All Chapters of The Billionaire’s Instant Baby: Chapter 21 - Chapter 30

“Wear this.” Inihagis ni Rule sa mukha ko ang isang itim na jacket. Kaagad ko itong kinuha at isinuot. Umabot ang jacket hanggang sa tuhod ko. Tama lang para matakpan ang malaswang suot ko. Nang masiguro niyang maayos na ako ay kaagad niya akong tinalikuran at lumabas ng kanyang sasakyan, habang tahimik lamang akong nakasunod sa kanya. Nang marating ang pinto ng malaking bahay ay binuksan niya ito. Saglit niya akong nilingon pero nang masigurong nakasunod ako sa kanya ay mabilis siyang pumasok sa loob nang hindi man lamang ako hinihintay Nang makapasok kami ay kaagad kaming sinalubong ng katahimikan at tanging mga hakbang lamang namin ang naririnig. Siguro ay dahil anong oras na. Wala na kasi akong nakikitang mga kasambahay sa paligid, o baka naman masyado lang malawak ang bahay kaya hindi sila matanaw ng mga mata ko. Hindi ko mapigilang mamangha sa nakikita ko. Maliwanag ang buong paligid dahil sa napakalaking chandelier, at halos lahat ng mga gamit ay kulay ginto. Parang ang hira

Mag-aalas otso na nang magising ako. Mukhang napasarap ang tulog ko sa malambot na kama kaya kahit nag-alarm ako ay hindi ko iyon narinig.Lagot ako nito! Tiyak na magagalit na naman sa akin si Rule.Kaagad akong bumalikwas ng bangon at nagtungo sa banyo upang maghilamos at maligo nang mabilis, at pagkatapos ay nag-toothbrush na rin ako. Mabuti na lang at kahit wala akong dalang gamit ay meron naman dito sa bathroom at mukhang mga bago lang din ang mga ito.Naka-tapis lang ako ng tuwalya nang lumabas ako ng bathroom at pagkatapos ay nagtungo sa malaking closet. May ilang damit doon at saktong-sakto lang ang mga ito sa akin. Hindi ko alam kung para kanino ang mga ito, pero mukhang hindi pa rin ito nagagamit dahil napansin ko na may tag pa ang mga damit. Halos malula nga ako sa presyo. Ayaw ko sanang gamitin pero wala naman akong choice dahil wala naman akong dalang damit.Nang matapos kong pumili ng damit ay kaagad ko itong sinuot at inayos ang sarili ko. Hindi na ako nagsuklay dahil n

Hindi ako nakatulog ng maayos kagabi dahil sa kakaisip ko sa mga sinabi ni Rule sa akin kahapon. Hindi din mawala sa isipan ko kung paano niya ako niyakap nang mahigpit. Nag-aalala ba siya para sa akin? Pero bakit? Hindi ko alam. Para akong mababaliw. Konti na lang. Malapit nang sumabog ang utak ko dahil sa paulit-ulit kong tanong na siya lamang ang makakasagot, kaya lang ay wala akong lakas ng loob. Baka mamaya ay isipin niyang ilusyunada ako. Ang laki tuloy ng eyebags ko. May tumubo din na pimple sa may bandang ilong ko. Ngali-ngali kong pisatin iyon pero buti na lang at napigilan ko. Tinakpan ko na lang ito ng concealer at nang matakpan ay kaagad na din akong lumabas ng kwarto at bumaba. Sinilip ko muna si Aurora sa kanyang kwarto at nakahinga ako ng maluwag dahil nauna na naman akong gumising sa kanya. Siguro ay napagod siya dahil may tutorial class pa siya sa gabi. Naawa nga ako sa kanya eh, kasi ang bata-bata pa niya pero masyadong mahigpit sa kanya si Chloe pagdating sa pag-a

Simula noong pinakinggan ko ang usapan nina Chloe at Rule ay pinili ko na lang na umiwas kay Rule, maging ang pagdaan sa kanyang opisina ay iniwasan ko na rin. Ayaw ko nang makarinig pa ng kahit ano kay Chloe dahil tiyak akong mainit na ang mga mata niya sa akin.Ayaw ko naman na palagi niya akong mapag-initan. Kaya hangga’t maaari ay iiwas na lamang ako. Mas nag-focus na lang ako kay Aurora at sa pag-aalaga sa kanya. Masasabi kong sobrang close na naming dalawa at kulang na lang ay magpalit na kami ng mga mukha dahil halos hindi kami mapaghiwalay na dalawa.Kulang na nga lang ay sumama siya sa akin sa paliligo o kaya naman kapag kakailanganin kong magpunta ng banyo. Ganon siya ka-clingy sa akin. Paminsan-minsan ay magkatabi kaming natutulog. Minsan natutulog siya sa kwarto ko at minsan ako naman ang natutulog sa kwarto niya.Kasalukuyan kaming nasa malawak nilang garden at tinuturuan ko siyang gumuhit. Ito ang isa sa mga naging bonding naming dalawa. Napag-alaman ko kasi na mahilig d

Gusto kong batukan ang sarili ko dahil sa katangahan ko. Hindi ako makapaniwala na ganoon lamang ako kadaling madala kay Rule. Hindi ko maintindihan ang sarili ko at alam kong delikado itong nararamdaman ko. Kaya nga ako naiinis sa sarili ko eh. Kailangan kong pigilan itong sarili ko dahil alam ko na ako din ang magiging kawawa sa huli.Alam ko naman na wala akong panama kay Chloe at hindi ako mananalo sa kanya. Kaya naman kailangan ko nang pigilan ang kung ano man ang nararamdaman ko sa lalong madaling panahon. Isa lang itong kabaliwan!Hindi ka dapat magpadala sa lalaking iyon, Demitria! Oo at siya ang ama ng anak mo pero hanggang doon lamang iyon. Hindi ka na dapat lumagpas pa!Tinampal-tampal ko ang sarili ko para naman matauhan ako at saka lamang ako natauhan nang maalala ko si Aurora. Oo nga pala at magkasama kaming dalawa. Inaya niya ako dito sa garden dahil gusto niya daw dito mag-drawing. Kasalukuyan siyang gumuguhit ng bulaklak ngayon pero hindi ko na namalayan na kanina pa