All Chapters of One Hot Night to Forever: Chapter 221 - Chapter 230

Nanigas ang buong katawan ni Ereena. Parang tumigil ang buong paligid matapos niyang marinig ang sinabi ni Yvee.“Hindi ka niya pinili.” Paulit-ulit iyong umalingawngaw sa isip ni Ereena.Iyon ang totoo, pero kahit kailan ay hindi iyon matatanggap ni Ereena. Para sa kaniya, pangalawa lang dapat si Yvee sa kaniya. At lahat ng mayroon ito ay nararapat na mapunta sa kaniya. Buong buhay ni Ereena siya ang numero uno sa puso ng ama niya. Mas pinapahalagahan siya ni Edwin at lalong lalo na ang ina niya. At ang mga taong nakapalibot sa kaniya ay dapat siya ang mas mahal. Dapat nasa kaniya ang lahat ng atensyon. Kaya nang makita niyang may nararamdaman si Yvee kay Gideon ay mas lalong nangibabaw ang pagnanais niyang mapasakaniya si Gideon. Ngunit kahit anong gawin niya ay hindi tumingin si Gideon sa kaniya sa paraan ng pagtingin nito kay Yvee. Hindi siya nito hinabol. At higit sa lahat, hindi siya nito minahal. At iyon ang katotohanang hindi niya matanggap hanggang ngayon.“Shut up!” mala

“Dad!” sigaw ni Ereena ngunit hindi siya pinansin ng ama.Nanginginig na si Edwin sa galit. Bakit ba pumapalpak ang lahat ng plano niya? Samantalang si Yvee ay diretso lamang na nakatingin kay Edwin. Nasusuka siya habang tinitingnan niya ang ama niya—ang taong nasa harapan niya ay ang taong pinangarap niyang tanggapin at mahalin siya. At ngayon ay kitang-kita na niya ang tunay nitong katauhan. Isa pala itong demonyong nagkatawang tao.“Dad we need to run!” natatarantang wika ni Ereena habang hinihila niya ang manggas ng damit ng ama niya. Nanigas si Edwin pero mas nangibabaw ang galit niya. Kung hindi niya makukuha ang gusto niya, pwes! Sabay-sabay silang lahat na bababa sa impyerno! “I was right, Yvangeline. Dapat talaga ay ipinatapon na lang kita noong sanggol ka pa. Wala kang ibang dinala sa pamilya natin kung hindi kapahamakan!” nanggigil na wika ni Edwin. “Sana nga ginawa mo na lang,” malamig na wika ni Yvee. “Eh, ‘di sana hindi ko mararanasan ang lahat ng sakit na dinulot m

Namumula ang mga mata ni Edwin at mabilis ang pagtaas-baba ng kaniyang dibdib. Para siyang taong itinulak na sa pinakadulo ng bangin na wala nang pakialam kung sino ang madadamay sa pagbagsak niya.“Bigyan mo ako ng isang bilyong piso at papakawalan ko si Yvee!” sigaw ni Edwin, halos pumiyok pa siya sa pinaghalong galit, kaba at takot.Nanatiling tahimik si Gideon. Ang malamig niyang tingin ay nakatutok lamang kay Edwin. Wala siyang sinabing kahit isang salita ngunit sapat na ang ekspresyon niya upang maramdaman ng lahat ang mabigat na tensyon sa paligid.Dahil sa pananahimik ni Gideon ay lalo lamang nainis si Edwin. “Hindi mo siya makukuha sa akin kapag hindi mo ako binigyan ng pera!” muli niyang sigaw.Sa gitna ng pagkataranta ni Edwin ay bigla siyang napahinto. May naalala siya. Mabilis niyang ipinasok ang kaniyang isang kamay sa bulsa ng kaniyang pantalon. May hinugot siyang isang itim na baril. Nanlaki ang mga mata ng mga taong nakapaligid sa kaniya. Maging ang anak niyang si Yve

Umalingawngaw sa buong pier ang nakakabinging putok ng baril.BANG!Kasabay niyon ay tila huminto ang buong mundo.Nanlaki ang mga mata ni Gideon nang may biglang sumalpok sa kaniya at malakas siyang naitulak palayo. Wala siyang pagkakataong makapag-isip. Ang sumunod na lamang niyang naramdaman ay ang matigas na sementadong sahig na bumunggo sa kaniyang likod.“YVEE!” Naputol ang sigaw ni Gideon nang isa pang putok ang umalingawngaw.BANG!At pagkatapos noon ay wala nang tunog. Parang nilamon ng dagat ang lahat ng tunog. Nawala ang ugong ng hangin. Nawala ang banayad na hampas ng alon sa ilalim ng pier. Maging ang sariling tibok ng puso ni Gideon ay tila hindi niya marinig. Nakatulala lamang siya habang pilit na inuunawa ng isip niya ang nangyari. Unti-unti siyang napatingala at nakita niya si Yvee. Nakatayo pa rin ito sa pagitan nina Ereena. Ngunit tila may kakaiba. Bahagyang nakayuko ang katawan nito na para bang hirap na itong manatiling nakatayo.Nanigas ang buong katawan ni Gid

Bahagyang gumalaw ang mga daliri ni Yvee sa kaniyang palad. Napakaliit ng galaw na iyon, ngunit sapat upang mapahigpit ang kaniyang paghinga. Mabigat niyang ibinuka ang mga mata niya. Malabo pa rin ang kaniyang tingin. Parang hirap na hirap siyang manatiling gising. Ngunit nang makita niya si Gideon ay bahagyang gumalaw ang mga labi niya. "G-Gideon..."Sinubukan ni Yvee na ngumiti pero napalitan iyon ng mahinang pag-ubo. Agad na napahawak ang isang paramedic sa balikat ni Gideon nang subukan nitong lumapit sa kaniya."Sir, please. Kailangan po naming magtrabaho."Napaatras si Gideon pero hindi niya inalis ang tingin niya kay Yvee. Hindi niya magawa. Hindi niya kayang alisin ang mga mata niya rito dahil habang tumatagal ay lalo niyang nakikita ang unti-unting pagkawala ng lakas nito."BP is crashing!" Mabilis na nag-iba ang tono ng mga paramedic. "She's losing too much blood.""Come on, stay with us!"Naramdaman ni Gideo