14

Bra

Abala sa kanya-kanyang ginagawa ang tatlong lalaki. Si T.H ay kasalukuyang nasa likod bahay pinapaliguan ang aso nitong kamukha si Polgoso.

German shepherd yata yun. Syempre joke!

Sina Latrelle at Marcus ay abala sa paglalaro nila ng Xbox. Trip nila 'yung sayawan.

"Mas magaling talaga kong sumayaw sayo", aniya Latrelle habang pawisan sa kanyang ginagawa.

"Asa ka tignan mo 'yung score mo", tumawa si Marcus.

"Score lang yan. Pero matigas ang katawan mo. Lamang mo lang sa akin fast-learner ka"

Parehas silang naka fitted na puting sando at naka...boxer shorts!?

Umiling na ako sa iniisip ko. Nilulumot na yata ang utak ko.

Pilit kong nilalayo ang tingin sa kanila pero hindi ko maiwasan lalo na sa pawis na katawan ni Latrelle. Ang abs nito ay bakat sa suot niya.

Lumagok ako at hinagod ang sariling leeg.

Kalma, Kaoree. Abs lang yan!

Saka si Latrelle yan hindi si Wyn kaya kumalma ka. Nagpakawala ako ng mahabang paghinga matapos kong pumikit.

"Magbihis kayo ng ayos", ani T.H na ikinagulat ko.

Sandaling nagtagpo ang mga mata namin. Ewan ko ba pero bakit parang may kiliti akong naramdaman. Pinagsawalang-bahala ko na lang iyon dahil baka na gwapuhan lang ako sa kanya.

Paano ba naman ay wet look siya. Imagine-in niyo 'yun basa ang buhok niya habang sinusuklay ito gamit ng kanyang mga daliri.

Hindi katulad ng mga kaibigan niya-T-shirt ang suot nito at shorts na desente tignan.

"Bakit ka nakatitig?", namataan kong nasa harap ko siya.

Ngayon ko lang napansin na pwede siyang artista. Muli akong napalunok. Parang may bigik sa lalamunan ko. Bigik na nagpipigil na sumigaw ako.

"Uhm. Ano kasi... Wala naman... Bakit masama bang tumitig sayo?"

Ilang segundo niya kong tinitigan ng malamig bago bumalik sa kwarto niya.

Ang dalawang lalaki ay parang walang narinig sa sinabi ni T.H.

"Hoy!", unang sambit ko.

Aba't!? Hindi talaga ko pinansin!

"Hoy!"

Tumigil sila ng pinindot ni Latrelle ang buton sa remote. Ginulo nito ang kanyang buhok at bakas sa mukha ang pagkainis.

"Anong kailangan mo?"

"Sabi ni T.H, magbihis kayo"

Ngumuso si Marcus saka tumaas papuntang kwarto niya. Hindi naman siya nagtagal kaya bumaba rin agad

"Ayoko. Mabanas", pagmamatigas ni Latrelle.

"May babae kayong kasama kaya dapat magbihis ka ng...", napaatras ako ng lumapit siya tinitigan ako ng diretso sa mga mata.

Ang pinaghalong pabango at pawis nito ay amoy ko.

Nag-init ang pisngi ko dahil sa ginawa niya.

"Bakit awkward bang makita akong nakaganito lang?", nanunukso ang tono ng boses niya. Nadagdagan ang init ng pisngi ko.

Sa tana ng buhay ko ay hindi pa ko nakakita ng lalaking naka boxers lang. Kapag nagbabakasyon ako sa probinsya hindi naman ganito ang suot ng pinsan ko. Mas desenteng tignan kumpara rito.

"Relle, tigilan mo na yan", guminhawa ang pakiramdam ko ng marinig ko kung kaninong boses iyon.

Ang kaninang hininga ko na malalagot na ay napigilan.

Umakyat sa taas si Latrelle upang magbihis ng damit na hindi kulang tela. Si Marcus ay humagikhik sa hagdanan. Malamang kanina niya pa pinapanood kung paanong inisin ako ng kaibigan niya.

"Binili pala kita nito", inabot ni Wyn ang paper bag. Bubuksan ko sana pero pinigilan niya ko.

"Sa kwarto mo na lang", ngumiti siya. Ito na naman ang pakiramdam na nasa langit ako.

Anyway, hindi naman ako bumalik aa kwarto. Dumiretso ako sa kusina dahil magluluto ako ng meryenda kasama ang hapunan.

"May pizza akong dala", aniya Wyn saka binaba iyon sa mesa.

Ang problema ko na lang pala ay magluto ng hapunan. Nagsimula akong magluto ng Afritada paborito naming dalawa ni Jez. Ilang buwan na rin kaminh hindi nakakain nito ng sabay. Ang huling kain namin nito ay si Mama pa ang nagluto at kasalo namin si Papa.

Bigla akong nalungkot at kasabay nito ang tuwa dahil kahit papaano ay naipamana sa akin ni Mama ang luto niya. Masarap ako magluto pero mas the best pa rin ang kanya.

Sayang nga lang, hindi niya natikman ang lutong Afritada ng Dyosa niyang anak. Panay kasi siya ang nagluluto. Minsan ay ako pero adobo at tinola ang dalawa sa mga main dishes ko.

Pagkatapos kong magluto. Binuksan ko ang dala ni Wyn. Bakit kaya ganito masyadong mahigpit 'yung pagkakatape?

Gusto ko sanang hindi sirain 'yung lagayan pero sa lakas ng paghigit ng magkabilang kamay ko ay nawasak iyon. Hindi naman lumaglag sa sahig pero nahiya ako ng makita si T.H.

Mabilis pa sa cheetah ang kamay ko. Nilagay ko iyon sa ilalim ng mesa. Malakas ang pintig ng puso ko habanh nakayuko.

"Aray! Napuwing yata ako!", palusot ko. Pero sa totoo lang hindi naman iyon ang dahilan ko.

Bakit hindi manlang sinabi ni Wyn na undergarments ang binili niya!?

Uusok sana ang ilong ko pero siya 'yun hindi naman si Latrelle kaya kumalma agad ako.

Pero bakit niya naman ako bibilhan ng ganito? Sa dami ng gamit ito pa!?

Napahiya na nga ako sa kanya tapos dagdagan pa ni T.H. Ilang beses kong sinuntok ng mahina ang ulo ko.

Aish! Kainis talaga.

"Nagb-bra ka rin pala. Maganda 'yun kulay", hindi ko alam kung puri ba iyon o nang-iinis.

Matapos itabi ang paborito niyang tubigan ay umalis na siya.

Lambot ang paa ko habang naglalakad paitaas ng hagdanan.

"Aray", mahina kong sambit saka hinawakan ang noo ulo ko. Paano ba naman naglalakad akong nakayuko. Ayokong ipakita ang mukha ko lalo't si Wyn ay nakaupo sa sofa habang nakikipagkwentuhan kay Latrelle.

Bukol siguro ito dahil nauntog ako sa pader.

"Nagustuhan mo ba 'yung...", mabilis na umangat ang ulo ko.

"Oo. Wyn, Salamat talaga!", mabilis kong sambit saka kumaripas ng takbo. Narinig ko pa ang sabi ni Marcus na na nagtanong kung anong nangyari sa akin.

Nilock ko ang pinto saka tumayo sa harap ng salamin. Sinukat ko ang mga bili niya.

Pinagmasdan ko ang aking sarili habang nakatuon ang mga mata ko sa bra na binili niya.

"Sakto 'yung size!?"

Hinipo ko ang aking alam holen.

Oo, holen ang tawag ko kasi maliit lang.

Pero paano niya nalaman 'yung size ko?

Hindi kaya....

Kaoree, ano ba!? Kung may taong manyak, ikaw 'yun syempre. Magbibintang ka pa sa iba.

Nagvibrate ang phone ko na nakapatong sa side table.

Jez Ganda

Binili ka namin ni Wyn ng bra. Nagustuhan mo ba?

Ngumiwi ako.

Talagang sinama mo pa siya?

-Sent

Jez Ganda

Ay? Galit? Buti nga nahawakan yan ni Wyn bago mo maisuot.

Baliw talaga ang isang ito.

Sige na nga. Natuwa naman ako kahit papaano.

----#HIOR----