Book 2: Chapter 14

NAITAKIP ni Amira ang mga palad sa mukha nang matanaw na patungo sa kinaroroonan nila ang kanyang lola na animo'y model na inirarampa ang suot nitong two-piece bikini na nanggaling kay Hardhie, pero mismong si Yeonna naman ang bumili at pumili niyon.

"How do I look?" tanong agad ng matanda nang makalapit sa grupo.

"Ang seksi mo pala, Lola!"

Marahan nitong hinampas sa braso si Hardhie na parang teenager na kinikilig dahil sa narinig na papuri. "Maliit na bagay," pagbibida nito. "At saka nasa lahi na talaga namin iyon!" sabay hagikhik nito.

Kasalukuyan silang nasa isang resort sa Batangas na pag-aari ng pamilya ni Kenji. Ito ang pumili ng venue para sa una nilang double-date. All agreed, maliban kay Amira na ngayon nga ay nakakaramdam ng hiya dahil sa iginagawi ng abuwela.

"Lola, hindi ka na bata!"

Pinanlisikan nito ng mga mata ang apo. "Bakit? May age limit na ba ngayon ang pagpunta ng beach?"

"Nagpaalam ba kayo kay Lolo?"

"Nakita mo ba siya kanina pag-alis natin?'

Sandali namang napai