All Chapters of To Serve And To Protect Your Heart: Chapter 61 - Chapter 68

“Ahhhh!!!” Ang malakas na tili ni Alona ang bumulabog sa buong kabahayan ng mansyon. Nagmamadali na pumasok sa pintuan ng kanyang silid ang tatlong katulong. Ang lahat ay nagimbal ng makita ang nakakahilakbot na itsura ni Alona. Matinding takot ang kanilang naramdaman ng mula sa sahig ay nakita nila ang nagkalat na dugo. Habang sa kanyang paanan ay naroon ang putol na ulo ng isang pusa na naliligo sa sarili nitong dugo. Ang lahat ay napako sa kanilang kinatatayuan at mula sa kanilang mga nanlalaking mata ay makikita na tila gusto na nilang tumakbo palayo. “What happen?” Nag-aalala na tanong ni Vincent na ngayon ay kapapasok lang sa pintuan ng silid ni Alona. “Damn!” Matigas niyang sambit. Maging siya ay nagimbal sa kanyang nadatnan—hindi makapaniwala sa kanyang mga nakita. Mula sa likod ni Vincent ay lumitaw si Tara na halatang nagmamadali na makarating sa kwarto ni Alona. “B-babe! Natatakot ako! Alisin mo sa harap ko ‘yan!” Naghihysterical na sigaw ni Alona. Halatang nas

“Pack her stuff. Now.” Tiim ang bagang na utos ni Vincent sa kasambahay na malapit sa kanila habang diretsong nakatingin sa akin ang mga mata nito. Pagkatapos itong sabihin ay saka niya ako tinalikuran habang nasa mga bisig nito si Alona. Isang matalim na tingin ang iniwan sa akin ng Nurse bago ito sumunod sa kanila. Wala akong magawa kundi ang mamuntong hininga. Sa galing umarte ng babaeng iyon kahit sino talaga ay mabilis nitong mapaniwala. “Mommy…” lumitaw ang isang ngiti sa mga labi ko ng marinig ko ang malamyos na tinig ni Princess mula sa aking likuran. Pumihit ako paharap sa kanila. Kita ko ang awa na may kasamang lungkot mula sa inosente nilang mga mata. “Mommy, don’t worry hindi kami na niniwala na kaya mong gawin ‘yun kay Tita Alona.” Si Princess ng tuluyan siyang nakalapit sa akin. “Mom…” malungkot na tawag sa akin ni Nicholai. Lumuhod ako sa kanilang harapan upang magpantay ang aming mga mukha. Masuyo kong hinaplos ang kanilang buhok saka dinampian ito ng magaan na

“Where have you been?” Matigas na tanong ni Vincent. Kapapasok pa lang ni Tara sa pintuan ng kanilang bahay ay ito na kaagad ang sumalubong sa kanya. Imbes na sumagot ay tahimik na nilagpasan niya ito. Pagod siya dahil maliban sa maghapong pagbabantay sa mga bata, sinubukan din niyang mangalap ng impormasyon na gagamitin niyang ebidensya para sa nilulutas niyang kaso. Ngunit lumipas ang maghapon ay wala siyang napalâ sapagkat ang buong atensyon niya ay nakatutok lang sa mga bata. Well, naisip niya na ang mga bata ang subject sa kasong hawak kaya isa si Alona sa nakikita niyang may personal interest sa kasong ito. Nag-init ang ulo ni Vincent ng tila hangin na nilampasan siya ni Tara. Nag-iigtingan ang kanyang mga bagang sabay nito ang paghawak niya sa kaliwang braso ni Tara. Natigil sa paghakbang ang mga paa ni Tara, ilang segundo na tumitig siya sa sahig, kasunod nitoy namuntong hininga siya. Lumipat ang tingin niya sa kamay ni Vincent na nakahawak sa kanyang braso. Ramd

Sumasabay ang malakas na tibok ng kanilang mga puso sa nanginginig na mga kamay ng doctor. Hindi maikakaila ang takot at kaba sa mga mukha ng nurse habang kalmadong isinasagawa ang operasyon sa batang si Princess. Sa pag-angat ng isang kamay ay kasabay nito ang pagpatak ng pawis mula sa noo ng doctor. Sinundan ito ng isang mahabang buntong hininga, tanda na nalampasan ang isang pagsubok na maisalba ang isang buhay. Napawi ang kabâ, nakahinga ng maluwag ang lahat ng makita na naging matagumpay ang operasyon na isinagawa sa batang si Princess. Kasunod nito ang pagsilay ng ngiti sa labi ng bawat isa.Samantala, mula sa labas ng operating room. Hindi magkandatuto sa paroo’t-parito si Vincent. Halos mabingi siya dahil sa malakas na kabǒg ng kanyang dibdib. “Hindi ko mapapatawad ang aking sarili sa oras na may mangyaring masama sa aking anak.” Anya ng isang tinig mula sa kanyang isipan, kasabay nito ang malungkot na eksena sa pagitan nila ni Princess. Mga alaala na hindi niya nabigyang p