Share

THE BILLIONAIRE'S HIDDEN WIFE: LOVE AFTER MARRIAGE
THE BILLIONAIRE'S HIDDEN WIFE: LOVE AFTER MARRIAGE
Author: VIRGINIA

CHAPTER 1

Author: VIRGINIA
last update Petsa ng paglalathala: 2026-11-15 16:15:38

Sabina Yvaine Lustre POV

Nanlalagkit ang pakiramdam ko habang nakatayo sa labas ng VIP suite ng Fairmont. Hawak ko ang isang supot mula sa Mercury Drug na may lamang mainit na lugaw at gamot para kay Lance. Kanina pang alas-diyes ng gabi nang tumawag ang sekretarya niya para sabihing nag-collapse daw si Lance dahil sa sobrang pagod sa pagpapatakbo ng startup nila. Bilang girlfriend niya sa loob ng limang taon, natural lang na mag-alala ako, lalo na't naglaan din ako ng oras, pera, at lakas para sa kumpanya niya.

Pero pagdating ko rito, may kakaibang kaba akong nararamdaman. May parte sa akin na gustong umatras, pero pinili ko pa ring magpatuloy.

"Nakaawang lang ang p***o, Beba. Pasok ka na," sabi niya sa tawag namin kanina.

Dahan-dahan kong pinihit ang doorknob. Hindi naka-lock ang p***o. Tahimik itong bumukas.

"Lance?" tawag ko habang itinutulak ang p***o.

Ang unang sumalubong sa akin ay ang matapang na amoy ng alak na hinaluan ng mamahaling pabango ng babae. Kumunot ang noo ko. Naglakad ako papasok sa living area ng suite hanggang sa makarinig ako ng mahihinang boses mula sa kwarto.

Huminto ako sa tapat ng bukas na silid-tulugan. Napatingin ako sa mga gamit na nakakalat sa sahig. May mamahaling sapatos ng lalaki, kasunod ang blazer ni Lance at isang branded na bag na pamilyar na pamilyar sa akin. Pag-aari iyon ng nakababata kong half-sister.

Hindi ako agad nakagalaw.

Humakbang ako papasok kahit nanginginig ang mga tuhod ko. Doon ko sila nakita. Nakahiga si Lance sa kama, kalahating hubad, habang nakapatong ang ulo ng isang babae sa dibdib niya. Nakasuot ito ng silk bathrobe. Nang marinig nila ang yabag ko, sabay silang napalingon.

Si Audrey Chloe. Ang kapatid ko sa ama na laging nakasimangot tuwing nakikita ako sa mansyon noon. Ngayon, nakangisi siya habang nakatingin sa akin.

"B-Bebs?" gulat na sambit ni Lance. Mabilis siyang bumangon at hinila ang puting kumot para takpan ang hubad niyang katawan, pero huli na ang lahat. Nakita ko na ang lahat. Habang abala akong magtrabaho at mag-ipon para makatulong sa kumpanya niya, nandito pala siya at may ibang babae.

Nanatili akong nakatayo sa kinatatayuan ko. Hindi ko alam kung ano ang unang sasabihin. "Anong... anong ginagawa niyo rito?" tanong ko. Halos hindi lumabas ang boses ko dahil sa sobrang pagkabigla.

Umupo si Audrey at inayos ang strap ng robe niya. Wala siyang kahit anong bakas ng hiya sa mukha. Para pa siyang naiinip sa naging reaksiyon ko. "Oh, ate. Don't be so dramatic. Alam mo naman kung bakit nandito si Lance. Need niya ng malaking investment para sa tech startup niya, di ba? At ang real estate group ni Daddy ang makakapagbigay no'n. Eh ikaw? Ano bang maibibigay mo bukod sa limang taon ng pagiging sunud-sunuran at panggugulo sa buhay niya?"

Binalingan ko si Lance. Ang lalaking sinuportahan ko noon. Ang lalaking binigyan ko ng ₱1,900,000—lahat ng ipon ko mula sa pagtatrabaho bilang night-shift designer at assistant bago pa niya masimulan ang kumpanya niya.

"Totoo ba 'to, Lance?" tanong ko habang pilit pinatatatag ang boses ko. "Binigay ko sa'yo ang lahat. Tinulungan kitang magsimula mula sa wala. Tapos ganito ang gagawin mo sa akin?"

Wala nang bakas ng hiya sa mukha ni Lance. Huminga siya nang malalim bago ngumisi nang sarkastiko. "Sana maintindihan mo, Sabina. Mahirap ang buhay ngayon. Kailangan ko ng koneksyon at pera para lumago ang negosyo ko. Kung gusto mo pa rin tayong dalawa, puwede ka namang manatili rito... as my secret mistress. Makukuha mo pa rin ang gusto mo."

Mistress? Gagawin niya akong mistress kahit limang taon na kaming magkarelasyon?!

Parang hindi ako makapaniwala sa narinig ko. Nawala ang natitirang takot ko at napalitan iyon ng matinding galit. Hinablot ko ang supot ng lugaw at buong lakas na ibinato iyon sa mukha niya. Tumama ang mainit na lalagyan sa kanya bago bumagsak sa sahig, dahilan para tumapon ang laman nito sa mukha at dibdib niya.

"Gago ka pala, e!" sigaw ko. "Tapos na tayo, Lance! Tapos na!"

Mabilis akong tumalikod at naglakad palabas ng kwarto. Narinig ko ang pagmumura niya habang pinupunasan ang mukha, pero wala na akong pakialam. Gusto ko na lang makaalis sa lugar na iyon. Gusto ko nang makalabas at makahinga nang maayos.

"Mag-isip ka nga, Sabina!" sigaw pa niya habang naglalakad ako palayo sa suite. "Twenty-five ka na! Sa edad mong 'yan, tingin mo may magmamahal pa sa'yo? Isa ka lang ordinaryong babae na walang narating sa buhay! Sawa na ako sa pagmumukha mo!"

Hindi ko na napigilan ang pagpatak ng mga luha ko habang binabagtas ang tahimik at malawak na hallway ng hotel. Sobrang sakit. Limang taon akong nagtiis at nagsakripisyo para sa kanya. Ang dami kong isinuko para lang matulungan siyang maabot ang mga pangarap niya. Hindi ko akalaing ganito ang isusukli niya sa akin. Sa pagmamadali kong makaalis habang pinipigilan ang hikbi ko, hindi ko napansing may paparating na lalaki mula sa kabilang direksiyon.

BANG!

Malakas akong nabangga sa matipunong dibdib niya. Dahil sa gulat at panghihina, napaupo ako sa carpeted floor. Muntik pang mahulog ang bag na dala ko.

"Aray..." bulong ko habang nakayuko at pinupunasan ang mga luha ko gamit ang likod ng palad.

Dahan-dahan akong tumayo at nag-angat ng tingin para humingi ng tawad sa lalaking nabangga ko. Pero natigilan ako nang makita ang taong nasa harapan ko.

Isa siyang matangkad na lalaki na nakasuot ng mamahaling dark suit. Walang mabasang emosyon sa mukha niya, pero seryoso at matalim ang tingin niya sa akin. May dating siyang hindi basta-basta napapansin, at halatang sanay siyang makuha ang gusto niya.

Ilang segundo kaming nagkatinginan sa gitna ng tahimik na hallway. Hindi siya nagsalita, at hindi rin ako agad nakapagsalita. Pagkatapos, tinalikuran niya ako at dire-diretsong naglakad palayo nang walang imik. Hindi na siya lumingon bago tuluyang mawala sa dulo ng pasilyo.

Patuloy na basahin ang aklat na ito nang libre
I-scan ang code upang i-download ang App

Pinakabagong kabanata

  • THE BILLIONAIRE'S HIDDEN WIFE: LOVE AFTER MARRIAGE   CHAPTER 6

    Sabina Yvaine Lustre POVLumipas ang tatlong araw na halos hindi ako makatulog kakahintay sa resulta ng Manila Interior Design Annual Competition. Tahimik lang ang opisina nina Dennis nang hapong iyon nang i-post ng organizing committee ang opisyal na listahan ng mga nanalo sa kanilang website.Nakatitig ako sa screen ng laptop ko habang bahagyang nanginginig ang mga kamay ko. First Place—Urban Sanctuary by Sabina Lustre.Napahinga ako nang malalim habang nakaupo sa cubicle ko. Hindi ako makapaniwala. Nanalo ako. Agad akong napatayo at napasigaw sa tuwa, dahilan para mapalingon sa akin ang mga katrabaho ko. Mabilis na lumapit si Dennis, bitbit ang tasa ng kape niya. Malaki ang ngiti niya habang binabasa ang nasa monitor ko."Sabi ko na nga ba! I knew your design would crush them!" masayang sabi ni Dennis habang tinatapik ang balikat ko. "Isang milyon ang cash prize nito, Sabina! Pwede mo nang gamitin para sa pagpapagamot ng mama mo nang hindi ka na masyadong mamomroblema sa gastos."P

  • THE BILLIONAIRE'S HIDDEN WIFE: LOVE AFTER MARRIAGE   CHAPTER 5

    Sabina Yvaine Lustre POVIsang linggo na ang lumipas mula nang mangyari ang insidente sa conference room kung saan hinarap ako ni Audrey Chloe. Kahit paano, naging maayos na ulit ang takbo ng buhay ko dahil sa bagong trabaho ko kay Dennis. Pero hindi ibig sabihin no'n ay titigil na ang pamilya ko sa panggugulo sa akin. Alam kong hindi nila basta hahayaang makabangon ako nang walang ginagawa.Para mas makilala ang pangalan ko sa industriya, nagpasya akong sumali sa Manila Interior Design Annual Competition. Bukod sa prestihiyong makukuha ng mananalo, ang isa sa mga dahilan kung bakit gusto kong sumali ay ang grand cash prize na aabot sa isang milyon. Malaking tulong iyon para mabayaran ang mga susunod na gastusin sa ospital ni Mama at mabawasan ang iniisip kong problema sa pera.Gabi-gabi, pagkatapos ng trabaho ko sa firm ni Dennis, dumidiretso ako sa maliit naming mesa para ipagpatuloy ang paggawa ng architectural scale models at 3D renderings para sa entry ko. Urban Sanctuary ang tem

  • THE BILLIONAIRE'S HIDDEN WIFE: LOVE AFTER MARRIAGE   CHAPTER 4

    Sabina Yvaine Lustre POVIsang linggo pagkatapos ng mabilis naming kasal sa munisipyo, sinubukan kong ibalik sa normal ang buhay ko. Hindi ko puwedeng hayaang maapektuhan ako nang tuluyan ng ginawa ni Lance at ng sakit ni Mama. Kailangan kong kumilos. Kailangan kong magtrabaho.Maaga akong nag-ayos para sa interview sa isang independent interior design firm na pag-aari ng dati kong kaklase noong kolehiyo na si Dennis. Bago ako umalis ng apartment kaninang umaga, nadatnan ko si Zade na naghahanda ng kape sa maliit naming kusina habang inaabot kay Mama ang mga gamot nito."Kumain ka muna kahit kaunti bago ka umalis," sabi ni Zade habang inilalapag sa maliit na mesa ang isang basong maligamgam na gatas at tinapay.Nakasuot siya ng simpleng abuhing T-shirt at pantalon. Napatingin ako sa kanya habang tahimik niyang inaayos ang unan ni Mama. Minsan, hindi pa rin ako makapaniwalang ang lalaking ito ay estranghero lang na napangasawa ko dahil sa isang biglaang desisyon. Hindi siya nagrereklam

  • THE BILLIONAIRE'S HIDDEN WIFE: LOVE AFTER MARRIAGE   CHAPTER 3

    Sabina Yvaine Lustre POVNakatitig lang ako sa kanya habang dahan-dahan niyang isinasara ang laptop niya. Kagabi, malamig ang tingin niya sa akin sa hallway ng hotel, pero ngayon, kalmado ang ekspresyon ng mukha niya habang diretso siyang nakatingin sa akin."Ikaw..." mahina kong sabi habang inilalapag ang hawak kong tasa sa mesa. "Ikaw 'yung lalaki kagabi sa hotel."Tumango siya. Walang bakas ng gulat o pag-aalinlangan sa mukha niya. Para bang inaasahan na niyang makikilala ko siya. "Oo. Ako nga 'yon," sagot niya habang inilalapag sa gilid ng mesa ang maliit na itim na leather case ng laptop niya. "At ikaw naman si Sabina, di ba? Nakilala kita dahil narinig ko ang pangalan mo noong nagtatalo kayo ng ex-boyfriend mo sa labas ng VIP suite."Nanigas ako sa kinauupuan ko. Uminit ang mukha ko sa hiya. Akala ko, nakatakas ako sa eksenang iyon nang walang nakakapansin, pero heto ang lalaking nakasaksi sa isa sa pinakamababang sandali ng buhay ko. Nakaupo siya ngayon sa tapat ko at seryosong

  • THE BILLIONAIRE'S HIDDEN WIFE: LOVE AFTER MARRIAGE   CHAPTER 2

    Sabina Yvaine Lustre POVMaaga akong dumating sa opisina kinabukasan. Suot ko pa rin ang damit ko kagabi dahil hindi na ako nakauwi sa apartment. Mabigat ang mga mata ko dahil sa kawalan ng tulog, pero malinaw na sa isip ko ang gusto kong gawin. Determinado akong tapusin ang lahat ng may kinalaman kay Lance.Pagpasok ko sa glass door ng Suarez Tech, napansin kong nakatingin sa akin ang ilang empleyado. Siguro, may narinig na sila tungkol sa nangyari o napansin nilang may problema. Hindi ko na sila pinansin at dumiretso ako sa glass office ni Lance. Hindi na ako kumatok. Binuksan ko ang pinto at inihagis sa ibabaw ng mahogany desk niya ang puting sobre.Nag-angat ng tingin si Lance. May bahid ng pagod sa mukha niya, pero agad itong napalitan ng inis nang makita niya ang nakasulat sa papel.Resignation Letter."Are you out of your mind, Sabina?" mabilis siyang tumayo habang nakapameywang. "Iiwan mo ang kumpanya ko ngayon? Alam mong ikaw ang nag-aasikaso ng buong operations at client dec

  • THE BILLIONAIRE'S HIDDEN WIFE: LOVE AFTER MARRIAGE   CHAPTER 1

    Sabina Yvaine Lustre POVNanlalagkit ang pakiramdam ko habang nakatayo sa labas ng VIP suite ng Fairmont. Hawak ko ang isang supot mula sa Mercury Drug na may lamang mainit na lugaw at gamot para kay Lance. Kanina pang alas-diyes ng gabi nang tumawag ang sekretarya niya para sabihing nag-collapse daw si Lance dahil sa sobrang pagod sa pagpapatakbo ng startup nila. Bilang girlfriend niya sa loob ng limang taon, natural lang na mag-alala ako, lalo na't naglaan din ako ng oras, pera, at lakas para sa kumpanya niya.Pero pagdating ko rito, may kakaibang kaba akong nararamdaman. May parte sa akin na gustong umatras, pero pinili ko pa ring magpatuloy."Nakaawang lang ang pinto, Beba. Pasok ka na," sabi niya sa tawag namin kanina.Dahan-dahan kong pinihit ang doorknob. Hindi naka-lock ang pinto. Tahimik itong bumukas."Lance?" tawag ko habang itinutulak ang pinto.Ang unang sumalubong sa akin ay ang matapang na amoy ng alak na hinaluan ng mamahaling pabango ng babae. Kumunot ang noo ko. Nagl

Higit pang Kabanata
Galugarin at basahin ang magagandang nobela
Libreng basahin ang magagandang nobela sa GoodNovel app. I-download ang mga librong gusto mo at basahin kahit saan at anumang oras.
Libreng basahin ang mga aklat sa app
I-scan ang code para mabasa sa App
DMCA.com Protection Status