Chapter 16

“What do you want to do first? Take a bath or eat breakfast?” masiglang tanong ni Abe sa akin pagkatawid namin mula sa ospital.

Lihim akong napangiti sa pagbabago ng mood ng lalaki kumpara kanina nang dumating siya sa silid ni Ayah ng eksaktong alas sais ng umaga at tagaktak ang pawis at parang pasan ang mundo. Kaya pagkatapos niyang magbigay-galang kay Inay ay niyaya ko na siya agad umalis dahil ayaw kong maging sanhi ng pagiging late niya sa kanyang meeting sa Dela Torre Mines.

Paglabas namin kanina ng silid ni Ayah nagulat ako nang biglang rumehistro ang pagod sa mukha niya, iniisip ko na baka nga dahil nag-jogging pero walang tigil ang pamumuo ng pawis niya sa noo at basang-basa na rin ang suot niyang t-shirt kaya nang nasa loob na kami ng elevator ay hindi ko natiis na lagyan ng panyo ko ang likod niya. Noong una ay ayaw pa pero nang panlakihan ko siya ng aking mga mata, sumunod naman.

“Mauna ka ng maligo para hindi ka matuyuan ng pawis, ako na ang magluluto ng almusal,” sagot ko