Novel Web Romance & Cerita Hidden Identity Office Relationship

SYPNOSIS: Isang gabi. Isang pagkakamali. Isang lalaking akala niya’y tuluyan na niyang nakalimutan. Para kay Eliana Flores, ang gabing iyon ay isang lihim na dapat ibaon at kalimutan kinabukasan. Ngunit para kay Sebastian De Leon, iyon ang sandaling walong taon niyang hinintay. Walong taon siyang naghintay para muling makita ang babaeng minsang nawala sa kanyang buhay. Sa gabing muli silang pinagtagpo ng tadhana, hindi niya sinabi kung sino siya. Hinayaan niyang paniwalaan ni Eliana na isa lamang siyang estranghero, isang lalaking hindi na niya kailangang maalala. Ngunit pagkatapos ng gabing puno ng tensyon at damdaming matagal nang nakakulong, iniwanan siya ni Eliana ng isang sobre na naglalaman ng pera. Isang kabayaran para sa isang gabing ayaw na niyang balikan. Tinabi ni Sebastian ang pera. Ngunit hindi niya ito ginastos. Dahil ang gabing iyon ay hindi transaksyon. Hindi siya naghintay ng walong taon para mabayaran. May utang sa kanya si Eliana. Isang pangakong hindi niya nakalimutan, isang pagkawala na hindi niya napatawad, at isang pagmamahal na lalo lamang lumalim sa paglipas ng panahon. Kinabukasan, muli silang nagkita sa elevator. Sa harap ng mundo, si Sebastian ay isang tahimik, magalang, at maginoong binata. Ngunit nang silang dalawa na lamang, nagbago ang kanyang mga mata. Hinarangan niya ang daraanan ni Eliana. Dahan-dahang hinaplos ng kanyang mga daliri ang pisngi nito, at sa malamig na katahimikan ay marahan siyang nagtanong. “Have you really forgotten me? Ate? Hmm?” Nanlamig si Eliana. Dahil sa sandaling iyon, saka niya napagtanto na hindi isang estranghero ang nakasama niya kagabi. Siya ang lalaking walong taon niyang iniwan. At ngayon, bumalik na ito para bawiin ang lahat ng nawala sa kanya.

Hindi kailanman inakala ni Luhan na ang isang gabing dapat ay simpleng “boy’s night out” lamang ang sisira sa pinaghirapan niyang relasyon at nakatakdang kasal kay Stephanie. Sa isang iglap, nasangkot siya sa isang gabing puno ng alak at kalituhan—at nagising na may nangyari sa pagitan niya at isang babaeng hindi niya kilala. Sa desperasyong linisin ang kanyang pangalan, hinanap niya si Bella, ang kaibigang maaaring makapagpatunay na hindi niya ginusto ang nangyari. Samantala, pasan ni Cattleya ang mabigat na responsibilidad bilang ina kay Kesleigh, isang batang may sakit sa puso. Sa gitna ng problema sa pera, pagkawala ng tirahan, at trabaho, napilitan siyang tanggapin ang alok na maging sekretarya ng isang istriktong boss—si Luhan. Sa una’y puro iringan ang namagitan sa kanila, lalo na nang pagbawalan siyang magdala ng anak sa opisina. Ngunit habang tumatagal, unti-unting nahulog ang kanilang mga puso sa isa’t isa. Naging masalimuot ang lahat nang muling manggulo si Stephanie at unti-unting mabunyag ang koneksyon ng nakaraan. Isang rebelasyon ang yumanig sa mundo ni Cattleya—si Luhan ang lalaking nakatalik niya noon. Sa takot na mawala ito, itinago niya ang katotohanan, hanggang sa isang hindi inaasahang pagtatagpo ang naglantad ng lahat. Dumagdag pa sa kaguluhan ang paglitaw ni Caloy na nag-angking ama ni Kesleigh. Nasubok ang tiwala ni Luhan, ngunit pinatunayan ng DNA test na siya ang tunay na ama. Sa araw ng pag-alis nina Cattleya patungong ibang bansa, pinili ni Luhan na habulin sila—handa mang maghintay, umaasang balang araw ay mabubuo rin ang kanilang pamilya.

Sa loob ng sampung taon, itinago ni Allan Santos ang tunay na pagkatao ni Jane Vasquez—ang babaeng pinakasalan niya matapos itong mabuntis. Para sa pamilya ni Allan, isa lamang si Jane sa mga babaeng naghahanap ng pagkakataong makapangasawa ng mayaman. Nakilala niya si Allan sa isang bar kung saan nagtatrabaho siya tuwing gabi. Hindi nila alam na sa umaga, isa siyang respetadong propesyonal at dating Chief Technology Officer (CTO) ng Aurelion Technologies International, isang kilalang kumpanya sa larangan ng teknolohiya at artificial intelligence. Nagtatrabaho si Jane sa bar hindi dahil wala siyang ibang kakayahan, kundi dahil kailangan niyang makalikom ng pera para sa operasyon ng kaniyang ina. Ngunit nang mabuntis siya at pakasalan ni Allan, iniwan niya ang kaniyang mataas na posisyon upang italaga ang sarili sa kaniyang pamilya. Para sa kanila, isa siyang babaeng mapagsamantala. Para sa kaniyang biyenan, hindi siya karapat-dapat sa kanilang pamilya. Ngunit ang pinakamasakit na katotohanan ay hindi lamang ang pangmamaliit sa kaniya. Kundi ang araw na nalaman niyang ikakasal ang sarili niyang asawa sa dating secretary ng kanyang asawa na si Alexa Cruz. Sa araw ng kasal, sa harap ng mga panauhin at ng pamilyang minsang ipinaglaban niya, tuluyan nang gumuho ang mundong binuo ni Jane. Sa halip na humingi ng tawad, itinaboy siya ni Allan. Maging ang sarili niyang anak ay pinili ang babaeng papalit sa kaniya. Pagkatapos ng sampung taon ng pagtitiis at pagsasakripisyo, tuluyan siyang lumayo sa lalaking minahal niya nang higit pa sa sarili niya. Ngunit hindi alam ni Allan na ang babaeng itinuring niyang pabigat ay ang mismong propesyonal na kailangan ng kaniyang kumpanya. Hindi niya alam na ang dating CTO na matagal nang hinahanap ng Aurelion Technologies International ay walang iba kundi ang sarili niyang asawa.

Elena Santos lost everything when her father's company collapsed. Desperate, she takes a job under ruthless CEO Adrian Cross — never knowing he caused her family's downfall. He hired her on purpose. As secrets unravel, hatred turns into something far more dangerous. Some enemies were never really enemies at all.

OOPS! I GOT A LESBIAN PREGNANT Written by: Katie Alcos Genre: Romantic Comedy, Billionaire Romance, Secret Surrogacy, LGBTQ+, Family Drama SYNOPSIS Dahil desperadong kailangan ni Sunshine "Sunny" Alcazar ng pera para sa operasyon ng kanyang ama, tinanggap niya ang trabahong maging surrogate mother para sa isang anonymous na kliyente. Walang personal na pagkikita, walang palitan ng tunay na pangalan, at walang kailangang malaman tungkol sa isa't isa. Limang taon ang lumipas, naging empleyado si Sunny sa kumpanyang pag-aari ni Sebastian "Baste" Madrigal, isang mayaman, gwapo, at aroganteng CEO na mag-isang nagpapalaki sa kanyang anak na si Dahlia. Hindi alam ni Sunny na si Baste ang dati niyang kliyente. Hindi rin alam ni Baste na ang babaeng madalas niyang makasagutan sa opisina ang mismong surrogate mother ng kanyang anak. Lalong naging komplikado ang lahat nang makilala ni Sunny si Dahlia. Hindi niya maiwasang mapansin ang pambihirang pagkakahawig nilang dalawa. Hindi niya alam na ang batang iyon ang sanggol na minsan niyang ipinagbuntis at isinilang. Samantala, nahuhulog na ang loob ni Baste kay Sunny. Gusto niya itong pakasalan at maging ina ni Dahlia. Ngunit may isang malaking problema: Lesbian si Sunny! Paano liligawan ng isang aroganteng billionaire ang babaeng walang interes sa mga lalaki? At ano ang mangyayari kapag nabunyag ang lihim na nag-uugnay sa kanilang tatlo? Isang lihim na kasunduan, isang batang babae, at isang pag-ibig na hindi kailanman inaasahan!