Todos os capítulos de FROM OLD MAID TO BILLIONAIRE'S WIFE: Capítulo 91 - Capítulo 100

"MAYROON ka bang sasabihin sa akin, Elorda?" Nagulat si Elorda sa naging tanong ni Tess. Pero hindi niya iyon ipinahalata sa kaibigan. Mabilis siyang umiling. "W-Wala..." sagot niya na pilit tinitibayan ang loob sa harapan ni Tess. Matiim na napatitig si Tess sa kanyang kaibigan. Hindi siya kumbinsido. Parang mayroon sa loob niya na nag-uudyok na usisain si Elorda tungkol sa pagtira sa mansyon. “Mukha yatang may tinatago ka sa akin, Elorda,” ani Tess na hindi inaalis ang tingin dito. “Alam mo namang hindi kita huhusgahan. Pero kung may problema ka gusto kong malaman para matulungan kita.” Napakagat-labi si Elorda at bahagyang ibinaba ang tingin. Hindi niya alam kung paano sasagutin ang kaibigan. Ayaw niyang maipit sa tanong ni Tess, pero ayaw din niyang magsinungaling sa kaibigan niya. Masyado atang obvious sa mukha niya ang lungkot kahit na ngumiti pa siya. “Wala talaga, Tess…” pilit niyang sagot, ngunit halatang may pag-aalinlangan ang kanyang boses. “Wala?” kunot-noon

MAHIGIT tatlumpung minuto ang lumipas ay wala pa si Jav. Naiinip na ang mga bata at gusto na rin ata makapagpahinga sa bahay. "Wala pa si Jav, Elorda. Anong oras ba pupunta 'yon?" tanong ni Tess. "Hindi ko nga alam, e. Sabi niya kanina pagkatapos ng trabaho niya. 5:30 na, wala pa siya..." Patingin-tingin siya sa labas ng tindahan, baka pumarada ang sasakyan ni Jav. Minsan naman ay tumitingin siya sa kanyang phone, baka tumawag ang asawa. "Puwede ko naman na ihatid kayo pauwi..." prinisinta ni Tess. Napalingon si Elorda sa kaibigan. "Kaya naman naming umuwi sa mansyon. Kung hindi naman nagpasabi si Jav ay hindi naman kami maghihintay." Marahang tumango si Tess. Pero bakas niya ang pag-aalala ng kaibigan. Nangako ang asawa na susunduin sila pero heto at wala pa. Nararamdaman ni Tess ang pag-aalala ni Elorda, lalo na’t may kasama pa itong mga bata na pagod na rin. Tumikhim siya at sinubukang gawing magaan ang usapan. "Siguro naipit lang sa traffic si Jav. Alam mo na, rush

NANG mabusog si Uno at muling makatulog ay inilapag muli ni Elorda ang anak sa crib nito. Marahan niyang hinaplos ang pisngi nito na payapang natutulog. Nakatayo lang si Jav na pinanood ang kanyang asawa. Napangiti siya nang makita kung gaano kabuting ina si Elorda sa kanilang mga anak. Napaharap si Elorda kay Neng. "Kung magising pa si Uno, timplahan mo na lang ng gatas niya." Bilin niya kay Neng na tinanguan naman ng dalaga. "Let's go?" tanong ni Jav. Napatingin si Elorda sa kanya. Kita pa rin ang lungkot sa mga mata ng kanyang asawa. Tumango ito sa kanya, walang ngiti sa labi at nauna nang naglakad papunta sa pintuan. Sumunod na rin si Jav sa asawa papalabas ng kuwarto ng kanilang mga anak. Ipinaglalaban niya ang asawa sa kanyang mga magulang. Pero parang hindi pa iyon sapat para mapagaan ang sitwasyon nila. Gusto na niyang umalis at piliing tumira sa kanilang bahay. Pero, si Elorda ang mismong pumipigil sa kanya. Pagkapasok nila sa loob ng kuwarto nila ay umupo agad si Elord

INILALABAS na ni Jav ang lahat ng kanilang mga maleta at inilalagay sa likod ng kanyang sasakyan. Sa loob ng halos dalawang buwan na pagtira sa mansyon, kahit paano'y naging saksi ito sa pagmamahalan nila. Naging bahagi pa rin ito ng kanilang buhay bilang mag-asawa, kahit sa maikling panahon lamang. Dito sa mansyon siya ipinanganak, lumaki, at tumira nang matagal. Tahimik ang kanyang buhay noon, hanggang sa dumating sa buhay ng kanyang mga magulang ang pamilya Augustos. Doon nagsimulang magbago ang lahat. Lumabas si Elorda, may bitbit na bag sa balikat. Saglit siyang tumigil sa may pintuan ng bahay at muling nilingon ang loob ng mansyon. Ang katahimikan sa loob ng malaking mansyon ang kahit paano ay naging pansamantala rin niyang tahanan sa loob ng dalawang buwan. "Ang mga bata?" Biglang tanong ni Jav habang isinasara ang trunk ng sasakyan. Bumalik sa ulirat sa Elorda at napalingon sa kanyang asawa. Payak na ngumiti siya rito. "Babalikan ko na lang sina kambal sa kuwarto nila para

BUMALIK na sa ayos ang pagsasama nina Jav at Elorda. Dalawang buwan na rin silang nakatira sa sarili nilang tahanan mula nang umalis sila sa mansyon. Tahimik na ang lahat. Wala nang mga matang nanghuhusga kay Elorda. Wala na ring nagsasabing hindi siya ang tamang babae para kay Jav. Pero kahit ganoon, hindi pa rin mawala ang pag-aalala sa kanya. Kinakabahan pa rin siya tuwing umaalis si Jav papuntang kompanya. Alam niyang hindi niya ito kayang bantayan buong araw. At OA naman kung pilitin pa niya. "Alam mo, pagkatiwalaan mo si Jav. Ipinaglaban ka na niya, ‘di ba? Kaya magtiwala ka sa kanya," sabi ni Tess. Nasa airport sila, paalis na pabalik ng bansa ang kaibigan ni Elorda na si Mylene. "May tiwala ako sa asawa ko, siyempre. Pero hindi ko mapigilang mag-isip. Nandoon pa rin sa kompanya si Dindi. Katrabaho niya. Araw-araw silang nagkikita," sagot ni Elorda. Napaisip si Tess. Oo nga naman. Nakakaduda rin kung araw-araw mong kasama ang babaeng gustong-gusto ng nanay mo para sa’yo.