Lahat ng Kabanata ng Running Away From My Billionaire Baby Daddy: Kabanata 11 - Kabanata 20

Para sa iba, Si Yael ang tinaguriang magaling sa lahat ng bagay. Pero sa loob ng pamilya, iisa lamang ang alam nilang totoo— nakasalalay sa mga kamay ni Yamila ang lahat ng tagumpay. Kaya ganoon na lang katibay ang kumpiyansa nito. “Then, try me.” Malamig na sagot ni Yamila. “Yamila… t-talagang sumususobra ka na…” halos mabulunan si Yael sa galit. Ngunit si Yamila, nanatiling kalmado. Hindi lahat ng bagay ay ipinaglalaban niya. Pero kapag tinangka ng iba na agawin kung ano ang kaniya, hindi siya uurong. Tumayo siya nang walang pagmamadali. Inayos ang suot, at malamig na tinignan ang mag-ama. “Imbes na gumawa kayo ng plano na alam niyo namang hindi niyo kaya, bat hindi ka nalang gumawa ng mga bagay na ikakatuwa ko? Dahil tandaan mo, ako lang ang aasahan mong kakampi sa dulo. Sa tingin mo ba may iba pang papasan ng problema mo?” Kasabay ng kanyang mga salita ay ang mapagmataas na ngiti at titig na puno ng panghahamak. Mas lalong nangitim sa galit ang mukha ni Yael. Akala niy

“Sumagot ka muna!” singhal ni Magnus. Halos manginig ang boses nito sa galit. “Fine.” Napairap si Yamila. Halatang sawa na sa eksena. “E ’di sa’yo na! Hindi ko na kailangan ng kotse.” Pagkasabi niya ay tumawag siya ng taxi, saktong may padaan kaya agad niya itong pinara. Sinubukan siyang pigilan ni Magnus, pero mabilis siyang nakapasok sa loob ng sasakyan. Agad na umalis ang driver, ramdam na gusto niyang takasan ang lalaki. Hindi na niya liningon pa si Magnus nang humarurot ang sasakyan. Naiwan ang lalaki sa parking lot habang sinusundan ng tingin ang papalayong taxi. Nanginginig sa galit si Magnus. Para bang sasabog ang dibdib niya dahil sa labis na sama ng loob Sa sobrang init ng ulo, sinipa niya ang kotse ni Yamila. Agad na tumunog ang alarm nito— malakas, parang sigaw na kumalat sa buong paligid. Napamura siya. Ni-hindi niya natandaan ang plate number ng taxi na sinakyan ni Yamila. Iniwan talaga siya nito para lang maiwasan ang kaniyang pagtatanong. F*ck.

Napakurap si Renella. Mas nagulat pa ito sa huli niyang sinabi. “Anak…sigurado ka?” Tumango si Yamila. Kung hindi niya nakita at narinig kanina na nag-uusap si Magnus at ang babae, baka hindi pa rin siya naniwala. Pero totoo at ramdam niyang matagal nang magkakilala si Irina at Magnus. Si Magnus din mismo ang nagsabi kay Yael na magkakilala ito at si Irina na siyang ikinaaliwalas ng mukha ni Yael.Iyon din ang dahilan kung bakit tila tuluyang nagising ang kaniyang puso. Ang bastardong anak, ang walang kwentang ama, at ang walang pusong asawa, tila nagkakaisa para saktan at hiyain siya. “Paano? Paano nangyari ‘yon?” Nag-aalalang tanong ni Renella, mariin ang titig sa kaniya. Umiling siya saka hinaplos ang kamay ng ina. Alam niyang nag-aalala ito para sa kaniya lalo. Ngunit hindi na kailangan, nalagpasan niya ang gabing ito na hindi nagmumukhang api.Kahit pa nagkaisa si Yael, Irina at Magnus, ay nagawa niyang protektahan at ipagtanggol ang kaniyang sarili. “I haven't met I

Naalala niya bigla ang hirap, ang sakit, at ang panganib na pinagdaanan niya para lamang isilang si Thadeus. Kung paano siya halos mawalan ng buhay para lang mayakap ang anak ngayon. At kung kukunin iyon ni Magnus…hindi niya alam kung paano pa siya tatayo. Ngunit hindi siya basta-bastang susuko lalo pag anak na niya ang nasa usapan. Hindi siya isang inutil na babae. Hindi niya hahayaan na mailayo sa kaniya ang kaniyang anak. Pinilit niyang huminga ng malalim, pinapalakas ang loob niya. Kinabukasan, sa hapag ay bibong-bibo si Thadeus. Ang mga kwento nitong naputol kagabi ay pinagpatuloy nito ngayong umaga sa hapag habang kumakain ng almusal. Maaga itong bumabangon para sabayan siyang mag-almusal, kahit pa ala syete pa naman ang klase nito. Ngunit ngayong umaga, maagang aalis ng bahay ang Lola Renella nito kaya siya na lamang muna ang maghahatid sa skwelahan kay Thadeus, kaya halata sa mukha nito ang excitement at tuwa. Matalino at magaling na bata si Thad, sa murang edad ay maru

Matagal na na-delay ang kaniyang pag-iikot dahil may ilan siyang pasyente at kamag-anak ng pasyente na kinausap niya ng mabuti. Isa rin sa rason kung bakit paborito siyang doktor ng mga pasyente ay dahil sa ramdam ng mga ito ang totoo niyang simpatya at pag-aalala.Kaya madalas, matagal ang kaniyang pag-iikot dahil lahat ng kamag-anak ng mga pasyente ay gustong kunin ang kaniyang oras at atensyon.Pagod na sa pag-iikot, huli niyang kailangan na bisitahin ay ang bago niyang pasyente. Nagtungo siya sa silid ng pasyente niyang si Mia— ang kaniyang hipag. Binuksan niya ang pinto ng pribadong silid pagkatapos na kumatok ng dalawang beses. Walang sumagot, kaya naisip niyang tulog pa marahil ang babae. Ngunit nang pumasok siya ay agad niyang nakita ang babae na may kausap sa cellphone kaya hindi napansin ang kaniyang pagkatok kanina.“When will you visit, Irina? Palagi akong walang kasama dito, ang boring dito sa hospital. Bisitahin mo naman ako.” Naglalambing nitong sabi. Pagkarinig ni Ya