Semua Bab Marrying My Ex-Fiancee's Uncle After I Got Out Of Prison: Bab 21 - Bab 30

Isang malutong na sampal ang bumasag sa ingay sa loob. Naging sobrang tahimik na kahit pagbagsak ng karayom ay maririnig. Ang sampal na yun ay galing kay Jade. Nanatiling nakataas ang kamay niya habang ang lahat ay nakanganga sa gulat. Namula ang pisngi ni Vince sa ilalim ng mga ilaw. Napakagat labi siya sa tindi ng galit at marahas na itinulak ang braso ni Jade. Dahil sa gulat ay napaatras si Jade ng ilang hakbang at tuluyang napaupo sa sahig. Mula sa gilid ay nagsimulang magsisigaw ang mga kaibigan nito. "Jade! Ang kapal ng mukha mong saktan ang kuya mo! Pinalaki ka ng mga Guevarra! Napakabuti nila sayo at mahal na mahal ka ng kuya mo dati. Wala kang utang na loob!" Namumutla ang mukha ni Jade. Tumayo siya kahit masakit ang katawan at nagpakawala ng isang mapait na tawa kay Vince. "Naging mabuti nga ang mga Guevarra sa akin... pero sa loob ng limang taon na yun ay nabayaran ko na nang buo ang utang na yun." Bago pa siya makatapos sa sasabihin nya ay hinila ni Vince ang kany

Pagbalik sa Mansion ng mga Guevarra ay nakita niyang hindi nagbago ang dekorasyon. Pamilyar pa din ang mga ito pero nakakangilabot ang pagiging banyaga nito sa kanyang paningin. Minsan na siyang bumisita rito pagkalabas niya ng kulungan pero sandali lang siya sa dining room noon bago umalis. Kahit sinabi nina Lenora at Vince na nanatiling pareho ang kwarto niya ay hindi siya umakyat para tingnan yun. Pero ngayong gabi ay kailangan niyang manatili rito. "Nakapag-dinner ka na ba? Gusto mo bang kumain?" tanong ni Vince habang nililingon siya at ginagabayan papasok sa sala. "Hindi na, salamat. Hindi ako gutom," walang ganang sagot ni Jade. Hinubad ni Vince ang kanyang suit jacket at inihagis sa sofa. Sobrang dilim ng mukha nito ng lingunin sya. "Mula ngayon ay hindi ka na pwedeng mag-part-time sa Nightshade. At yung Zhenna na yun... paano kayo nagkakilala?" Walang balak si Jade na sakyan ang mga tanong nito. Sa halip ay ibinalik niya ang tanong. "Saang kwarto ako matutulog?

"Jade, nagkataon lang na narinig kita mula sa labas. Hindi ako nakikinig sa usapan niyo. Sino ba sa tingin mo ang kaharap mo?" Muling sumabog ang galit ni Vince at lalong naging agresibo ang boses nito. "Hindi mo pa rin sinasagot ang tanong ko. Bakit nakikipag-ugnayan ka pa rin kay Ezekiel!” "At bakit hindi?" balik na tanong ni Jade habang bakas ang pagkapagod sa boses. Namula ang mga mata ni Vince sa tindi ng emosyon. "Umaasa ka pa rin ba kay Asher? Fiancee na siya ni Xianne. Narinig mo naman kagabi na magkasama sila. Pinapayuhan kita na sumuko ka na! Wag mong isiping magagamit mo si Ezekiel para makalapit ulit kay Asher." Nagpakawala ng isang mapait at hindi makapaniwalang tawa si Jade. "Mr. Guevarra, nawawala ka na ba sa sarili mo? Bakit ko nanaising makuha ang lalaking nagamit na ni Xianne? Nakakadiri!" "Ikaw! Paano mo nagagawang pagsalitaan nang ganyan si Xianne? Mula ngayon ay lumayo ka kay Ezekiel! Kahit dahil pa yan kay Asher o sa kahit anong rason ay wala kang dapat

"Mom, may hindi ka alam. Ayaw ko lang na mag-alala ka habang nasa ospital ka, pero ang dahilan kung bakit ayaw nang bumalik ni Ate sa Guevarra Family Estate ay dahil... nakatira na siya kay Ezekiel Elizalde," sabi ni Xianne, halatang naglulungkot-lungkutan ang boses.Muntik nang mapatawa nang mapait si Jade.Kitang-kita na si Xianne ang pinaka-ayaw na bumalik siya sa mansyon ng mga Guevarra ngayon dahil handa pa itong gumawa ng mga harap-harapang kasinungalingan para lang masiguro iyon."Xianne, please lang. Huwag kang mag-imbento hangga't wala kang hawak na ebidensya," malamig na sabi ni Jade.Kung wala lang si Lenora ay baka nasampal na niya si Xianne para lang tumahimik ito. Ang tanging nagpipigil na lang sa kanya ay ang ilang taon na pagpapalaki sa kanya ng pamilyang Guevarra."Paano naging imbento ito? Sinabi sa akin ni Asher ang lahat. Doon ka nakatira sa bahay ng tito niya at nilalapitan mo pa ang pinsan niyang si Yuze. Ttinalikuran mo na si Caleb. Nanahimik lang ako kasi ayaw

Dati, ang akala ni Jade ay isang malamig at walang pusong tao si Ezekiel—yung tipong sobrang hirap pakisamahan. Hindi niya inaasahan na si Ezekiel, na halos estranghero sa kanya, ang gagawa ng paraan para bigyan siya ng dignidad. Samantalang si Vince, ang kuya na kasama niya sa paglaki ay binalewala ang nararamdaman niya at harap-harapan pa siyang ipinahiya. Nang marinig mismo kay Ezekiel na guest ng pamilya Elizalde si Jade ay bakas ang matinding gulat sa mukha nina Vince at Xianne. Si Lenora naman ay mukhang tuwang-tuwa. Agad siyang bumati. "Mr. Elizalde, matagal na rin tayong hindi nagkikita. Pasok ka muna at maupo sandali." Sumulyap si Ezekiel sa loob at bahagyang tumango bilang paggalang. "Hindi ko alam na naka-confine din pala rito si Mrs. Guevarra. Kamusta ang pakiramdam niyo?" Nagulat si Lenora sa pagiging polite ni Ezekiel sa kanya. Dahil dito ay pakiramdam niya ay nakikinabang siya sa panganay niyang anak na si Jade. Dati na silang nagkaka-krus ng landas ni Eze