All Chapters of The Ruthless Billionaire's Ex-Wife's Revenge: Chapter 11 - Chapter 20

“Massimo, dapat mong tingnan si Luna. Huwag mong hayaang may mangyaring masama sa kanya.” Malungkot na nagbuntong-hininga si Elisse habang hinahatak ang manggas ni Massimo. Kaawa-awa ang kanyang ekspresyon, ngunit pinipigilan niya ang kanyang damdamin.Hindi matiis ni Massimo na nakikitang nagdurusa si Elisse. Lalo pang uminit ang ulo niya sa narinig.“Kung pupuntahan ko siya, ibig sabihin ay nahulog na ako sa bitag niya. Gusto kong makita kung paano niya itutuloy ang palabas na ito kung wala ako.”Nagpakawala nang malamig na paghinga si Massimo at biglang niyakap si Elisse.“Kung kagaya mo lang sana siya na mauunawain, sana maayos na ang lahat ngayon.”Narinig ni Elisse ang sinabi niya, pero hindi niya maramdaman ang kasiyahan. Gayunman, kumilos siyang parang nasiyahan, at dahan-dahang sumandal sa dibdib ni Massimo.“Huwag ka nang magalit. Sa totoo lang, sobra lang talagang pagpapahalaga ni Luna sa pagiging Mrs. Alcantara. Intindihin mo na lang siya,” wika niya sa maingat na t

At sa iba pang bagay, ayaw na ni Luna na isipin pa iyon. Hindi na niya kailangan ang alinman doon dahil wala nang halaga ang kahit ano ngayon para sa kanya.Napakarami na ng luhang bumagsak mula sa kanyang mga mata na nag-umpisa na itong sumakit.Paglabas niya ng punerarya, dumiretso sa kanya ang sikat ng araw. Doon lamang niya muling naramdaman na isa pa rin siyang buhay na tao.Itinaas niya ang kanyang ulo upang salubungin ang araw. Habang nakatingala, mas lalo pang dumaloy ang kanyang mga luha mula sa gilid ng kanyang mga mata.“Kai, miss na miss ka na ni mommy. Kai...” mahinang bulong niya. “Ang munting Kai ko…”Mahigpit niyang niyakap ang pendant na may mga abo ni Kai sa loob habang siya ay napaupo sa lupa at napahagulhol na lamang.Kahit na paulit-ulit niyang pinapaalala sa sarili na gugustuhin ni Kai na mamuhay siyang maayos, hindi niya ito kaya. Hindi siya ganoon katatag gaya nang inaakala ng anak.Nang wala nang luhang mailabas at ubos na ang kanyang lakas, saka pa lama

“Ano ang sinabi mo?”Biglang dumilim ang mukha ni Massimo. Ilang araw na niyang hindi nakikita si Kai. Noong huli siyang naghanap kay Luna, hindi rin niya nakita si Kai na kasama nito.Nang maalala niya ang tawag mula sa punerarya, may kakaibang kaba ang dumapo sa kanyang dibdib. Kahit alam niyang isa lang iyon sa mga panlilinlang ni Luna, hindi niya maiwasang makaramdam nang kaunting takot.“Massimo, huwag kang mag-alala. Nagpapakawala lang ng sama ng loob si Luna. Sigurado ako na hindi niya sasaktan si Kai,” malumanay na sabi ni Elisse, at nagpatuloy, “Pero, hindi natin alam kung saan niya ito dinala. May iba pa ba siyang kamag-anak?”Lumapit si Elisse at marahang tinapik ang balikat ni Massimo, mahinahon ang boses niya nang magsalita habang sinusubukang pakalmahin ito.‘Kamag-anak?’ saad ni Massimo sa isip.Biglang pumasok sa isip ni Massimo si Adrian, at agad naalala ang kinanselang tiket sa eroplano. Ang taong iyon ay isa lamang na adik sa sugal at gagawin ang lahat para sa

Anuman ang mangyari, hinding-hindi papayagan ni Massimo na patuloy na manirahan ang kanyang anak sa piling ng isang babaeng tulad ni Luna.“Patay na si Kai!” galit na sigaw ni Luna. “Patay na siya habang abala ka sa pagmamahalan ninyong dalawa ng babae mo, habang pinapaputukan mo ng fireworks ang buong lungsod para sa kanya! Ang anak nating si Kai, ang sarili mong laman at dugo ay namatay dahil wala tayong perang pampagamot sa operasyon niya! Patay na siya!”Nagpumiglas si Luna, nanginginig ang buong katawan habang dumadaloy ang luha mula sa kanyang mga mata. Bawat salitang binitiwan niya ay puno ng paninisi at dalamhati. Isang ina ang nagsasalita. Isang inang desperado, galit na galit, at higit sa lahat, walang magawa sa lahat ng mga nangyari.Itinulak niya si Massimo nang buong lakas, lumuhod sa sahig, at pilit inabot ang litrato ng anak na nakakalat sa lupa. Nasugatan ang kanyang palad sa matalim na salamin, at agad dumugo, ngunit wala siyang pakialam.Pinunasan niya ang dugo ng

Ngunit ngayon na si Luna ay naging ganito, parang binibiyak ang dibdib ni Massimo sa matinding sakit.“Luna, huwag niyo pong sabihin ’yan. Hindi po kami gano'n ni Massimo sa kung anuman ang iniisip ninyo,” ani Elisse, habang namumula ang mga mata niya at kusa siyang nagtago sa likod ni Massimo. “Hindi po kami marumi.”“Matagal na kaming nagmamahalan ni Elisse. Ikaw ang nagplano na magkaanak para lamang itali ako sa ’yo. At ngayon, hindi mo lang alam kung paano maging si Mrs. Alcantara, nakalimutan mo pa kung paano maging ina,” sagot ni Massimo. “Nasaan si Kai? Ibigay mo sa akin ang bata. Huwag mo akong galitin.”Malamig ang mukha ni Massimo, at inilagay niya ang halos buong katawan niya sa harap ni Elisse na para bang iniiwas siyang masaktan ni Luna.Isa iyong likas na kilos niya. Isang bagay na hindi mapapeke, at ang ganitong kusang kilos ay nagsasabi ng lahat kaya naintindihan ni Luna iyon. Totoo na mahal ni Massimo si Elisse, at naintindihan rin niya na hindi siya kailanman mina