Tatlong lata ng mamahaling rootbeer ang nasa mesita at walang nang laman. Katabi ng mga iyon ang patong-patong na mga dokumentong tapos nang pirmahan ni Darvis. Dinampot ni Lexy ang mga lata at dinala sa kitchen. Hinulog sa trash bin na naroon. Nasa sala na si Darvis nang balikan niya. May binabasa itong papeles at habang nakaipit sa mga daliri ang stick ng nakasinding sigarilyo. Pero hinayaan lang din naman nitong masayang ang usok. Lumapit siya at kinuha sa kamay nito ang sigarilyo. Hinulog niya sa ashtray matapos patayin ang siga. "Bakit gising ka pa?" tanong nitong sinipat ang oras. Pasado alas-tres ng madaling araw. Siya pa ang tinatanong kung bakit gising pa samantalang ito naman ang nagpupuyat para mahabol ang trabaho na hindi na yata matatapos kahit biente-kuwatro oras pa itong gising. "Kagigising ko lang. Ikaw itong hindi natulog. Look at your eyes, so tired and haggard. Baka magkasakit ka niyan. Umidlip ka muna. Dito ka." Naupo siya sa couch at isenenyas dito ang kani
Last Updated : 2025-09-19
LOGIN
