Raindaja323
Akala ni Lyka Jimenez ay habambuhay na silang dalawa. Para sa kanya, si Alejandro Bauer ang katapusan ng lahat ng kanyang paghahanap at ang simula ng kanyang magandang kinabukasan. Subalit sa isang iglap, gumuho ang lahat. Isang gabi, nang hindi niya inaasahan at nang walang kahit anong paliwanag, iniwan siya nito. Tinalikuran siya nang parang wala silang pinagsamahan, iniwan siyang wasak ang puso, puno ng tanong, at nababad sa sakit at matinding kahihiyan.
Ilang taon ang lumipas at marami nang nagbago, ngunit bumalik si Alejandro. Hindi na upang muling manakit o lumayo. Bumalik siya upang harapin ang nakaraan at patunayan ang isang bagay: na mula nang hiwalayan niya ito noon hanggang sa araw na ito, sa bawat sandali ng kanyang buhay, si Lyka lang ang tanging mahal niya. Siya lang ang nais niyang makapiling at dalhin hanggang sa dulo ng walang hanggan.
Handa na si Alejandro na gawin ang lahat upang makuha muli ang tiwala at pagmamahal ng dalaga. Ngunit sa kabilang banda, ang tanong na bumabagabag sa lahat: papayag pa ba si Lyka na buksan muli ang kanyang puso? Hahayaan pa ba niya na hilumin at hawakan muli ng lalaking minsan nang sumira at nagdulot ng matinding sugat sa kanya?