Nahihiya na si Rowena sa pinsan niya. Dalawang taon na ito ang gumagawa ng mga gawaing bahay, idagdag pa ang pagbabantay kay Leya. Kung tutuusin hindi nito obligasyon ang mga iyon. Nag-aambag pa ito sa gastusin samantalang siya isang palamunin na perwisyo.
“Anong magagawa natin? Nariyan na ‘yan. At saka bata pa si Leya. Ano naman muwang niya sa mg ganyang bagay? Hayaan mo, ako na muna magbabayad sa danyos,” alok ni Graciella. “Basta huwag ka na magsumbon sa asawa mo. Tiyak ako aawayin ka lang niya.”
“Pero, ate may pera ka pa ba? Anlaki na nga ng binigay mo kay nanay. May matitira pa ba sayo? Huwag na kaya ate. Nakakahiya naman sa asawa mo.”
“Basta ako na ang bahala.”
Sa black card na muna siya hihiram para ibigay kay Rowena. Syempre kailangan niyang ipaalam kay Menard ang gagawin. Ayaw naman niya napagbintangan na nanakawin niya ang laman na pera ng card. Gusto niyang malinaw ang lahat ng gastusin.
Wala naman pwedeng tumulong kay Rowena kundi
