The Billionaire Stole Me From My Groom

Rinig na rinig ang bawat patak ng ulan na tumatama sa payong na dala ni Mithi habang naglalakad siya papasok ng Luxe hotel na pag-aari ng fiancé niya.

Sa bawat pagtapak niya sa semento, gumagawa iyon ng ibayong ingay mula sa kaniyang stiletto.

Maraming staff ang nakatingin sa kaniya at binabati siya ng may ibayong paggalang. Tipid na ngiti lang ang isinagot ni Mithi sa kanila.

10^th floor. Iyon ang pinindot niya nang makapasok siya ng elevator. Namumukadkad ang natural niyang ganda at kulay sa cocktail red dress na suot niya. Kasama ng red stiletto, mapula rin ang labi ni Mithi, kung kaya tawag ng lahat sa kaniya ay Ms. Red.

“Good evening, Ms. Red,” ang pagbati ng empleyado sa kaniya matapos magbukas ng elevator.

Ngumiti si Mithi at nagtuloy-tuloy sa paglalakad. Kulang na lang e mabali ang leeg ng mga taong nadadaanan niya.

Pumunta siya sa hotel room, kung saan doon gaganapin ang unang gabi na magniniig sila ni Luis, ang fiancé niyang papakasalan niya bukas.

Kailangan niyang tignan kung maayos na ba ang lahat. Inutusan niya kanina ang organizer na lagyan ng rose petals ang sahig, kama, at lagyan ng mga kandila kasama ng ceiling lights ang paligid.

Excited na siyang makaisang dibdib si Luis na siyang naging una at natatanging boyfriend niya. Ngunit natigilan siya ng makita ang personal assistant ni Luis sa labas ng hotel room.

“Jelay,” malapad siyang ngumiti ng makasalubong niya ito.

Nanlalaki naman ang mata ni Jelay sa gulat ng makita siya. Tila ba, hindi nito inaasahan na makikita niya si Mithi sa harapan niya ngayong gabi.

“A-Anong ginagawa mo dito sa labas ng hotel room namin ni Luis?” tanong pa niya.

Hindi na nakasagot pa si Jelay ng biglang may nahulog sa loob ng hotel room. Bukas ito kaya napatingin agad sa loob si Mithi. Nagtaka siya kaya papasok na sana siya ng siyang hawakan ni Jelay sa kamay.

“Ms. Mithi, ano… po…”

Alam na ni Mithi na parang pinipigilan na siya ni Jelay na pumasok sa loob. Bigla siyang kinabahan sa hindi niya malaman na dahilan.

Tinanggal niya ang kamay ni Jelay na nakahawak sa kamay niya.

“Pakisabi sa driver ko Jelay na umalis na siya at may gagawin pa ako matapos nito.”

Dahil sa lamig ng boses niya, wala ng nagawa si Jelay kun’di ang ang sundin ang utos ni Mithi. Nang maiwan nalang si Mithi sa labas ng hotel room, ramdam na niya na naghuhurumentado ang puso niya sa kaba.

Natigilan siya ng marinig ang paipit na tawa ng isang babae na nagmumula sa loob.

“Ano ba Luis, nakikiliti ako…”

“Huwag ka ng pakipot pa. Hindi na ako makapahintay e.”

Tumawa ulit ang babae. “Ang naughty mo talaga.”

Naikuyom ni Mithi ang kamay niya sa labis na galit na nararamdaman niya nang marinig ang boses ng fiancé niya na papakasalan na sana niya bukas kasama ang boses ng isang babae.

Halos dumiin ang ngipin niya sa pang ibabang labi niya sa tindi ng panginginig at pagkasuklam na nararamdaman niya ngayon.

Ang hotel room kung saan ay hinanda niya para sa unang gabi nila bukas, ay nagmistulang kwarto pa para sa pagtataksil ni Luis sa kaniya.

Pumasok siya at naabutan niya si Luis na nakikipagtaIik sa isang hindi niya kilalang babae.

Napasinghap si Mithi at agad na nanubig ang mata habang nakatingin sa dalawa na walang kamalay-malay sa presensya niya.

“That’s my girlfriend,” napatalon si Mithi sa gulat ng marinig ang isang boses mula sa likuran. Nang lingunin niya ito, nakita niya ang isang lalaki na walang buhay na nakatingin sa kaniya.

Medyo may kahabaan ang buhok, tan, at matipuno ang pangangatawan. Tall, dark, and handsome kung ika nga ang mailalarawan sa lalaking ito.

“Ang kaniig niya ngayon ay ang girlfriend ko.” Tumingin sa mga mata niya ang lalaki at parang nagtayuan ang balahibo ni Mithi sa katawan sa lamig ng expression nito kaya napaatras siya.

Dahil sa ginawa niyang pag-atras, gumawa ng tunog ang stiletto niya sa sahig dahilan kung bakit napatingin si Luis sa gawi nila.

“Mithi?”

Agad natulak ni Luis ang kasama niya sa kama, matapos ay tumayo at agad na ipinulupot ang kumot sa katawan niya.

“M-Mithi, let me explain.” Kinakabahang sabi ni Luis. Hinawakan niya ang kamay ni Mithi pero agad na itinabig ni Mithi ang kamay niya palayo.

Agad niyang sinampal si Luis at kasabay no’n ang pagtulo ng luha sa mga mata niya.

“Explain? Sige nga… Paano mo maipapaliwanag ang lahat ng ito?”

“W-Wala lang naman ito e. She’s just an employee and-“ nangangapa si Luis ng pwede pa niyang ipalusot. “Natumba lang ako sa kama-" sinampal ulit siya ni Mithi.

Matatanggap pa sana niya kung sabihin niyang, drinoga lang siya no’ng babae.

“Sa tingin mo ba maniniwala ako sa lintek mong palusot?”

Agad na nalukot ang mukha ni Luis at hinablot ang kamay ni Mithi. “Ano naman ngayon kung oo? Kasalanan mo rin naman dahil nagpaka-feeling santa ka. Ikakasal ka na sa akin pero ayaw mong haIikan kita o ayaw mong pumayag makipagsex sa akin. Mithi, lalaki ako at may pangangailangan rin ako.”

Nagulat si Mithi sa narinig. Hindi niya aakalaing siya pa ngayong ang nabaliktad.

“Kasalanan ko na nangaliwa ka?”

“OO!” Malakas na loob na sabi ni Luis. Hindi lubos maisip ni Mithi kung saan hinuhugot ni Luis ang kakapalan ng mukha nito.

“Kasalanan mo kasi kung pumayag ka lang na makipagsex sa akin, hindi na sana ako titingin ng iba.”

Hindi na nakasagot si Mithi. Napayuko nalang siya at umiyak sa harapan ng taksil niyang fiancé. Nablanko na ang utak niya at nalilito na sa gagawin.

Nang makita ni Luis na umiiyak na lang si Mithi, naging malumanay ang boses nito.

“Babe, kasal na natin bukas. Can we just forget this? Kung paiiralin mo ang pride mo at ika-cancel mo ang kasal bukas, madi-disappoint ang papa mo sayo. Hindi ba ayaw mong mangyari yun?”

“A-Alam ko,” sabi ni Mithi. “H-Hindi dapat madisappoint si p-papa sa akin k-kaya dapat m-matuloy ang kasal bukas.”

Ngumisi si Luis, iniisip na ang dali talagang utuin ni Mithi.

“Papakasalan kita,” sabi no’ng lalaking nakatayo lang kanina sa likuran ni Mithi.

Sabay na nagulat si Mithi at Luis at sabay ring napatingin dito. “If you can’t cancel the wedding then papakasalan kita. I’ll be your groom.”

“A-Ano?” gulat na sabi ni Luis habang nanlalaki ang matang nakatingin sa lalaking na kay Mithi lang ang tingin.

Humakbang ang lalaki at hinawakan ang kamay ni Mithi. Hindi niya pinansin si Luis.

“Payag ka ba?” malumanay na tanong niya kay Mithi.

“Teka nga!” Galit na sabi ni Luis at pinilit ipaghiwalayin ang kamay no’ng lalaking nakahawak sa kamay ni Mithi ngayon.

Pero mas malakas ang lalaki sa kaniya. Ni hindi nito binitawan ang kamay ni Mithi.

“Babe, anong pinagsasabi ng lalaking iyan?” Saad ni Luis.

Dahil sa labis na sakit na dinulot ni Luis, pumayag si Mithi sa sinabi no’ng lalaki. “P-Payag akong magpakasal s-sayo.”

Ngumisi ang lalaki at matapos ay tinapunan ng malamig na tingin ang babaeng nasa kama at nakatingin sa kanila bago niya hilahin si Mithi palabas ng Luxe Hotel.

“S-Saan tayo pupunta?” tanong ni Mithi ng ipasok siya no’ng lalaki sa sasakyan na dala niya.

“To the mayor’s office. Let’s get married!”