All Chapters of حين افترق الدم: Chapter 71 - Chapter 75

ـ علاش مبغيش تعطي لراسك الراحة، واش نتا مكتعرفش ترتاح ليك شويا، مشي هدشي لتفقتي عليه مع الطبيب. هو لدور وجه لعندها وبتاسم بتسامة عريضة. ــ راني قالت ليك رني بخير، غير نتي حابة تكبري الموضوع. ــ انا مكنكبر لا موضوع ولا والو، واش بغيتي حتى تاني تغيب فشي قنة منعرفوك حتى فين .هيا لبقات كتغوت وتنكر عليه طول طريق حتى وصلها للمحل تاعها، ونزل بعدما هيا حلفات لتسالي المحاضرة ديالها، نزل ودار وحل ليها الباب مد يدو ليها، وهيا لبقات كتشوف فيه تواني وحتى هو قالت بعصبية: ــ راني كنعرف نفتحو ابحدي وكنعرف ننزل .ضربات يدو بخفة وهبطات بينما هو رجع اللور وهو شاد ضحكتو من تصرفها الطفولي .ــ صافي ازين ديالي متقلقيش ليا راسك، راني غادي نرتاح او منضغطش علي راسي بالخدمة، غير كون هانية. هيا لرجعات شفت فيه وهزات كتافها. ــ شغلك هداك .وبقات كتبركم في نفسها بصوت خافت او ممفهومش كلامها مزيان، وتمشات متوجها للباب المحل ديالها وهيا كتجبد السوارت من صاكها، هو لخرجات من فمو ديك الضحك لي كان شادها من قبيلا، هيا لمرجعاتش شافت فيه واخا سمعات ضحكتو لي حركات فيها شي حاجة الداخل، وتنهدات بعمق، فتحات الباب ديال ال

ــ بغيت نقول ليك شي حاجة .الجملة لقطعات الصمت في السيارة ريان لدور وجهو ليها وشاف فيها. ــ اه قولي انا كنسمع .ليان لبلعات ريقها بقات كتشوف فيه مدة من بعد رجعات كتشوف في الزاج الطمبيل. ــ مالك ياك لباس قولي شنو كاين .كانت حايرة كفاش اتقول، واش تقول ولا لا، كانت خايفة او متوترة بزااف قالت بتلعتم وهيا مقدراش تشوف فيه: ــ لا لا والو .ــ كفاش والو. هو لشاف فيها بستغراب ولاحظ ارتباكها .. ــ شنو كاين اليان قولي .هيا لخدات نفس عميق وقالت: ــ صرحة كنت بغيت غير نسولك واحد السؤال. هو لرجع كيشوف فطريق وقال: ــ اه سولي خود راحتك .بلعات ريقها وحاولات تهدي من رتباكها وقالت: ــ صرحة واحد صحبتي مسكينة عندها وحد المشكيل .سكتات شويا بينما هو رجع شاف فيها وقال: ــ ولي هو .ــ صرحة دبا هيا مأخرا سمعات ان وليديها كانو مخبين عليها وعلي وحد ختها واحد السر لخطير . رجعات شافت فيه بينما هو لكان كيسوق وكيسغي لكلامها. ــ عرفات ان ختها لطول عمرها كانت معتبرها ختها طلعات مشي ختها بدم .ــ اه مسكينة وشنو وقع ليها .ــ دبا هيا معرفاش كفاش اتقولها ليها او خايفة من ردت فعلها .ظهرات الإشارة الحمراء او وق

في المساء ريان لكان واقف قدام المحال تاع ليان كيتسناها تخرج كما تافق معاها باش يمشيو اليوم يزورو اياد في المستشفى . ــ يكما تعطلنا عليك .قالتها ليان بعد ما خرجات من المحل، هيا وسلمى ودارت باش تسد المحل بالقفل. ــ لا غير زيدي يله نشدو طريق .ــ سلام خويا ريان .سلمى لقالتها من بعيد، ريان لحرك راسو ليها بتحية. ــ وعليكم السلام ختي كيف ديرا لباس عليك بخير .ــ لباس الحمد لله يسول فيك الخير وربح .ليان لتقدمات هيا وسلمى بعد ما سدات المحل، بينما ريان لفتح ليهم الباب باش يركبو ودكشي لكان، دخلو وحتى هو ركب ودمار الطومبيل، وبداو كيهدرو علي نهارهم كيف داز، ليان لكانت كل شويا كتشوف في ريان وكتسهى وكتنهد، بينما سلمى لحسات بيها وحطات يديها فوق يد ليان باش تخفف عليها .وقفات السيارة قدام المستشفى، ونزلو منها كاملين سلمى لخشات يديها بين دراع ليان وتمشاو ورا ريان بمسافة صغيرة، ليان لكانت كتشوف فيه هو متقدمهم وعاطها بظهر كتشوف الهيبة ديالو والكريزما تاعو، وهيا كابحة الالم ديالها لكيزداد كل مرة وباقي كلماتو الاخيرة كدور في ذهنها، معرفاش كيفاش اتصارحو بالحقيقة، فقط لعارفة هو انه خاصو و لابد ان يعر