Todos los capítulos de حين افترق الدم: Capítulo 21 - Capítulo 30

عند ريان لبعد ما سلا أول إجتماع ديالو خرج من القاعة الإجتماعات وهو باين عليه التعب من سهير ديال البارح. ــ معاش أيكون الإجتماع تاني. قالها لسكرتيرة وهو متوجه للمكتب ديالو. ــ ايكون مع 3:30.ــ اوك. دخل المكتب ديالو او بدا كيتسفح الملفات لحداه شويا هز تلفونو كان باغي يدوز واحد الإتصال فلخر تراجع وناض من الكرسي وخرج. ــ أستاذ واش خاصك شي حاجة. قالتها السكرتيرة وهيا كتشوف فيه. ــ لا عندي أمر مهم أنخرج نقديه. ــ والإجتماع. ــ انرجع قبل. خرج من شركة وركب سيارتو وساك للوجهة المحددة. فهاد الأتناء غيتة لكانت دايزة من الممر وسمحات الحوار لدار بينو او بين السكرتيرة. قالت مع نفسهاـ شنو هدشي المهم لعندو ولي مخليه مزروب هوكا. صاطت بغيض وهيا كتشوف فالإتجاه لداز منو وكتفكر شنو هدشي لخراه يخرج من الشركة فهد الوقت او بعد السرعة. ـ ـ ـ ـ ـ ـ ـ ـ ـ ـ ـ ـ ـ ـ ـ في الفيلا كان الهدوىء طاغي علي الفيلا غير الخدامة لكامو غادين جاين كيقضيو شغلهم. لالة حليمة لكانت كالسة شادة بين يديها ألبوم الصورة كتصفح فيه حتى وقفات عند واحد الصورة لكانت قديمة كان فيها إياد هو او نجلاء كيلعبو مع بعضياتهم او كيض

خرجو بجوج بيهم وليان لكانت متحمسة بزااف باش تشوف المحل الجديد، هو لفتح ليها الباب السيارة وركبات غلقو وراها وتوجه للجهة السياقة. غيتة لكانت مزال كتراقبهم من بعيد، حتى ليان لحظات نظراتها ليها. نطالق بسيارة، هيا لبقات ساكتة مدة طويلة وهيا كتشوف من شرجم السيارة. ــ ريان. ــ نعم. ــ شكون هديك لكنتي واقف معاها قبيلا. هو لبدا كيفكر شويا، تفكر غيتة. ــ موظفة وصافي، علاش. ــ لا والو غير سولتك. كملات وهيا كتضحك: ــ الحق يتقال زوينة. هو لشاف ليجهتها وبتاسم. ــ بصح مرديتش البال. ــ باين كتشوف فيك شي حاجة كتر من رئيسها. ــ ومن إمتى كنت كنفكر فطريقة لكيشوفوني بيها الناس. هيا لضحكات، دورات وجها لجيهة الشرجم وتنهدات وهيا حاس بوخزة في صدرها معرفاتش سببها، هد الإحساس الغريب لكان كيجتاحها بين الحين والآخر. ـ ـ ـ ـ ـ ـ ـ ـ ـ ـ ـ ـ ـ عند إياد لخرج اليوم من الشركة بكري ورجع للفيلا دخل وتوجه لصالون بقا كالس شويا، مرات من حداه الخدامة. ــ سي إياد، واش بيك شي حاجة. ــ لا مابيا والو، الوليدة فينا هيا. ــ خرجات قبيلة. هو لهز الجريدة او بدا يتصفحها. ــ اه، صافي واخا. ـ ـ ـ ـ ـ ـ ـ ـ ـ ـ ـ

كان نهار داز طويل عند ليان لقداتو غير فدار كتعاون ماماها في شقى ديال الدار، بعدما سلات كلسات فصالون او شعلات التلفازة بقا كتفرج فواحد الفلم لكان اكشن وهيا كلها حماس ومستمتعة بالأحدات، حطات حداها الفوشار لكانت كتنقب منو مرة مرة وهيا كتفرج في الفلم وعايشة مع الأحدات ديالو مرة تتوتر او مرة تتقلق او مرة تضحك او مرة تبكي. بقات علي ديك الحال حتي سلا الفيلم بقات شويا شدا تلفون وكتقلب فيه مرة فإنستجرام او مرة قي تكتوك او واتساب بقات هوكاك شي كتر من نصف ساعة حتى بدات كتحس بلعيا ونعاس لبدا كيجيها. ناضت بشويا عليها وهيا كتكسل وتوجهات للغرفة ديالها لكانت فطابق الفوقاني، وهيا فطريقها للغرفة ديالها، دازت من قدام غرفة ولديها، كان الباب مامسدوش بشكل كامل،وهي دايزة. حتى كتسمع صوت ماماها لكانت كتقول:ــ إلي بقينا ساكتين كتر، الوقت كيتأخر، وكيولي الأمر يزيد يصعاب. هيا لكانت باغات تكمل طريقة ضنا منها انهم كيهدرو علي شي حاجة عادية او مبغاتش تكون فضولية، لكن قبل متكمل طريقها كتسمع رد ديال باها لقال بصوت منخفض: ــ كنخاف نخسره. هيا لتجمدات فبلاصتها او قلبها لبدا كيدق بسرعة وبزااف الأفكار لجاوها في راسها

هيا لي يلاه بدات كتستوعب. ــ لا انا بخير أسامة. هو لباقي كيتفحصها بعنيه. ــ واش متأكدة. ــ اه انا بخير، غير تخلعت شويا وصافي. ــ واش كنتي غادة لشي بلاصة. ــ اه، كنت غادة غير للمحل. ــ اوك طلعي نوصلك. ــ لا لا بلاش بلا منعدبك. ــ لا مكين لا عذاب لوالو، انا اصلا طريقي من تما. هيا لشافت حتى عيات او وافقات تمشي معاه كانت خايف ان يتكرر معاها نفس الحدث، كانت علي بعد خطوات قليلا يمكن من الموت او كأقل ضرر كانت اتصاب بكسور او اصبات خطيرة حمدات الله فنفسها انها مرات علي خير. هو لفتح ليها الباب وركبات. ــ شكرا. ــ لا مبناتناش، متأكدة متصابيتي حتي فشي بلاصة. ــ لا لا الحمد لله. ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ كان ريان جلس في المكتب ديالو عنيه لكانو مثبتين علي الحاسوب، كيقلب في الملفات بتركيز كبير، تسمع طرق خفيف في الباب. دخلات غيتة بخطوات ثابتة وهيا كتمايل بخصرها وهازة فيديها كوب قهوة، بتسمات وقالت بدلع: ــ صباح الخير أستاذ ريان... قلت يمكن تكون محتاج قهوة، راك من صبح ماخرجتيش من المكتب ديالك. هو لمرفعش عينو فيها حتى. ــ شكرا حطيها فوق المكتب. هيا لقربات وحطاتها، بقات واقفة

لالة مينة لكانت كتوجد في الطابلة ديال الفطور سي حمد لكان كالس علي طابلة وهو هاز الجريدة في يدو ، ليان لقربات. ــ صباح الخير. طبعات قبلة علي خده باها وقبلة علي خد ماماها. ــ صباح النور بنتي، كلسي تفطري. ــ لالا اماما والله مافيا لياكل. ــ لا يابنتي كولي ليك شي حاجة شوف وجهك كيف مصفر. قالتها لالة مينة وهيا كتشوف في بنتها. صباح الخير. هما لدارو كاملين، كان ريان لنازل من دروج وهو كيقاد ساعتو في يدو، وشعرو لكان باقي فازك شويا. ــ صباح الخير. ردو عليه كاملين. كلسي تفطري لي نوصلك معايا. هو لشاف فجيهة ليان. ــ والله مافيا أ ريان. ــ كولي ليك واخا غير شويا. قالها سي حمد. ــ تحاميتو عليا دبا. قلتها وهيا مهبطا شنايفها لتحت بحال شي طفلة. ريان لضحك علي شكلها وجر خدها بشويا. ــ كلسي تفطري. قاد ليها الكرسي وكلسها فيه، هيا لشافت فيه ورجعات نزلات راسها او ماقالت والو، كانت حاس بالبكيا ولكن كانت حابسها. كلسو كاملين علي طاولة لفطور فجو عائلي، سي حمد لكان كالس حد ريان وكيهدر معاه وسولو علي المشروع الجديد لخدام عليه، لالة مينة لكانت كل شويا كتقرب الماكلة لريان، وليان لكانت ملاحظ تصرفات ماماها