CHAPTER SIXTEEN

Naging maayos naman ang naging paguusap ng mga magulang ko kaharap si Lennon, at humingi ito ng dispensa sa hindi niya pagharap ng pormal sa kanila.

Ngunit akas kay Daddy na hindi pa rin siya pabor sa ginawa kong biglaang desisyon na gawin nobyo si Lennon ngunit wala na rin siyang nagawa pa.

"Natakot ako sa mga magulang mo kanina, akala ko sasakmalin na ako ng Daddy mo," saad ni Lennon habang nagmamaneho.

Natawa ako. "Gano'n lang iyon si Daddy, pero mabait at supportive siya. Ayaw niya lang na naglilihim ako. Pareho sila ni Mommy."

Papunta kami ngayon sa bahay nila, gusto raw akong bumisita nina Tito Enriz at Tita Solen.

Isang araw lang daw ako hindi nagpunta sa kanilang mansion ay nangulila na raw sila agad sa akin. Natawa na lang ako nang sabihin iyon ni Lennon sa akin kanina.

Sa palagay ko ay minsan na nilang ginusto magkaroon ng babaeng anak kaya ganoon na lamang sila kabait makitungo sa akin sa tuwing nasa kanila ako o kahit minsan ay makita lamang nila ako kahit saan.

"Inaasahan