All Chapters of His Purchased Mistress: A Contract for an Heir: Chapter 1 - Chapter 10

ZANIYAHHindi ako madaling matakot, pero may mali talaga sa lugar na ito.Ilang beses ko nang sinabi iyon sa sarili ko mula nang sunduin ako ng dalawang lalaking nakasuot ng itim na suit. Wala silang masyadong sinabi habang nasa biyahe kami. Ni hindi nga nila ipinaliwanag kung anong klaseng trabaho ang gagawin ko.Basta ang sabi lang nila, may naghihintay sa akin.At kapag natapos ko raw ang trabaho ngayong gabi, mababayaran na ang utang ng pamilya ko.Pero kung trabaho talaga ang ipinunta ko rito, bakit ako nakatayo ngayon sa loob ng isang dressing room?Napatingin ako sa paligid.Napakalaki ng silid. Kulay ginto ang frame ng salamin, maliwanag ang mga bombilyang nakapalibot dito, at may mahabang mesa na puno ng mamahaling make-up, pabango, at kung ano-anong kagamitan sa pag-aayos ng buhok.Parang nasa backstage ito ng isang fashion show.“O, Zaniyah. Ito ang isuot mo.”Napalingon ako sa babaeng sinundan ko kanina.Naka-fit na itim na dress siya at mataas na takong. Maayos ang pagkak

ZANIYAHMaayos ang pagkakaayos ng buhok ni Riven Hayes at mukhang nasa late twenties. Guwapo ang mukha niya, pero walang kahit anong kabaitan sa mga mata niya. Nakasandal lang siya sa upuan habang umiikot ang baso ng alak sa isang kamay.Parang walang halaga sa kanya ang dalawampung milyong binanggit niya.Napakunot ang noo ng ilang lalaki.“Hoy, Riven!” sigaw ng isa. “Nakakuha ka na ng isa kanina!”Nagtawanan ang ilan.“Ibigay mo naman sa amin ang isang ito! Bakit kailangan mo pa ng dalawa?”Ngumisi si Riven habang nakatingin sa akin.“Magkaiba sila,” sagot niya. “At mas gusto ko ang isang ito.”“Dahil virgin pa?” natatawang tanong ng isang lalaki.Hindi na siya sinagot ni Riven. Muling nagtawanan ang mga lalaki.“Puwede mo namang ipahiram sa amin pagkatapos!” sigaw ng isa mula sa likuran.“Baka kailangan niya ng maraming kalaro para matutong sumunod!”Mas lalo silang nagtawanan.Nagsikip ang sikmura ko. Parang gusto kong masuka.Hindi ko alam kung ano ang mas nakakatakot—ang mabili

ZANIYAHParang hindi agad naintindihan ng utak ko ang sinabi niya. Mistress?Ibig sabihin, may asawa na siya at gusto niya akong maging kabit?Matagal na kaming wala. At wala akong karapatang magalit kung nagpakasal siya sa ibang babae.Pero paano naman ako?Habang hinihintay ko ang pagbabalik niya, may iba na pala siyang pinakasalan?Dahan-dahan akong napatingin sa kanya. “Ano’ng sinabi mo? Gusto mo akong maging kabit?”“Oo,” agad niyang sagot.Napatawa ako at malamig ko siyang tiningnan.“Talagang nawala ka nang limang taon para bumalik at alukin ako ng ganito?” tanong ko. “Ano ako sa tingin mo, Aamon? Isang babaeng mabibili mo dahil lang marami kang pera?” Malamig na ngumisi si Aamon.“Galit ka dahil binili kita. Pero kung si Riven ang nanalo, baka ngayon ay nagmamakaawa kang sana ako na lang ang bumili sa iyo. Hindi ba?”Napakuyom ang mga kamay ko. “Putang ina mo,” mariin at seryoso kong sabi.Hindi man lang siya natinag sa mura ko. Kinuha lamang niya ang baso ng alak at tahimik

ZANIYAHHalos mapamura ako habang patuloy kong binabasa ang kontrata.Hindi lang tungkol sa pagbubuntis ang nakasulat doon. May mga patakaran tungkol sa pagkain ko, medical checkups, mga gamot na maaari at hindi ko maaaring inumin, at kung sinu-sino lamang ang maaaring makaalam ng tunay kong kalagayan.Pero mas lalo akong nainis nang makarating ako sa bahagi tungkol sa seguridad.Hindi ako maaaring lumabas nang walang bodyguard. Hindi rin ako maaaring umalis nang hindi nagpapaalam kay Aamon. Kapag pupunta ako sa pampublikong lugar, kailangan kasama ko ang mga tauhan niya. At kung sakaling payagan akong lumabas, kailangan nasa villa na ako bago mag-alas otso ng gabi.Napatingin ako sa kanya at bahagyang itinaas ang kontrata.“Ano ’to?” tanong ko habang nakakunot ang noo. “Buntis ba ang kailangan mo o preso?”“That’s for security,” maikli niyang sagot habang humaharap sa akin.“Security?” ulit ko habang napapailing. “Twenty-four years old na ako, Aamon. Hindi ako bata para bigyan mo ng

ZANIYAHNapalingon ako nang marinig ko ang boses ni Aamon mula sa likuran.“Zaniyah, come here,” tawag niya habang nakatayo malapit sa hagdan. “Manang Luz will show you your room.”Hindi na ako nakipagtalo. Wala rin naman akong gana na manatili pa sa sala kasama si Megan matapos ang ibinulong niya sa akin.Lumapit sa akin ang isang babaeng mukhang nasa late fifties. Maaliwalas ang mukha niya at nakangiti nang bahagya.“Dito po tayo, Ma’am Zaniyah,” magalang na sabi niya habang itinuturo ang hagdan.“Zaniyah na lang po, Manang,” sagot ko bago ako sumunod sa kanya.Umakyat kami sa second floor at dumaan sa