
THE BILLIONAIRE'S HIDDEN WIFE: LOVE AFTER MARRIAGE
Matapos ang limang taong pagbibigay ng lahat kay Lance, natagpuan ni Sabina Yvaine Lustre ang sarili niyang niloko at ipinagpalit sa sarili niyang half-sister na si Audrey Chloe. Mas masakit pa rito, naiwan siyang walang trabaho habang patuloy na lumalala ang kondisyon ng kanyang ina.
Sa gitna ng desperasyon, napilitan siyang tanggapin ang alok na magpakasal sa isang lalaking kakakilala pa lamang niya sa isang blind date—si Zade Gabriel Lancaster, na nagpapakilalang isang simpleng programmer.
Habang unti-unting binubuo ni Sabina ang sarili niyang pangalan sa mundo ng interior design at pinatutunayan sa mga taong nanghamak sa kanya ang kanyang kakayahan, nagsisimula namang magbago ang relasyon nila ni Zade. Ang dating kasunduang kasal ay unti-unting nagiging isang bagay na hindi nila inaasahan.
Ngunit may isang katotohanang hindi alam ni Sabina: ang lalaking pinakasalan niya ay hindi isang ordinaryong programmer. Si Zade Gabriel Lancaster ang pinakamayamang bilyonaryo sa Maynila.
Sa pagbabalik ng mga lihim, panggigipit ng pamilya, at paglitaw ng mga taong gustong paghiwalayin sila, kakayanin kaya nilang panindigan ang pagmamahalang nabuo sa likod ng kanilang kasal? O ang mga sikretong matagal nang itinago ni Zade ang magiging dahilan ng tuluyan nilang pagkasira?
Leer
Chapter: CHAPTER 6Sabina Yvaine Lustre POVLumipas ang tatlong araw na halos hindi ako makatulog kakahintay sa resulta ng Manila Interior Design Annual Competition. Tahimik lang ang opisina nina Dennis nang hapong iyon nang i-post ng organizing committee ang opisyal na listahan ng mga nanalo sa kanilang website.Nakatitig ako sa screen ng laptop ko habang bahagyang nanginginig ang mga kamay ko. First Place—Urban Sanctuary by Sabina Lustre.Napahinga ako nang malalim habang nakaupo sa cubicle ko. Hindi ako makapaniwala. Nanalo ako. Agad akong napatayo at napasigaw sa tuwa, dahilan para mapalingon sa akin ang mga katrabaho ko. Mabilis na lumapit si Dennis, bitbit ang tasa ng kape niya. Malaki ang ngiti niya habang binabasa ang nasa monitor ko."Sabi ko na nga ba! I knew your design would crush them!" masayang sabi ni Dennis habang tinatapik ang balikat ko. "Isang milyon ang cash prize nito, Sabina! Pwede mo nang gamitin para sa pagpapagamot ng mama mo nang hindi ka na masyadong mamomroblema sa gastos."P
Última actualización: 2026-11-15
Chapter: CHAPTER 5Sabina Yvaine Lustre POVIsang linggo na ang lumipas mula nang mangyari ang insidente sa conference room kung saan hinarap ako ni Audrey Chloe. Kahit paano, naging maayos na ulit ang takbo ng buhay ko dahil sa bagong trabaho ko kay Dennis. Pero hindi ibig sabihin no'n ay titigil na ang pamilya ko sa panggugulo sa akin. Alam kong hindi nila basta hahayaang makabangon ako nang walang ginagawa.Para mas makilala ang pangalan ko sa industriya, nagpasya akong sumali sa Manila Interior Design Annual Competition. Bukod sa prestihiyong makukuha ng mananalo, ang isa sa mga dahilan kung bakit gusto kong sumali ay ang grand cash prize na aabot sa isang milyon. Malaking tulong iyon para mabayaran ang mga susunod na gastusin sa ospital ni Mama at mabawasan ang iniisip kong problema sa pera.Gabi-gabi, pagkatapos ng trabaho ko sa firm ni Dennis, dumidiretso ako sa maliit naming mesa para ipagpatuloy ang paggawa ng architectural scale models at 3D renderings para sa entry ko. Urban Sanctuary ang tem
Última actualización: 2026-11-15
Chapter: CHAPTER 4Sabina Yvaine Lustre POVIsang linggo pagkatapos ng mabilis naming kasal sa munisipyo, sinubukan kong ibalik sa normal ang buhay ko. Hindi ko puwedeng hayaang maapektuhan ako nang tuluyan ng ginawa ni Lance at ng sakit ni Mama. Kailangan kong kumilos. Kailangan kong magtrabaho.Maaga akong nag-ayos para sa interview sa isang independent interior design firm na pag-aari ng dati kong kaklase noong kolehiyo na si Dennis. Bago ako umalis ng apartment kaninang umaga, nadatnan ko si Zade na naghahanda ng kape sa maliit naming kusina habang inaabot kay Mama ang mga gamot nito."Kumain ka muna kahit kaunti bago ka umalis," sabi ni Zade habang inilalapag sa maliit na mesa ang isang basong maligamgam na gatas at tinapay.Nakasuot siya ng simpleng abuhing T-shirt at pantalon. Napatingin ako sa kanya habang tahimik niyang inaayos ang unan ni Mama. Minsan, hindi pa rin ako makapaniwalang ang lalaking ito ay estranghero lang na napangasawa ko dahil sa isang biglaang desisyon. Hindi siya nagrereklam
Última actualización: 2026-11-15
Chapter: CHAPTER 3Sabina Yvaine Lustre POVNakatitig lang ako sa kanya habang dahan-dahan niyang isinasara ang laptop niya. Kagabi, malamig ang tingin niya sa akin sa hallway ng hotel, pero ngayon, kalmado ang ekspresyon ng mukha niya habang diretso siyang nakatingin sa akin."Ikaw..." mahina kong sabi habang inilalapag ang hawak kong tasa sa mesa. "Ikaw 'yung lalaki kagabi sa hotel."Tumango siya. Walang bakas ng gulat o pag-aalinlangan sa mukha niya. Para bang inaasahan na niyang makikilala ko siya. "Oo. Ako nga 'yon," sagot niya habang inilalapag sa gilid ng mesa ang maliit na itim na leather case ng laptop niya. "At ikaw naman si Sabina, di ba? Nakilala kita dahil narinig ko ang pangalan mo noong nagtatalo kayo ng ex-boyfriend mo sa labas ng VIP suite."Nanigas ako sa kinauupuan ko. Uminit ang mukha ko sa hiya. Akala ko, nakatakas ako sa eksenang iyon nang walang nakakapansin, pero heto ang lalaking nakasaksi sa isa sa pinakamababang sandali ng buhay ko. Nakaupo siya ngayon sa tapat ko at seryosong
Última actualización: 2026-11-15
Chapter: CHAPTER 2Sabina Yvaine Lustre POVMaaga akong dumating sa opisina kinabukasan. Suot ko pa rin ang damit ko kagabi dahil hindi na ako nakauwi sa apartment. Mabigat ang mga mata ko dahil sa kawalan ng tulog, pero malinaw na sa isip ko ang gusto kong gawin. Determinado akong tapusin ang lahat ng may kinalaman kay Lance.Pagpasok ko sa glass door ng Suarez Tech, napansin kong nakatingin sa akin ang ilang empleyado. Siguro, may narinig na sila tungkol sa nangyari o napansin nilang may problema. Hindi ko na sila pinansin at dumiretso ako sa glass office ni Lance. Hindi na ako kumatok. Binuksan ko ang pinto at inihagis sa ibabaw ng mahogany desk niya ang puting sobre.Nag-angat ng tingin si Lance. May bahid ng pagod sa mukha niya, pero agad itong napalitan ng inis nang makita niya ang nakasulat sa papel.Resignation Letter."Are you out of your mind, Sabina?" mabilis siyang tumayo habang nakapameywang. "Iiwan mo ang kumpanya ko ngayon? Alam mong ikaw ang nag-aasikaso ng buong operations at client dec
Última actualización: 2026-11-15
Chapter: CHAPTER 1Sabina Yvaine Lustre POVNanlalagkit ang pakiramdam ko habang nakatayo sa labas ng VIP suite ng Fairmont. Hawak ko ang isang supot mula sa Mercury Drug na may lamang mainit na lugaw at gamot para kay Lance. Kanina pang alas-diyes ng gabi nang tumawag ang sekretarya niya para sabihing nag-collapse daw si Lance dahil sa sobrang pagod sa pagpapatakbo ng startup nila. Bilang girlfriend niya sa loob ng limang taon, natural lang na mag-alala ako, lalo na't naglaan din ako ng oras, pera, at lakas para sa kumpanya niya.Pero pagdating ko rito, may kakaibang kaba akong nararamdaman. May parte sa akin na gustong umatras, pero pinili ko pa ring magpatuloy."Nakaawang lang ang pinto, Beba. Pasok ka na," sabi niya sa tawag namin kanina.Dahan-dahan kong pinihit ang doorknob. Hindi naka-lock ang pinto. Tahimik itong bumukas."Lance?" tawag ko habang itinutulak ang pinto.Ang unang sumalubong sa akin ay ang matapang na amoy ng alak na hinaluan ng mamahaling pabango ng babae. Kumunot ang noo ko. Nagl
Última actualización: 2026-11-15
Chapter: CHAPTER 5SERAPHINA'S POV"Where did you get those documents?"Hindi agad ako nakasagot. Hindi ko inaasahan na iyon ang unang itatanong ni Rafael matapos kong sabihin kung ano ang nalaman ko. Wala man lang siyang tanong kung bakit ko iyon hinahanap o kung ano ang nakita ko sa records. Para bang alam na niya kung anong dokumento ang hawak ko at hinihintay lang niyang may makadiskubre nito."Kuya, sagutin mo muna ako. Totoo ba ang nakasulat dito?""Nasaan ka ngayon?""Sa sasakyan. Pauwi na sana ako.""Don't go home yet. Meet me at the old office. I'll send you the address."Napakunot-noo ako. "Bakit kailangan pa nating magkita? Kung may alam ka, sabihin mo na sa akin.""Sera, please. Hindi ito magandang pag-usapan sa phone."Bago pa ako makapagtanong ulit, ibinaba niya ang tawag. Ilang segundo akong nakatitig sa screen habang hawak ang envelope. Mas lalo akong kinabahan sa naging reaksiyon niya. Kung wala siyang alam, bakit kailangan pa niyang makipagkita nang personal?Makalipas ang halos apatna
Última actualización: 2026-11-15
Chapter: CHAPTER 4SERAPHINA'S POVAlas-nuwebe pa lang ng umaga ay nasa office na ako para ihanda ang presentation namin para sa Montefalco Technologies. Kasama ko si Mika at dalawang senior coordinators na hahawak sa project kapag natuloy ang proposal. Sinuri namin ang budget, venue options, at program concept bago ako tuluyang tumayo para kunin ang laptop ko. Ayokong magkaroon ng pagkakamali sa meeting, lalo na't personal na makakaharap namin ang chairman ng kumpanya."Ready na ba tayo?" tanong ni Mika habang inaayos ang mga dokumento."Yes. Make sure na may extra copy tayo ng proposal. Baka may hingin silang revisions.""Okay. By the way, ikaw ba talaga ang gustong makausap ni Mr. Montefalco?"Napatingin ako sa kanya. "Bakit?""Siya mismo ang nag-request na ikaw ang mag-present. Usually, department heads lang ang kausap natin sa ganitong proposal."Hindi ko na iyon sinagot. Alam kong hindi ordinaryong business meeting ang dahilan kung bakit gusto akong makita ni Lucien, pero hindi ko rin puwedeng ipa
Última actualización: 2026-11-15
Chapter: CHAPTER 3SERAPHINA'S POV"Adrian Devereaux," ulit ng daddy ko habang ipinapakilala kami sa isa't isa. "He's the son of one of our closest business partners. I'm sure marami kayong mapag-uusapan."Pinilit kong ngumiti nang bahagya habang inaabot niya ang kamay niya. "Nice to meet you, Seraphina.""You too," sagot ko.Umupo kami sa dining table. Katabi ko si Valentina na abala sa pag-aayos ng buhok niya habang panay ang ngiti sa bisita namin. Hindi ko alam kung bakit ganoon siya kasaya sa sitwasyon. Kung ako ang tatanungin, wala namang dapat ikatuwa sa isang dinner na hindi ko naman gustong puntahan."Adrian recently returned from Singapore," paliwanag ng daddy ko. "He's handling several investments there, and he'll be managing their local operations soon.""That's interesting," sagot ko habang hinihiwa ang pagkain ko."How about you?" tanong ni Adrian. "I heard you own an event and design company.""Yes. I started it a few years ago.""That's impressive. Not everyone can build a business from s
Última actualización: 2026-11-15
Chapter: CHAPTER 2SERAPHINA'S POVHindi pa ako nakakarating sa apartment nang sunod-sunod na ang tawag ni Lucas. Alam kong gusto niyang malaman kung bakit ganoon ang naging pag-uusap namin ni Lucien, pero wala akong balak magpaliwanag habang nasa biyahe. Nang makarating ako sa parking area ng building, saka ko lang siya tinawagan."Anong nangyari sa inyo?" agad niyang tanong."Wala.""Seraphina, nakita ko kung paano kayo nag-usap. Hindi normal na magkita ang dalawang dating magkarelasyon pagkatapos ng limang taon tapos ganoon agad ang unang conversation.""Lucas, please. Ayokong pag-usapan."Sandali siyang natahimik. "Alam mo bang ilang beses kang hinanap ni Lucien noon?"Napahawak ako sa manibela. "Hindi na mahalaga.""Para sa kanya, mukhang mahalaga pa rin. Hindi niya nga alam na divorced ka na hanggang kamakailan.""Lucas, huwag mo na akong idamay sa mga bagay na hindi ko na kayang balikan."Hindi na siya nangulit. Nagpaalam lang siya at nangakong hindi niya sasabihin kay Lucien ang anumang personal
Última actualización: 2026-11-15
Chapter: CHAPTER 1SERAPHINA'S POV"Congratulations, officially divorced na tayo."Napatingin ako kay Daniel matapos niyang pirmahan ang huling dokumento sa ibabaw ng mesa. Nasa harap namin ang mga papeles na ilang linggo rin naming inayos para tuluyan nang matapos ang limang taong kasal namin. Walang sigawan, walang sumbatan, at lalong walang eksenang kailangang may umalis na umiiyak. Pareho naming alam na hanggang dito na lang talaga ang kasunduan namin."Congratulations din," sagot ko habang pinipirmahan ang natitirang dokumento.Ngumiti siya nang bahagya. "I hope you don't think na nasayang ang five years natin.""Hindi naman. We both got what we agreed on."Limang taon ang itinagal ng marriage contract namin. Kailangan niya noon ng asawang magbibigay sa kanya ng magandang imahe sa pamilya at sa negosyo, habang ako naman ay nangangailangan ng sapat na pera para makapagsimula ng sarili kong kumpanya. Walang pagmamahalan sa pagitan namin, pero naging maayos ang pakikitungo namin sa isa't isa. Hindi ni
Última actualización: 2026-11-15