All Chapters of رواية ظلام العاشق : Chapter 11 - Chapter 20

ماجدملاك الملجأ طقوس الغفران ​عالم "ماجد" كان دايماً مصبوغ بلونين؛ الأسود بتاع الضلمة والدم، والرمادي بتاع الوحدة مكنش في مساحة لأي ألوان تانية، إلا في مكان واحد بس في العالم كله. شقة واسعة في حي هادي وراقي في المعادي، شقة بتدخلها الشمس من كل حتة، وريحتها دائماً مزيج دافي بين اللافندر، العود الأصلي، والمخبوزات الطازة. المكان ده كان "المطهر" الوحيد اللي ماجد بيغسل فيه روحه من وساخة الأيام. ​ركن عربيته تحت العمارة. قبل ما ينزل بص في مراية العربية، ومسح وشه بإيديه كأنه بيحاول يمسح ملامح "القاتل المأجور" ويلبس ماسك الابن البار". سحب من الكرسي اللي جنبه بوكيه صغير من ورد الفل والياسمين البلدي، الورد اللي ريحته بتفكرها بأيام زمان. ​طلع في الأسانسير للدور التالت ضرب الجرس بهدوء. ثواني والباب اتفتح، ووقفت قدامه "فاطمة"، الممرضة المتخصصة اللي ماجد معينها بمرتب خيالي عشان تبقى مرافقة ليها 24 ساعة. ​"أهلاً يا ماجد بيه " قالتها فاطمة بابتسامة محترمة ووطت صوتها. "أبلة زينب لسه فايقة من شوية، وقاعدة في البلكونة المقفلة بتتشمس كالعادة." ​ماجد هز راسه من غير كلام. دخل الشقة، وأول حاجة عمله

ماجد وغالية حيطان مكتبها اإلزاز الفخم في الدور العشرين كانت كأنها بتضيق عليها بالبطيء، بتتحرك عشان تقفل على صدرها وتعصر كل ذرة هوا باقية فيها. األرقام اللي على شاشات الكمبيوتر، ملفات القضايا، الديون المتلتلة، تهديدات المنافسين، ومسؤولية مئات الموظفين اللي بيوتهم مفتوحة من إمضتها... كل ده اتحول فجأة لوحش مش متشاف كاتم على نفسها. حاولت غالية تاخد نفس عميق، بس الهوا كان رافض يدخل صدرها. حست بتنميل بارد بيزحف من طراطيف صوابعها وبيطلع لدرعاتها. األاوضة بتلف بيها، واألصوات حواليها بقت مكتومة كأنها بتغرق في قاع محيط ضلمة. القلم وقع من إيدها، واندفعت ناحية باب المكتب، متجاهلة نداءات سكرتيرتها المرعوبة. كانت محتاجة الشارع، الفضا، أي مكان مفيهوش ريحة الورق والقهوة الباردة والصفقات الفاسدة. بخطوات بتكعبل، خرجت من البوابة اإلزاز للشركة على الشارع. هوا القاهرة الزحمة كان خانق هو كمان. سندت ضهرها على حيطة المبنى الرخام الباردة، واتزحلقت بالراحة لحد ما قعدت على الرصيف، مش مهتمة بنظرات الناس وال بصورتها كـ "إمبراطورة الحديد". حطت إيديها حوالين رقبتها بتحاول تفك زرار قميصها الحرير، بتنهج بصوت مس

ماجد صوت نقط الماية السخنة وهي بتخبط في السيراميك الأسود بتاع أرضية الحمام كان هو الصوت الوحيد اللي بيكسر سكون الشقة الضلمة. "ماجد" كان واقف تحت الدش، ساند بإيديه الاتنين على الحيطة الرخام الباردة، وموطي راسه لتحت، والماية السخنة نازلة على ضهره العريض وكتافه المليانة علامات لجروح قديمة عمرها ما اتنست ولا خفت. البخار التقيل كان مالي المكان، خانق الرؤية ومخلي الهوا تقيل، بس الخنقة الحقيقية مكنتش في هوا الحمام، دي كانت جوه صدره. كان بيحاول يغسل نفسه من أحداث اليوم، يمسح الساعات اللي قضاها معاها. حاول يستدعي صور الدم، وشوش الضحايا، ريحة البارود، وصريخ الناس اللي بعتهم للجحيم.. حاول يصحي طيف "الشبحي" القاتل اللي مابيقهرش، بس عقله كان بيخونه بامتياز. كل ما يغمض عينيه، مبيشوفش غير وش "غالية". مابيشوفش الهدف اللي مطلوب يصفيه، ولا الإمبراطورة اللي بتدير شركات بمليارات، شاف بس الست الضعيفة اللي كانت بتترعش على الرصيف، وماسكة في إيده كأنه طوق النجاة الوحيد في طوفان مرعب. وكل ما يحاول يسمع صوت طلقات الرصاص في دماغه عشان يصحي الوحش اللي جواه، كان صدى "ضحكتها" بيرن في ودانه. ضحكتها الصافية، ا

ماجد ​فوق سطح واحد من الأبراج العالية اللي لسه تحت الإنشاء في حي الزمالك، كان الليل بيلف المكان ببرودة قاسية بتخترق العضم. المكان عبارة عن غابة من الأعمدة الخرسانية، وأسياخ الحديد اللي طالعة من الأرض زي السكاكين. في وسط العتمة دي، كان "ماجد" راقد على بطنه، ممتزج تماماً مع الضلمة والتراب، كأنه جزء من الخرسانة اللي تحته. قدامه، كانت متركبة حتة حتة، بندقية القنص السودا المعدلة بتاعته. سلاح بارد، قاسي، ومفيش فيه أي مجال للغلط. ​عدسة الرؤية الليلية (السكوب) كانت متوجهة بدقة مرعبة ناحية شرفة قصر فخم على النيل في الضفة التانية. المسافة كانت حوالي 800 متر.. مسافة مستحيل على أي قناص عادي إنه يجيب فيها هدف متحرك في ضل سرعة الرياح دي، بس بالنسبة لـ "الشبحي"، دي كانت مجرد حسبة رياضية بسيطة بيحلها في دماغه في ثواني. ​الهدف كان راجل مافيا كبير متخفي في هدوم رجل أعمال. كان واقف في البلكونة بتاعته، ماسك كاس غالي، وبيضحك مع واحد من رجالته، مش دريان إن عزرائيل راقد على بطنه في السطح اللي قصاده، وبيظبط عدسة الموت على نص جبهته بالمللي. ​ماجد كان في حالته الطبيعية، أو اللي كان فاكر إنها طبيعية. ال

الساعة التانية بدأت. الحرارة في جسمه ارتفعت. حس بضيق تنفس. الأكسجين في الشقة مبقاش مكفيه. بدأ يعرق رغم إن التكييف كان شغال. كل ما يغمض عينه يشوف وشها وهي بتضحك معاه على النيل. يشوف نظرة الأمان اللي في عينيها وهي في حضنه وقت نوبة الهلع. "أنا في ضهرك.. أي جبل تقيل عليكي أنا هشيله معاكي.. أنا هحارب مكانك." كلماته هو اللي قالها ليها رجعت ترن في ودنه وتصفعه على وشه. هو اللي وعدها بالأمان، ودلوقتي هو اللي مأجر شيطان يسرق روحها! الساعة التالتة بدأت. فاضل ٤٥ دقيقة. خالد زمانه دلوقتي تمركز. زمانه بيركب البندقية. زمانه بيظبط العدسة. فجأة، حس كأن سكينة باردة انغرزت في قلبه. صورة غالية وهي قاعدة على مكتبها، مش دريانة بالغدر، والرصاصة بتخترق الإزاز وتستقر في راسها.. الصورة دي اتجسدت قدام عينيه حية، دموية، ومرعبة. في اللحظة دي، السد انهار. القناع اللي كان بيحاول يلزقه على وشه اتدمر تماماً.الحقيقة ضربته بكل قسوتها: "لو غالية ماتت، الشبحي مش هيعيش.. لأن ماجد الشريف هيموت معاها!" هو مش بيحمي نفسه بقتلها، هو بينتحر. هو مبقاش يقدر يعيش في عالم مفيهوش غالية. "غبي! غبي! عملت إيه!" صرخ بأع