Todos los capítulos de حين افترق الدم: Capítulo 11 - Capítulo 20

دازت ثلاثة أيام...كلشي رجع كيبان عادي.ريان ما عاودش سمع داك الصوت.حتى هو بدا يقنع راسو...أن اللي وقع فالمرآب ما كان غير نتيجة الإرهاق.رجع يغرق فراسو فالخدمة واخا كان باقي الإسم رافض انه يخرج من عقلو. كل صباح كيخرج مع نفس الوقت. ونفس الطريق.ونفس الروتين.كان كيتعاود. ـ ـ ـ ـ ـ ـ أما ليان...كانت مستغرقة فمشروعها الجديد.المحل بدا كيجلب زبناء أكثر من قبل.وكانت فرحتها كتكبر نهار بعد نهار مع كل تصميم كيعجب الناس.هاد النهار كانت حاسة بفرحة كبيرة معرفاش سببها....كانت واقفة كتعدل آخر اللمسات على واحد الفستان.دخلات عليها سلمى وهي كتضحك والفرحة مقداهاش.— مبروك عليك. رفعات ليان راسها فيها باستغراب.— على شنو؟مدات ليها التلفون.— شوفي شوفي اصحبتي. شدات التلفونبين يديها.كان واحد من أشهر المؤثرين فالموضة مشارك صورة ديال تصميمها، وكاتب كلمات كلها إعجاب.توسعو عينيها من صدمة. — مستحيل...فرحات حتى دموع لمعو فعينيها.فهاد اللحظة...شدات التلفون ديالها بلا وعي منها.وأول اسم جا فبالها... هو ريان.وقبل ما تضغط على زر الاتصال...وقفت وهيا كتأمل شويا فشاشة لكانت فبها صورة ديالو.اب

كان الجو منعش بعد الزوال.ليان خرجات من المحل باش توصل واحد الفستان لواحد أزبونة مهمة.بعدما سالات، قررت تدخل لواحد المقهى القريب ترتاح عشر دقايق قبل ما ترجع لخدمتها. جلست حد الشباك.طلبت قهوة.وبدات كتراجع بعض التصاميم فالتابليت.بعد لحظات...دخل شاب للمقهى.كان لابس بدلة أنيقة، كان باين عليه خارج من الخدمة.وقف عند المحاسب، وطلب قهوة سوداء.ليان رفعت عينيها بلا اهتمام...ولكن بقات كتشوف فيه ثانيتين.عقدات حجبانها.همسات مع نفسها:— غريب...كاين شي حاجة فيه مألوفة.رجعات كملات كتشوف فتابليت.حاولت تركز.ولكن بلا وعي...رجعات شافت فيه مرة أخرى.هاد المرة ابتسمت بخفة.وقالت مع نفسها:— يمكن غير ذكرني بشي واحد.ما عطاتش للموضوع أهمية.ـ ـ ـ ـ ـ ـ ـ ـ أما إياد...شد القهوة ديالو.ودار باش يخرج.وفنفس اللحظة...تلاقاو عينيه مع عنين ليان لكانت باقى كتشوف لجيهتو غير ثانية وحدة.ابتسم ليها باحترام.ابتسامة عابرة.ردات عليه بابتسامة خفيفة من باب الذوق.وكمل طريقو متوجه للباب....بقات ليان كتشوف من الشرجم.شافتو كيركب سيارتو ويمشي.ومن بعد ضحكات على راسها.— شنو هاد العقل ديالي...هدشي لبق

تسلات اشعة الشمس بهدوء للغرفة عبر النافدة، فتح عينيه بشويا شاف جيهة الساعة. لقاها 6:00صباحا. تمدد بشويا عليه ومسح علي وجهو وشعرو، ونزل بشويا عليه من سرير. توجه للحمام خدا ليه حمام دافىء. خرج وهو لوي عليه الفوطة. وقف قدام لمراية، وبقا كيشوف فنحكاسو لثواني كان ريان. لبس حوايجو بسرعة، ودار ساعتو المفضلة فيدو اليسرى. رش رشيشات خفاف من ريحتو المعتادة. قاد شعرو مزيان مرجعو اللور. وخرج من الغرفة. بعد ما هز حقيبة لي فيها الحاسوب ديالو وهز تلفونو في يدو وحتى سوارت ديال طموبيل. نزل التحت كيلقا لالة مينة واقفة فالكوزينة كتوجد لفطور. توجه ليها وباس راسها ــ صباح الخير الوليدة. ــ صباح نور ولدي حبيبي. بتاسم ليها وباس يديها ــ الله يحفظك ليا الوليدة، ولهلا يخطيك عليا. ــ أمين أوليدي حبيبي، وحتى نتا لهلا يحرمني منك. قلتها وعينيها لي لمعو بدموع تسلات دمعة. ونزلات علي خدها. أول ما حسات بيها مسحاتها بسرعة. قبل ما يشوفها. هو لي خوا ليه كأس القهوى وتوجه باش يكلس باش يشربها. ــ واش تبغي تفطر. ــ لا الواليدة، أنشرب غير قهوى ونمشي. وتنهدات وهيا كتشوف فيه. ــ واخا أوليدي، غير متنسا

كانو كالسين لخوتات كيهضرو وضحكو مع بعضياتهم. لالة حليمة لقالت: ــ تبارك الله علي بنتي نجلى، شحال كبرات وزيانة. نجلى لتبسمات بخجل:ــ شكرا خالتي. لالة فاطمة لحطات الكاس ديال اتاي من يدها وقالت: ــ وياااه، داغي كدوز ليام وكيكبرو سكتات شويا وتنهدات إوى راه كيقولها دار لبنات خاوية. إوى اش اديري أختي، راه ضروري هدشي هدي هيا سنة الحياة. ــ راه كيجيو ولكن انا باقى مسخيا نعطي بنتي. لالة حليمة لي تنهدات او شافت فختها او عودات شافت في نجلى لكانت كتهدرو مع ختها وهيا كتبسم ــ ااوى انا راه مكرهتهاش تكون عروستي. نجلى لهزات عنبها فخالتها وعينيها لكانو كيلمعو حنات راسها بخجل وسكات. لالة فاطمة لتبسمات لقالت: ــ اوى بعدا لكنت عروستك راني نكون مطمئن عليها ماشي بحال، نتي بعدا راك خالتها. ــ انا نجلى وصوفيا راك عارفة بحال بناتي، راني معطانيش لبنات ولا بغا ولدي علاش لا يكون عروستي ونديرها بنتي مكين لخصر ليها خاطرها. ــ ويااه، أختي راني عارفة لكاين. نجلى لكانت كتسمع كلام خالتها وهيا مركزة في كل كلمة كيقولها قلبها لكان كيضرب بقوة وكيف لا ويها من كانت طفلة صغيرة وهيا كتحبو من كانو صغار كيلعبو م

كانت الشمس بدات كتميل للغروب واشعتها البرتقالية كانت كتعطي واحد المنظر لي زوين بزااف. إياد لكان خرج من الشركة بعدما سالى نهارو لكان طويل.أول مرة من مدة...قرر ما يرجعش مباشرة للدار.ساق سيارتو حتى وصل للبحر هبط بهدوء من سيارتو وقف قدام الموج. كان البحر هادئ...ولكن إياد داخلو مكانش بنفس الهدوء. تنهد بعمق.وحط يديه فجيوب سروالو وهو كيشوف فالبحر لقدامو. ــ لي شافك من بعيد يحسابلي غير اترمي راسك اصاحبي. قالها ياسين وهو كيضحك وجاي لجيهتو، ياسين هو صاحب إياد. التفت ليه إياد وبقى كيشوف فيه ثواني. ياسين حك راسو وقال:—لالا.....ملك اليوم اصاحبي،بنتي ليا كاعي ياك لباس.جاوب إياد ببرود:ـ والو ماكاين والو. ياسين لشاف فيه مطولــ لا هد الأيام مبقتيش عاجبني اش طاري. وقف جنبو وبقاو بجوج كيشوفو البحر.إياد لبقا ساكت مدة من بعد قال: — ما عرفت اصاحبي حاس بشي حاجة مشي هيا هديك. — واش في الخدمة؟هز راسو.— لا.— المرض؟تنهد بعمق— حتى هو لا.بقى ساكت شوية ومن بعد قال:— عمرك حسّيتي بحال إلى شي حاجة ناقصة فيك... وما عارفاش شنو هي؟ياسين التفت ليه وبانت عليه الجدية.— أول مرة كنسمعك كتهضر بهاد