"Kung gusto mo naman talagang umalis Lyrica ay susuportahan ka namin. Para iyon sa ikakaayos ng buhay ng pamilya mo." malumanay na sabi ni Wren. Nasabi ko na rin sa kanila ang pagluwas ko.
"Oo nga, lalo na at may makakasama ka naman doon. " Sabi ni Krisha.
"Sigurado naman akong hindi ka papabayaan ni Ate Jessie doon." Nakangiting sabi ni Mildred sa akin.
"Hindi ba delikado iyon? Mahirap rin sa Maynila. Nakaparaming mandurugas doon, mahirap iyon lalo na at babae si Lyrica." Nakakunot na noong sabi ni Marco.
"Marco my friend, sa tingin mo ba ay papabayaan ni Lyrica ang sarili niya? Malay mo nga doon makuha ni Lyrica ang swerte niya. Mas kailangan si Lyrica ka ng pamilya niya ngayon. " Seryosong sabi ni Wren at tinapik ang balikat ni Marco. Walang emosyon namang ininom ni Marco ang alak na para sa kanya.
Hindi naman lingid sa grupo namin, lalong lalo na sa akin ang pagkakaroon ng pagkagusto sa akin ni Marco. Ilang beses na niyang sinubukang manligaw , agad ko naman iyong tinatanggihan. Ayokong masira ang pagkakaibigan na nabuo namin sa mga nagdaang taon, isa pa ay wala sa isip ko ang pagnonobyo. Naiintindihan naman niya iyon, kaso nga lang ay may mga pagkakataong nagiging overprotective na siya.
Palagi naman naming naaayos iyon at naidadaan sa maayos na pag uusap."Tatawagan ko si Ate Jessie, gusto mo ba siyang makausap? Naikwento ko na kasi sa kanya noon na gusto mong mag Maynila. Sabi naman niya ay may bakante pa sa opisina nila, kaso medyo matagal ko ng nasabi iyon. Marami namang mga kompanya sa Maynila Lyrica." Sabi sa akin ni Mildred.
"Ayos lang ba talaga? Hindi ba nakakahiya sa pinsan mo? "
"Oo naman, huwag kang mag alala. Mabait yun si Ate." Pagpapalakas ng loob ni Mil sa akin.
"Oo nga, para may ninang naman si baby na Manila girl! " Tawa ni Krisha, pinapagaan ang usapan namin.
"Sige. Hindi naman masamang sumubok." Napangiti na lamang ako.
Tinawagan ni Mildred ang ate Jessie niya. Nakailang ring ang kanyang cellphone bago sumagot ang pinsan niya.
"Hello, Mildred? Bakit napatawag ka? May problema ba? " Medyo maingay ang background ng ate niya.
"Wala naman ate. Busy ka ba? May itatanong sana ako."
"Uh, hindi naman. Nasa bar kasi ako, alam mo na chill chill lang after ng work." Napatawang sabi nito.
"Ano bang itatanong mo? " Tanong pa nito kay Mildred, ako naman ay kinakabahang nag iintay ng sasabihin ni Ate Jessie.
"Si Lyrica kasi, yung ikinuwento ko sayong kaibigan ko nung isa tayong nag usap. Desidido kasing lumuwas ng Maynila e. Baka naman maipapasok mo siya sa trabaho mo ate? " Malambing na sabi ni Mildred.
"Naku! Yun lang, hindi na hiring sa company. " Parang nagdadahilang sabi ng Ate Jessie niya. Nawalan naman ako ng lakas loob dahil doon.
"Ganun ba ate, sayang naman. Pero balak niya talagang pumunta diyan e. Kakapalan ko na talaga ang mukha ko ate, baka naman pwedeng habang naghahanap siya ng trabaho diyan ay sa iyo muna siya tumuloy? "
"Pwede naman, basta ba ay hahati siya sa bayad ko sa upa. Siguraduhin mo lang na okay iyang kaibigan mo, mahirap ang loko loko rito sa Maynila Mildred. Isa pa, dapat malakas ang loob niyan. Baka sa interview palang umiyak na iyan." Tatawa tawang sabi ni Ate Jessie.
"Hindi ate. Promise, okay na okay itong si Lyrica. Kailangan niya lang talaga ng trabahong malaki ang pasahod e."
"O siya sige, bukas kamo kami mag usap. Tamang tama at day off ko bukas. Ibaba ko na itong tawag, tinatawag na ako ng mga kaibigan ko."
"Sige ate, maraming salamat ha? " Tuwang tuwa na sabi ni Mildred.
"Oh ayan girl! May pag asa ka na! " Pumapalakpak na sabi ni Krisha. Miski ako ay natuwa sa narinig ko.
"Kami na ang bahala sa nawala mong ipon." Napabuntong hiningang sabi ni Marco. Napahilot pa ito sa sintido.
"Ayan, ganyan dapat ang kaibigan. Suporta lang Marco." Masayang sabi ni Mildred.
"Pero syempre, utang yun ni Lyrica. Sa tagal nang panahon nating magkakaibigan hindi iyan napayag ng bibigyan siya ng tulong pinansiyal. Gusto niya lagi ay yung babayaran niya." Tawa ni Wren.
" Aba oo nga! Naalala ko bigla, isang beses na inilibre ko siya ng tanghalian. Biruin mo, kinabukasan ng sabado ang aga sa bahay. Tutulungan niya raw akong maglaba." Halakhak ni Krisha.
Napuno ng tawanan ang kubo.Alas diyes ng gabi natapos ang inuman namin ng masaya. Medyo nakakaramdam lamang ako ng hilo pero kaya ko pa naman. Si Marco ang maghahatid sa akin pauwi, hindi masyadong nag inom dahil magmamaneho pa siya pauwi.
"Una na kami, ingat kayo pag uwi ha? " Bilin sa amin ni Wren. Gamit nito ang tricycle ng tatay niya kaya may service sila pauwi. Magkaiba kami ng dadaanan pauwi, mas malayo pa ang uuwian naming dalawa ni Marco kaysa
"Oo naman, kayo rin pare. Dahan dahan lang, mas malubak sa dadaanan ninyo e." Sabi naman ni Marco.
"Bye na mga girls, ingat kayo ha? Hoy, ingatan niyo itong dalawa ha? " Nakayakap pa sa amin si Krisha. Napatawa naman si Mil.
"Ay si gaga! Nanlalambing pa" sabi nito.
"Syempre, mababawasan na tayo e. Nako, baka maging madalang na ang get together natin niyan."
"Hoy hindi! Syempre, magsasama sama pa rin tayo tapos palagi nating tatawagan si Lyrica." Pagpapagaan ni Mil sa loob ni Krisha.
"Oo nga, palagi kayong magload para matawagan ako no? Alam niyo namang de keypad ang cellphone ko." Itinaas ko pa ang cellphone ko saka tumawa.
"Oo nga, napaka outdated na ng cellphone mo! Sabihin ko kay ate Jessie, pahiramin ka ng laptop minsan para makapagvideo call tayo. Tapos kapag may ipon kana bumili kana ng touchscreen na cellphone ha? Para palagi tayong magtatawagan. Tapos kapag free time namin, pupunta kami sa inyo para makavideo call mo ang pamilya mo." Sabi naman ni Mildred.
Hindi ko alam kung dala lang ba ng alak pero napaiyak na ako."Gago naman, magdadramahan pa pala tayo dito." Umiiyak na sabi ni Krisha, miski si Mil ay napaiyak na rin. Iiling iling naman sina Marco at Wren.
"Kayo kasi, napakababait ninyo sa akin. Sobrang nagpapasalamat ako kasi kayo ang mga naging kaibigan ko." Nagpupunas ng luha na sabi ko. Lalo kaming nagyakapang tatlo.
"Malamang, deserve naman nating maging magkakaibigan kasi mababait tayo." Sabi ni Krisha.
"Umurong bigla yung luha ko Krisha, kelan ka pa bumait na gaga ka? "
"Grabe ka naman sakin Mildred! "
Napatawa naman ako dahil sa dalawa.
"Hay nako, magsitigil na nga kayo. Lumalalim na ang gabi oh." Awat na sa amin ni Marco.
"Oo na nga, ayan kana naman KJ." Irap ni Mildred.
Nagpaalam na kami sa isa't isa.
"Babye na. Hindi natin kabati iyang si Marco na yan
Huwag mong sasagutin yan ha ? " Sabi sa akin ni Krisha. Napatawa naman ako dahil doon. Nakipagbeso na sa akin si Mil at Krisha."Kayo talaga, kaya lalong umaayaw sa akin si Lyrica e. Sinusulsulan niyo palagi." Kakamot kamot sa ulong sabi ni Marco. Umangkas na ako sa motor niya.
"Buti nga sa iyo." Inirapan ulit ito ni Mildred bago sumakay sa tricycle ni Wren.
Bumusina muna si Marco at umalis na kami.
"Palagi na lang mainit sa iyo ang ulo ni Mil." Tawa ko.
"Hay nako, sanay na ako sa pagtataray niya lagi."
May nadaanan kaming tindahan, tumigil siya saglit at bumili.
"Ito oh, bitbitin mo muna. Tumambay muna tayo sa may palayan." Tumango lamang ako sa kanya.
May madadaanan kasing palayan pauwi sa amin. Nasa tabing kalsada ito at may mga mauupuan sa gilid. Doon kami palagi tumatambay kapag may libreng oras, maliwanag naman doon dahil sa mga ilaw sa gilid ng kalsada.
Pagkarating sa palayan ay bumaba na kami. Naupo kami sa simentong nakalagay doon.
"Wala ng tao ngayon ah." Sabi niya sa akin.
"Malamang, may pasok pa kasi bukas." Sabi ko habang nagsisindi ng sigarilyong binili niya. May binili rin siyang softdrinks.
Natuto akong manigarilyo noong bente anyos ako, nakikita ko lang ito dati kila Krisha, Wren at Marco. Noong una ayaw na ayaw ko ito, samantalang ngayon ito na ang kakampi ko kapag may malalim akong mga iniisip. Si Krisha ay tumigil na sa ganitong bisyo dahil sa baby niya. Kami na lamang tatlo nila Marco ang nagtuloy. Hindi rin alam nila tatay na may ganito akong bisyo.
"Desidido ka na talagang umalis."
Nakatingin sa malayo si Marco." Oo naman, para sa pamilya. " Nakangiting sabi ko. Pinatulan ko na rin ang pagpapahiram nila sa akin ng pera.
"Lyrica naman, pwede bang dito ka na lamang? Kaunti na lamang at gagraduate na ako. Ako na ang bahala sa inyo ng pamilya mo. Huwag ka lang umalis." Desperadong sabi nito. Napatingin naman ako sa kanya. Ito na naman kami.
"Napag usapan na natin ito Marco. Hindi mo responsibilidad ang pamilya ko." Malumanay na sabi ko.
"Alam ko, pero handa ako. Huwag ka ng umalis."
"Mag aaway lang tayo Marco, huwag na natin itong pag usapan. "Napabuntong hininga na lamang ako.
"Pasensiya na." Napayuko na lamang siya.
"Hay nako Marco, tsaka doon ka rin naman maghahanap ng trabaho. Siguradong magkikita tayo doon." Pagpapagaan ko sa usapan.
"Papayag ka na bang magpaligaw sa akin kapag naroroon na tayo pareho? "
"Marami pa akong responsibilidad Marco, wala pa iyan sa isip ko."
"Palagi namang iyan ang sagot mo." Napatawa naman ako ng malakas dahil sa sinabi niya.
Nang humupa ang pagtawa ko ay napatingin ako sa kanya. Nakatitig lamang siya sa akin, nagulat naman ako sa sunod niyang ginawa. Hinawakan niya ang magkabila kong pisngi at marahan akong dinampian ng halik sa labi.Naitulak ko siya dahil doon.
"Pa...pasensiya ka na Lyrica."
"Umuwi na tayo. " Parang wala sa sariling sabi ko sa kanya.
Nang makarating sa bahay ay agad na akong nagpaalam kay Marco, hindi ko na inintay pa ang sasabihin niya. "Aba, ginagabi ka yata ng uwi Lyrica? " Sarkastikong sabi sa akin ni Kuya Roy.Nagulat pa ako ng makitang nasa sala sila kasama nito ang kanyang asawa at anak. "Ngayon lang kuya, nagkita kita kami nila Krisha." Malumanay na sabi ko. "Talagang inuna mo pa ang pag gimik kesa ang tumulong rito sa bahay. Dumating kami rito na wala man lang pagkain. Hindi pa kami kumakain ng pamilya ko. Ang dami dami niyo rito, wala man lang gumawa ng paraan para magkahapunan tayo." Galit na sabi nito sa akin. "Hindi naman kuya. Umuwi ako kanina pagkagaling sa trabaho, may dala akong lulutuing ulam kuya. Annika? Diba ay pinaluto ko yun sa inyo? " Umiling lamang sa akin si Annika. Takot nga pala ito kay ate Cynthia at kay kuya Roy. "Anong hindi? Ito nga at nagsumbong sa akin si ate na hindi ka man lang nagbibigay sa kanila! Talagang nagtatrabaho ka lamang para sa sarili mo ano? Alam mong may mga
Kinaumagahan ay umuwi ako sa bahay upang magbihis. "Lyrica? Pwede ba tayong mag usap? " Sabi sa akin ni Tatay. Tumango lamang ako at sumunod sa kanya palabas ng bahay."Pasensiya na po kagabi tay, talaga pong sumama lamang ang aking loob." "Alam ko naman iyon anak. Pasensiya ka na rin sa mga kapatid mo. Alam mo naman ang ugali ng mga iyon." Napabuntong hiningang sabi niya."Opo tay. Siya nga pala po, baka matuloy na po ang pag alis ko.""Ah... Ganun ba, sigurado ka na ba riyan sa balak mo? " " Opo naman itay, matagal ko na po itong pinag iipunan. Mas makakatulong po ako kung sa Maynila po ako magtatrabaho." Nakangiting sabi ko."Manang mana ka talaga sa iyong inay Lyrica. Alam ko namang hindi ka magpapapigil, basta ay iingatan mo ang sarili mo doon ha? " " Opo tay." Doon natapos ang aming pag uusap, palagi namang ganoon lamang ang sinasabi ni tatay, pagpasensiyahan ko na lang daw sila ate o kaya naman ay intindihin ko na lamang daw sila.Umalis na ako ng bahay at nagtungo sa saka
7"Mag iingat ka doon Lyrica, ang mga paalala ko sa iyo ay huwag na huwag mong kakalimutan." Yumakap sa akin si Tatay.Ngayong araw ang alis ko patungo sa Maynila, limang oras ang pagbabyahe ko papunta roon. "Oo naman po 'tay. Para po ito sa pamilya natin." "Ate, mag iingat ka roon ha? Mabuti na rin at aalis ka. Ayaw kong nakikitang inaaway ka nila ate Cynthia. Wala naman kaming magawa ni Boyet dahil takot kami sa kanila." Naiiyak na sabi ni Annika."Ikaw talaga, basta ay huwag ninyong papabayaan ang mga pamangkin natin. Tumawag kayo agad sa akin kapag nagkaproblema. Huwag ang hindi ha? " Ginulo ko ang buhok nito. "Oo naman ate." Wala sila ate Cynthia ngayon dahil doon sila natulog sa bahay nila Kuya Roy. Hindi rin alam ng mga ito na ngayon ang alis ko. Minabuti ko na ring huwag sabihin sa kanila iyon.Alas tres palang ng madaling araw at si Wren at Marco ang maghahatid sa akin sa sakayan ng bus. Hindi na ako nagpasama kay tatay dahil baka doon pa kami mag iyakang dalawa sa termin
"Uh, huwag mo nalang pansinin iyang dalawa. Sige na, ilagay mo na sa kwartong yun ang gamit mo tapos kumain na tayo. " Pag iwas ni Jessie sa nagtatakang mukha ko. Sinunod ko na lamang ang sinabi niya at muling lumabas para kumain."Ay ate girl, ilang taon ka na ba? Alam mo pwede ka sa pinapasukan namin. " Sabi sa akin ni Misha."Gaga! Huwag si Lyrica, pure yan! " singit agad ni Jessie pagkaupo sa harap ng hapag kainan."Sus, sa hirap maghanap ng trabaho ngayon rito sa Maynila e sigurado akong doon din ang bagsak niya. Don't worry, aalagaan naman natin siya doon. Akala mo naman hindi ka sa ganon nagsimula." Sabi ni Misha kay Jessie.Napabuntong hininga na lamang si Jessie."Uh, so Lyrica ang totoo kasi niyan hindi ako sa opisina nagtatrabaho. Hindi kasi ako matanggap tanggap sa mga kompanya rito sa Maynila noon." Panimula niya. "Ayun, sa isang high end na bar ako nagtatrabaho pati na rin itong dalawa. Hindi alam sa probinsiya natin kaya sana ay huwag mo na ring mauulit kay Mildred. So
9Maagang nagsimula ang araw ko habang sila Jessie naman ay matutulog pa lamang. Inimis ko na ang mga dapat kong imisin. Sinabihan na rin ako ni Jessie kung alin ang mga dapat at hindinko dapat galawin sa loob ng apartment.Nang makatapos ako sa mga dapat kong ayusin ay nag ayos na rin ako para sa unang araw ko ng paghahanap ng trabaho. Suot ko ngayon ang itim kong slacks noong ako ay pumapasok pa ng kolehiyo pati na rin ang katerno nitong pang itaas, kulay ube naman iyon. Nagpulbo na rin ako at naglagay ng kaunting lipstick para naman hindi ako maputla mamaya. Alas siyete pa lang ng umaga pero maingay na sa labas. Isinuot ko na ang itim kong doll shoes saka umalis. Itinext ko na lamang ang mga kasama ko sa bahay para pagkagising nila ay hindi na nila ako hahanapin. Sumakay na ako ng tricycle, inilista ko na sa papel ang mga lugar na pupuntahan ko ngayon. Inuna ko na ang pinakamalapit sa apartment."Good morning po Sir, dito po ba yung may hiring ngayon? " Tanong ko sa guard na nas
10Hindi ko alam ang gagawin ng biglang tumawag isang umaga si Annika. Umiiyak ito kaya naman kinabahan ako ng sobra."Ate! Si Ambet, isinugod namin sa ospital! Sobrang taas ng lagnat niya at kinumbulsiyon pa ate! " Umiiyak na sabi nito sa akin."Si Lyrica ba iyan? Akin na at kakausapin ko." Rinig ko rin ang natatarantang pagsasalita ni Ate Cynthia."Hello Lyrica! Nandito kami ngayon sa ospital, sobrang taas ng lagnat ni Ambet. Padalhan mo kami ng pera. Kailangan na kailangan ng pamangkin mo ngayon." Aligaga pa rin si Ate.Napaiyak na lamang ako. Kanino ako uutang ng pera? Wala pa akong nakukuhang trabaho."Sige ate... Magpapadala ako agad kapag nakahiram ako rito. Balitaan niyo ako agad tungkol sa kalagayan ni Ambet." Umiiyak na sabi ko."Oo, magpadala ka kaagad. May ipinapabiling gamot ang doktor. Wala kaming pambili." Napatulala lamang ako. Si Jessie, baka kahit dalawang libo may maipahiram siya.Inintay kong magising si Jessie. Ngunit naunang lumabas ng kwarto si Shiela."Oh, ano
11Mag aalas siyete na ng dumating kami sa Valiente. Napakaganda ng building ng bar na ito, moderno ang diseniyo at sa unang tingin ay hindi mo maiisip na isa itong gusali para sa pagbibigay aliw."Lyrica, doon muna tayo sa make up room namin. Baka mamaya pa si Sir Kyros." Sabi sa akin ni Misha."Aba Jessie, Misha sino iyang kasama ninyo? Ipapasok niyo ba iyan dito? " Nakangising sabi ng guard sa gusali. Malaking lalaki ito at ang lalaki ng braso kaya naman napangiwi ako at nagtago sa likod ng dalawa."Ay nako Andoy! Huwag mo namang takutin si Lyrica! " Humahalakhak na sabi ni Misha."Huwag mo naman akong tawaging Andoy sa harap nitong kasama ninyong magandang dalaga. You can call me Anderson Madam Lyrica." Nakangiting bati nito sa akin."Yuck! Hindi bagay sa iyo Andoy. Anong Anderson ka riyan?! " Pang aasar pa rin dito ni Misha."Tigilan mo nga si Andoy, Misha! Medyo mahiyain pa itong si Lyrica. Babantayan mo ito lagi ha? Waitress lang ang papasukin nito dito e." Tukoy niya sa akin.
12May kalahating oras na yata akong naghihintay, inabala ko na lamang ang sarili ko sa pagmamasid sa opisina.Napabuntong hininga na naman ako dahil sa inip.Maya maya pa ay bumukas muli ang pintuan. Agad naman akong napatayo dahil sa gulat.Akala ko ay si Mama Julio na ang dumating ngunit nagkamali ako. Isang matangkad at maputing lalaki ang dumating, kapansin pansin ang magandang pares ng kanyang mata, kulay light blue iyon na animo'y nyebe, napakalamig niya ring tumingin kaya naman napaayos ako ng tayo. Siya na siguro si Sir Kyros. Naka three-piece suit ito na kulay itim, nakaitim rin itong black shoes na tumutunog sa malamig na sahig habang humahakbang siya."Magan...dang gabi po Sir Kyros." Nauutal na sabi ko sa lalaki.Napataas naman ang kilay niya saka bahagyang ngumiti. Umupo siya sa kanyang upuan habang ako ay nanatiling nakatayo sa harap niya."Uh, ako po si Lyrica, 24 years old na po ako. Mag aapply po sana ako bilang waitress dito po sa Valiente. Isinama po ako dito ni Je