sa kaniya ni Archie. Natutunan niya itong mahalin, ngunit kung kailan totoo na ang kaniyang nararamdaman para rito ay saka naman ito natakot na panagutan siya. Hindi ito sumipot sa kanilang kasal
Read more
LOGIN
