Matapos ang mahaba-habang pagkukuwento ni Celestine, tuluyan siyang natahimik. Ilang beses pa niyang pinunasan ang kaniyang mga mata gamit ang panyo bago siya huminga nang malalim, bahagyang yumuko na tila ba ubos na ubos na ang kaniyang lakas matapos ilahad ang napakasakit niyang karanasan.Nasa harapan niya kaming lahat—ako, si Jared, ang mga magulang ko, si Lolo Enrico, at ang mga magulang ng asawa ko.Tahimik ang buong hardin. Walang nagsasalita.Naghintay si Celestine nang ilang segundo, marahil ay umaasang may lalapit sa kaniya, yayakap, o magsasabing tutulungan siyang makuha ang hustisyang hinihingi niya. Ngunit walang gumalaw. Sa halip, dahan-dahan akong tumayo, pagkatapos ay nagsimulang pumalakpak.Pak! Pak! Pak!Napatingin sa akin ang lahat. Ngumiti ako at masiglang ipinagpatuloy ang pagpalakpak. Maya-maya, tumayo rin si Jared, sumunod sina Mama at Papa, pati sina Donna Yvaine at Sir Sidfrey ay nakipalakpak, at maging si Don Enrico ay tumayo at marahang pinalakpakan si Cele
Read more