All Chapters of حين افترق الدم: Chapter 61 - Chapter 70

وفقات سيارة قدام الفيلا، نزل منها السائق ورجع فتح الباب لور لخرج منو سي دريس، كان كيشوف فالجو بستغراب كان الجو الفيلا غريب، الخادمة لكانت واقفة حدا السائق رضى وكتكلم معاه، هو لكان كيشوف فقط حركاتها حس ان شي حاجة طاري الداخل في الفيلا، قبل مينطق بشي كلمة السائق والخدمة دخلو بسرعة من الباب. ــ شنو واقع هنا. قالها وهو كيتحرك لجيهت الباب بينما السائق تاعو لغلق الباب، وهو كيشوف فسي دريس لدخل حتى هو بخطواتو المسرعة وكيستفسر علي شنو واقع فالفيلا. ــ شنو واقع هنا .المساعدات وسائق لدارو لجيهتو بعد ماسمعو صوتو نطقات واحد المساعدة. ــ سي دريس مدام حليمة منعرف مالها .هو لتحنا علي ركابيه قدام مراتو. ــ مالها شنو وقع ليها. ــ معرفتش اسي دريس كانت بخير حتى شويا جدات قلبها وطاحت مغيبة .هو لبسرعة هزها من الارض وطلب من سائق يسبقو وفتح السيارة، بينما هو هازها الهاتف لكان كيرن في جيبو ولكن هو مكانش مهتم للهاتف، كان خايف اكتر علي مرتو وحبيبتو، دخلها لسيارة ودار بسرعة للجيه التانية وركب، حط ليها راسها علي ركبتو وحوطها بيديها. ــ تحرك . سائق لتحرك بسيارة، رجع الهاتف كيرن مرة ثانية كان باغي يسكتو و

ــ ريان... ريان. قربات لعندو وهيا كتجري وتحنات عليه بقات كتحركو ولكن والو غوتات بكل قوتها. ــ عافك شي واحد يتاصل بالإسعاف. دخلات غيتة هيا لولى لكانت باقي قريبة للباب، وتبعاتها السكرتيرة، ليان لدورات راسها لعندها وقالت بصوت مخنوق بالبكاء : ــ تاصلو بالإسعاف دبا. ــ ــ ــ ــ ــ ــ ــ ــ في الممر هما لكانو شي واقف وشي كالس كيتسنو كل دقيقة كدوز عندهم كأنها ساعة، الوقت كان كيمر ببطء شديد. تفتح باب الطوارىء خرج الطبيب لكان باين عليه التعب شديد، وقف او بدأ كيحيد لكمام من وجه وهو كيجمع انفاسو باش يخبرهم بحالة إياد، سي دريس لمجرد ما تفتح الباب وقف بسرعة، ومن شاف الطبيب توجه لعندو بلهفة باش يعرف حال الإبن ديالو طبيب لقال: ــ حالتو كانت خطيرة بزااف وعندو كسور في الجسد ديالو القلب ديال كان توقف لدقائق، ولكن الحمد لله قدرنا اننا نرجعه لنبض ولكن ايبقى تحت المراقبة الأن، الأكسدو كانت خطيرة بزااف. ــ واش ولدي بخير. ــ حاليا الوضع مزيان ولكن باقي منقدروش نقولو انه تجاوز مرحلة الخطرة لأنه يقدر يدخل في غيبوبة مع الأسف حنا درنا لقدينا عليه. حط يدو علي دراع سي دريس من الأعلى كأنه كيواسيه و كمل

اشعة الشمس الساطعة خلف جدران المستشفى، مر اليوم لكانو فيه كاملين كيعانيو، وجاء يوم جديد لحتى واحد معرف اشنو كيحمل في طياته، كانو داخلين للمستشفى وهما كيجريو ومخلوعين، لالة مينة لكانت خبرتها ليان ان الطبيب قال ان الامور بخير ولكن مطمئناتش، واول ما بدا كيبان ضوء صباح، خرجات متوجها للمستشفى هيا وسي حمد، لحتى هو كان مخلوع. ــ ــ ــ ــ ــ ــ ــ في الممر كانت ناعسة وهيا كلسة علي لكراسة لمقابلين مع الغرفة لفيها ريان، كانت ناعسة بشكل معدب، رغم ان طبيب طمأنها علي حالتو الا انها رفضات تخليه وترجع لدار. ــ ليان بنتي .لالة مينة لكلسات حداها وحركاتها بشويا وكأنها خايفة انها تخلعها وتنوض مفزوعة. ـــ امممم .ليان لرجعات كملات نعاسها وهيا متناسية كل الحدات لطراو البارح، حتى فجاة بعد ثواتي كتشهق بقوة. ـــ ريان ..ـــ بسم الله عليك ابنتي بشويا عليك بسم الله عليك .كنت كتقولها وهيا كتمسح عليها، ليان لي غير شفت الام ديالها او ترمات فحضنها او بدات كتبكي، والام كتمسح عليها وكطبطب عليها ـــ صافي ابنتي صافي دازت ان شاءالله دازت ...يله خلينا نوضو باش نشوف خوك لخلاونا ندخلو عندو بعدا .سي حمد لكان كيشو

بقاو غير ريان وليان فالغرفة بعدما خرج منها سي حمد ولالة مينة، ليان لبقات ساكتة مدة طويلة او من بعد شافت فريان وطولات فيه شوفة وقالت: ــ حتى اياد كاين في هنا السبيطار .ــ اه علاش. ــ قاتلي نجلاء انه دار اكسدو خطيرة. ريان لكان مسترخي اول مسمع كلامها تهز من بلاصتو وقال: ــ كفاش وقع ليه ...واش هو دبا بخير .ــ صرحة معرفتش مي قتلي البارح بلي كانو مخلينو في الغرفة المركزة او كانو خايفين عليه يدخل في غيبوبة .هو لرما عليه لخطا بسرعة، وبغا ينوض. ــ فين غادي. ــ انمشي نشوفو. ــ وعلاش .ريان لشاف فيها بستغراب، هو براسو ملاقيش سبب وجيه لخلاه تخلع وناض بهاد السرعة، وكانت عارفة باش يجاوبها وقال: ــ عادي راه ولينا اصدقاء وقيلا وتشركنا الطعام .ليان لحركات راسها بالاجاب، ولكن فداخلها كانو بزااف ديال التسائلات لملقاتش ليهم جواب .ــ ــ ــ ــ ــ ــ ــ ــ تدق الباب ديال الغرفة وتفتح، طلات غيتة براسها. ــ سلام .ردو عليها السلام، دفعات الباب ودخلات وهيا مبتاسمة، وشاد بين يديها بوكي تاع الورد احمر، خداتو ليان من عندها او حطاتو فوق لكوفوز لتما. ــ على سلامتك خلعتينا عليك .حرك ليها ريان راسو وقال

كانت واقفة وكتسنى في ريسبسيون يخوا من الناس، دقائق ووصل دورها تقدمات حيدات نظارت شمسية من عينيها. ــ سلام مدام اش حب الخاطر. قالها الموضف لتما. ــ وعليكم السلام خويا انا جيت ناخد شي تحاليل .ــ اه مرحبا ممكن تعطيني الروسي. جبداتو من ساك و مداتو ليه، وهو لشدو ورجع شاف فيها وقال: ـــ ولكن ميمكنش لينا نعطيوه ليك خاص المعني بالامر هو لي جي .ــ اه فهمت ولكن هو صرحة ميقدرش يجي .ـــ سمح ليا اختي منقدرش نعاونك، ضروري خاصو يجي هو .هيا لشافت فيه والحسرة في عنيها. ـــ شكرا خويا .رجعات نظاظرها لعينها وتحركات من تما وهيا كيفكر في إياد لأكيد ايكون كيتسناها بفارغ الصبر باش يعرف نتائج التحليل، تحسرات وزغلات حيت مقدراتش تعاونو بوالو .ــ ــ ــ ــ ــ ــ ــ ــ ــ فهاد الاتناء هو لكان مستلقي علي سرير، كل مرة يشوف فساعة التلفون كان باين عليه التوتر والارتباك، تفتح الباب. ـــ ولدي حبيبي .الام لقربات عن ولدها او باستو في راسو ـــ كيف بقيتي اوليدي واش شويا. قالتها بحزن وهيا كتفحصو بعينيها .ـــ الحمد لله الوليدة الحمد لله متشغليش بالك .ـــ الله علي وليدي الله اش هد المكتوب .ـــ لوليدة متقوليش