Todos los capítulos de حين افترق الدم: Capítulo 31 - Capítulo 40

كملو طريقهم. ليان لخرجات من مكان تبديل الملابس وهيا لبسا داك الفستان لجاها كيحمق وراقي، خرجات وقفات قدام سلمى وبقات كتدور وكتمشي وتجي بحال شي عارضة ازياء وسلمى لكتصفق ليها. ــ والو جاك طوب. هيا لتحنات بجسدها كتحيها. ــ شكرا. وبقاو كيضحكو. ــ يلاه خلينا ناكلو، انا راه قتلني الجوع. قلتها سلمى. ــ نتي ديما فيك الجوع. ــ اوى أختي راه من قبيلة وحنا كنضورو، راه انا بعد داكشي لكليتو راه تهضم ليا. ــ صافي صافي براك متشكاي. ليان لقطعاتها وهيا كتضحك. ـ ـ ـ ـ ـ ـ ـ ـ ـ ـ ـ ـ ـ عند نجلاء لكانت رجعات لدار دخلات وسلمات علي ولديها وهيا كلها سعادة وهازت الساشيات لتقدات فيديها وتوجهات للغرفة ديالها لكانت فطابق الثاني، بعد ما دخلات سدات الباب وراها وتكات علي الباب وكاع داك الفرحة لكانت ظاهرة علي وجها قبيلة ختفت ودموعها لكانت حابساهم باش مينزلوش ولو ينزلو وحدة وراه الثانية خلاتهم علي راحتهم، كلسات في الأرض وظهرها علي الباب وستمرات في البكاء بحرقة، وهيا كتفكر ليان انها هيا اتكون حبيبة اياد، وان هو كيبغيها لذالك رفض انه يتزوجها هيا، وانه هو عمرو محبها يمكن فقط هو كان كيشوفها بحال ختو قالت بهمس

ــ نجلاء إياد. صوفيا لكانت جاي بالخيل. وأخيرا وصلتي مالك تعطلتي. قالتها نجلاء. ــ شفت واحد الأرنوب او كنت تابعاه. صوفيا لقالتها وهيا كتضحك. ــ يله خليونا نرجعو دبا يبداو يقلبو عليكم، متبقاوش هنا بحدكم. قالها إياد. نجلاء لركبات فالخيل ديالها، شويا هيا تدور وجها لجيه لخرا لكان فيها هدا شخص لشفتو لي لشبه ليها لإياد قنعات نفسها انها غير تخايلات بسرعة نفضات راسها من تفكير فداك الشخص او قالت: ــ وانت اتمشي علي رجليك. ــ ماشي مشكيل غير سيرو نتوما انا انمشي بشويا عليا. هو لكان لحظ ان نجلاء كانت كتشوف وراها فالفراغ مدة طويلة وحس ان كاين شي حاجة مبغاتش تقولها ليه وباقى مأترا عليها حتي كيقطع حبل افكارو.ــ إذا حتى حنا انمشيو بشويا علينا. سكتات شويا وقالت وهيا كتضحك: ــ ولا نتسابقو نتا تركب مع نجلاء، بحال مكنا كنديرو من كنا صغار. هما لشافو فبعضياتهم ويله نجلاء بغات ترفض. ــ واخا. قالها إياد كمل وهوا كيشوف في نجلاء: ــ واش ممكن نركب معاك. هيا لشافت فيه ثواني وحركات راسها بالإجاب. هو لطلع خلفها وخدا من يديها لجام وهو محاوطها بيديه. ــ يلاه من هنا حتي لبلاصة فين هما كالسين. صوفيا لقالتها

غيتة لكانت مارة من تما وشفتو هو لكان باين انه معصب والبرود المخيف لكان ظاهر علي وجهو قربات بخطوات سريعة. ــ أستاذ ريان، شنو واقع. هو لمردش عليها كأنه مسمعهاش ورجع للمكتب ديالو. دخل وبقا كيضور في المكتب حتى كيتذكر شي حاجة،كيتذكر كاميرا المراقبة توجه بسرعة لشاشة الحاسوب، وبدا كيبحث حتي لقاها وبدا كيشوف في اللقطات واحدة تلوى الأخرى، حتى كيوقف متجمد فبلاصتو سرط ريقو وبقا متبت عينو علي الشاشة نطق بثلعتم: ــ لا لا ميمكنش. عاود رجع الكاميرا او بقا كيشوف فشاشة لقدامو مكانش مصدق هدشي لكيشوف، كانت الصدمة واضحة علي وجه، كأن هدشي لكيشوفو أكبر من ان عقلو يستوعبو، كلس علي الكرسي ودار يديه بجوج علي راسو، وهو كيحاول يلقا تفسير لهدشي لكيشوف، كان كلشي قدامو واضح بشكل مخيف وبشكل مقدرش يتقبلو. نطق بهمس: ــ لا مستحيل، ماشي حتى لهد الدرجة. ناض من الكرسي وتوجه للباب بخطوات سريعة حط يدو علي المقبض ووقف ثواني قبل ميحلو، رجع للبيرو كيشوف فالحاسوب مرة أخرة وكأنه بغا يتأكد قبل ميخطي شي خطوة، رجع الفيديو شويا من جديد وبدا كيشوف، متغير والو بان نفس شي لشافو فالأول، ومبغاش يصدقو. ناض بسرعة من الكرسي مرة أ

طاحت علي الأرض وهيا كتبكي اما هما فكانو كيضحكو وكيتغامزو عليها، نزل وقرب منها وهو كيدوز يدو علي وجها، وهيا لكتبعد منو وكترجاء انه ميلمسهاش ويخليها تمشي كانت كتموت من الخوف، وهيا كتشوف نظراتهم الشهوانية لي فعينيهم وهما كيقربو منها كانت فموقع لا تحسد عليه، ستمرات فالبكاء، وترجي ولكن مشفقوش عليها وهما كيتافقو وتشاجرو شكون ايبدا لول وهما حاكمينها بيديهم، لتستغل الفرصة وتهرب. ـ ـ ـ ـ ـ ـ ـ ـ فهد الأثناء عند ريان لكان راجع من الوجها ديالو كان كيسوق بشويا وتركيزو لمكانش بشكل كامل علي طريق، طريق كان شبه خاوي من السيارات والمارة، مرة مرة كيتنهد وكيضرب المقود بيدو، كانو النوافد السيارة مفتوحة وكيدخل منهم واحد البرد لمكانش قادر يبرد النار لشاعلة في داخلو كانت قطرات الشتاء كتنزل بشويا علي زاج الأمامي ديال السيارة، حتى كيفيق من شرودو علي صوت طفل كيجري وسط الغابة وهو يطيح فواحد البركة ديال الماء حوايجو لفزكو وتوسخو شويا، وقف السيارة ديالو، ويلاه بغا يفتح الباب حتى كيشوف طفل التاني جاء الجيهة الطفل الأول وهو كيعيط عليه، قرب ليه وعاونو باش ينوض كانو تقريبا فنفس الطول وحتى الملابس كانو لابسين نفس ال

هو لنطق وسنانو لكانو كيتقىقبو مع بعضباتهم ورجفة فالجسد ديالو. ــ فيا البرد. هيا لناضت بسرعة وجبدات من لبلاكر واحد الملاية وتوجهات لجيهتو فتحاتها وغطاتو بيها. هو لكان باقي كيفكر ومصدم من نفسو ومن الرجفة لكانت في الجسد ديالو ملقاش شي تفسير لي يخليه ينوض فهد الحالة وهو كيحس بالفزع والخوف من شيء معرفوش وحتى الحلم مكيتذكرش محتواه وشنو شاف فيه، كان غير ضباب فضباب بعض الاصوات لموضحاش، ولقطات لحتى هيا موضحاش، حس بشي غريب مشي طبيعي كيتسلل من عنيه اليمنة هز يدو وقربها لعينيه كانت دمعة لنزلات من عنيه بلا إستأذن، بقا كيشوف فيدو للمس بيها الدمعة وهو مستغرب من سبب نزولها. هزات ليان عنيها فيه وهيا كتقول بستغراب: ــ شكون آسر. فاق من شرودو علي صوت الإسم لحس انه احدث شيء في قلبو من سمعو، دور وجه لجيهتها بسرعة وتبت عينو فيها وهو مستغرب: ــ منين عرفتي هد الإسم. ــ سمعتك وانت كتناذي بيه ونتا ناعس. هو لبقا كيشوف فيها مطول بلا حتى كلمة، ممستوعبش شنو هدشي كيوقع ليه وعلاش مكيتذكر والو لا علي الإسم ولا الحلم غريب،وعلاش حس بأن الإسم ضرب قلبو من سمع ليان كتنطق بيه كان وقعو غريب بشكل ما ، هيا لكملات بعد