CHAPTER 02

CHAPTER 02

“Mommy! Talaga pong hindi na natin makakasama si daddy sa bahay po? Iiwan na po natin si daddy?” Halos madurog ang puso ni Tiffany na marinig niya ang boses ng kanyang anak na si Trisha habang kandong niya ito habang nasa taxi sila. Kinarga niya ito dahil hindi tumigil sa kakaiyak na pinalayas sila ni Martin sa kanilang bahay.

Plano niya naman talagang umalis pero hindi niya inaasahan na ganoon ang gagawin ni Martin na pagtaboy sa kanila. Hindi sila pinigilan at talagang hinatid sa labas ng gate at binalibag lamang ang kanilang mga gamit sa labas na parang wala silang pinagsamahan ng ilang taon.

Hinanap niya ang mga mata ng kanyang anak at ngumiti ito sa kanya. Hinaplos nito ang buhok niya na mahaba hanggang balikat at hinalikan sa ibabaw ng kanyang noo.

“May mga bagay na dapat i-sacrifice si mommy anak at isa ito sa tamang paraan na sa tingin ko ay tamang desisyon na ginawa ko para sa ating dalawa."

“Po?" Ngumiti si Tiffany dahil alam niya na hindi pa ito maintindihan ng kanyang pitong taong gulang na anak.

“Balang araw, maiintindihan mo anak si mommy kung bakit natin lumayo kay daddy, basta ang masasabi lang ni mommy na mahal na mahal kita, hmmm. Patawarin mo sana si mommy, anak.” nararamdaman ni Tiffany na parang sinasaksak ng kutsilyo ang puso niya dahil sa nangyari sa relasyon niya ng kanyang asawa. Na iningatan niya ng Kay tagal.

"I love you too mommy. Hindi po kayo bati ni daddy. He's hurting your feelings, right? I don't like him either.” aniya sabay cross ng kanyang mga braso sa kanyang dibdib at irap ng kanyang mga mata. Agad naman itong niyakap ni Tiffany dahil sa ginawa nito na dapat ay hindi siya magtanim ng galit sa kanyang ama.

Kung may pinasasalamatan man siya na nangyari sa kanya sa pitong taon na naging sila ng asawa niya ay ito ang pagkakataon na nabibiyaan sila ng anak ni Martin at ito ay si Trisha na pitong taon na gulang na ngayon.

Habang nasa biyahe ay nakatulog si Trisha sa bisig ng kanyang ina. Hinayaan niya itong makatulog at mamaya na gigisingin pagkarating sa kanilang bahay.

Binaling ni Tiffany ang kanyang mga mata sa labas ng sasakyan na huminto ito sa stop light. Hindi ma traffic sa mga oras na ito kaya maluwag ang daloy ng traffic sa kalsada.

Habang nakamasid sa labas ay may huminto na itim na kulay na sports car na mamahalin habang naghihintay na matapos ang red light. Hindi na sana papansinin ni Tiffany ang sports car at ibaling ang tingin niya sa kabilang side pero nabigo s'ya at nagulat na biglang nagbukas ang open-top ng kotse nito na parang nakikita niya lang sa movie. Hindi makapaniwala si Tiffany sa kanyang nakita. Ngunit ang nagpapukaw sa kanya ng attention ay ang sakay nito.

Hindi man klaro ang mukha ng nagmamaneho dahil nasa unahan ng kaunti kung saan ang front seat niya at ang taxi at sa likod ng lalaki ay sumisigaw na ito ng katapangan.

Huminto ang sinasakyan nila na taxi sa tapat ng bahay. Sabay silang bumaba at dinala ang mga gamit nilang mag-iina pababa ng taxi. Umalis sila sa pamamahay ni Martin at umuwi sa bahay ng kanyang mga magulang.

“Anak! Tiffany? Ikaw na ba ‘yan?" Sigaw ng isang ginang na kakalabas lang ng kanilang bahay. Ngumiti si Tiffany at nang makita ni Trisha kung sino ang tumatawag ay masaya itong kumaway at tumakbo na papunta sa loob.

“Lola! I'm here po. Trisha Lola! Trisha po!” magalang at magiliw na pagpapakilala ng kanyang anak at nauna ng tumakbo papasok sa loob, habang hinihintay ni Tiffany ang lahat ng gamit na maibaba.

Tanging ang ina at bunsong kapatid na lang ni Tiffany ang magkasama simula na mamatay ang kanilang ama.

“Anak!" Tawag ng ina ni Tiffany sa kanya. Nasa loob na ng bahay si Trisha pagkatapos niyang magmano sa kanyang Lola.

“Mama!" Malumanay na tawag ni Tiffany sa kanyang ina at walang salita na lumalabas sa kanilang mga labi kundi agad niyakap si Tiffany ng kanyang ina. Alam kasi ng kanyang ina na ngayong araw ang uwi niya sa kanilang tahanan. Sinabihan na ni Tiffany ang kanyang ina ang nangyari sa kanya at Kay Martin na hiwalayan..

"Makakaya mo rin anak, makakaya mo ang lahat. Sa ngayon ay wala pa akong sagot kung bakit ginawa ni Martin ang ganoong bagay–”

" Mama-” halos humahagulgol na sa iyak si Tiffany sa kanyang ina. Ang sakit-sakit lang po talaga ang ginawa niya ma. Akala ko magbabago pa s'ya pero bakit mas lalong lumala, ayos lang ako pero naawa ako sa anak ko na si Trisha, hindi ito ang pangarap ko ma na mangyari, pangarap ko na maging kumpleto lang kami pero hindi ko alam kung bakit niya ginagawa pa rin ang manloko at mangaliwa. Anong meron siya na wala ako? Bakit kailangan akong saktan ng asawa ko ng ganito."

“Anak ko–"