Book 2: Chapter 15

"SA tingin ko, marunong talaga siyang lumangoy..."

Mula sa maya't mayang pagsulyap kay Amira na nakaupo sa kanyang tabi sa pampang ay natuon ang tingin niya sa unahan. Abala si Kenji sa pagtuturo kay Lola Tasing sa paglangoy.

"Bakit mo naman nasabi 'yon?"

"Para kasing may nakita akong mga old photos niya sa isang swimming class."

Napatikhim si Hardhie. "Uhm, baka naman hindi siya iyon."

"Pero bakit kay Kenji siya nagpapaturo?" Binalingan nito ang binata, "Hindi sa iyo?"

Mabilis siyang umiwas ng tingin nang magsalubong ang kanilang mga mata. "Hindi kasi ako marunong."

"Hindi ka marunong lumangoy?"

"Tabo lang ang gamit ko at hanggang pampang lang ako."

".Sure ka sa sagot mo?"

Ibinalik niya ang tingin kay Amira. "Ha?"

"Paano kung malunod ako? Hindi mo pala ako masasagip."

"Kaya huwag kang lalangoy sa malayo at malalim."

Tumayo si Amira nang nakaguhit sa labi ang pilyang ngiti.

At naalarma si Hardhie. "Saan ka pupunta?"

"Lalangoy ako sa malayo at malalim."

"Hey!" Napatayo siya nang tumak