Chapter 4

Dream

I saw in my peripheral vision na may nakatayong lalaki kaya mabilis akong lumingon. 

Muntikan pa kong magkanda hulog hulog sa high stool na ito tapos sya nakasandal lang sa hamba ng pintuan at pinagmamasdan kung ano ang kagagahan na ginagawa ko?

May kinuha syang maliit na bagay. Remote ba 'yon? Kaya natigil ang maliit na puting bilog na hula ko ay kumukuha ng mga dumi at alikabok sa sahig. Unti unti akong bumaba at ibinalik ang mop kung saan ko ito kinuha. 

Lumapit ako at humarap ako sa kanya na nakapameywang. "Anong klaseng bahay 'to? Pero teka bahay ba 'to?" Tumingin sya sa 'kin na parang sinasabi nya sa 'kin na ang tanga tanga ko pero hindi ako nasindak at tinuro ko sya sa dibdib. 

"Kelan pa nagsalita ang rice cooker? Kelan pa nagkaroon ng robot sa Pilipinas? At kelan pa nagkaroon ng mga computers na may hologram, ha?" kunot noong tanong ko. 

Magsasalita na sana sya pero hindi natuloy dahil lumapit ako sa kanya lalo, na kulang na lang yakapin ko sya. Nakita ko ang robot na Sofia ang pangalan at masama ang titig sa 'kin. 

INILAGAY ko ang dalawa kong palad sa aking mukha at hindi pa sapat 'yon para pagtakpan ko ang kahihiyan na ginawa ko na nangyari sa panaginip ko.

Isinubsob ko ang mukha ko sa ilalim ng unan at tumili ng walang boses at sinamahan ko pa nang pagpadyak.

"Pero teka it just a dream kaya wala dapat akong ikahiya," Tumayo ako at taas noong lumabas sa kwarto.

Kanina pagkatapos kong kumain ng almusal at makipag laro sa mga pinsan ko ay pumunta ako sa isang kwarto na nandito na puno ng mga haystack na animo'y isang barn ang kwartong 'yon. At hindi lang 'yon, nagising din ako sa kwartong iyon.

Kagigising ko lang tapos natulog ulit ako? At isa pa doon pa mismo ako natulog sa mala barn na kwarto?

Napatigil ako sa paglalakad at tinignan ang pintong mala barn ang loob. 

Nababaliw na yata ako. Sa pagkakatanda ko hindi naman ako inaantok pero bakit ako natulog sa kwartong ito? 

Bago ako umalis sa harapan ng pintong 'yon ay sinipa ko muna dahil sa inis.

Dapat nagselpon na lang ako o di kaya'y gumala dito sa probinsya. 

Hawak ko ang cellphone ko at tinawagan si Ethel. Nandito ako ngayon sa garden nila lola. 

Punong puno ang bakuran ng mga iba't ibang makukulay na bulaklak, halaman, at may puno pa. Ang sarap din ng simoy ng hangin hindi tulad sa maynila na puro usok.

I dialed my bestfriend's number and after a few rings she answered.

"Hey!" masigla kong bati, abot tainga pa ang mga ngiti ko, "I have a chika." Natawa ako sa huli kong sinabi.

"What is that?" tanong ni Ethel. 

"Let just say I had a dream and napaka epic ng scene," Kinagat ko muna ang labi ko dahil sa kahihiyan. 

Pero bakit naman ako mahihiya, eh, panaginip lang naman 'yon. Ang mga panaginip ay hanggang panaginip lamang. 

But the dream is so vivid and I feels like it's real. 

Itinagilid ko ang ulo ko dahil sa naiisip ko. 

"Niligtas ka ni Seb? Hinalikan mo si Seb? Nilandi mo? Or napahiya ka sa harapan nya?" Sunod sunod na tanong nya kaya lalo akong nahiya.

"Hindi ah!" mabilis kong sabi na akala mo nasa karera ako. 

"Oh, edi ano na namang kagagahan ang nagawa mo sa panaginip mo?" 

"Grabe naman," Umarte pa ko na parang nasaktan at hinawakan ko pa ang dibdib ko na akala mo ay nasa harapan ko sya at nakikita nya ako.

Ikinuwento ko lahat ng nangyari sa panaginip ko at tawa sya ng tawa.

Sabi ko nga hindi maganda na sabihin ko sa kanya kung ano ang napaginipan ko. 

"Ang epic sis! Bakit mo ginawa 'yon? Ano sasabihin nya sayo?" Rinig na rinig ko pa ang mga mahihina nyang tawa para masigurado na hindi ko maririnig.

"Wala syang sasabihin sa 'kin kasi isa lang naman 'yong panaginip." I sarcastically said.

"As if it will gonna happen." 

"It will. Kaya ihanda mo na ang sarili mo kung magkita man kayo someday. Just a friendly advice magsuot ka ng balabal kapag nagkita na kayo kasi for sure gusto mong magpalamon sa lupa dahil sa mga kahihiyan na nangyari sa panaginip mo." Napairap ako dahil sa sinabi nya. 

"Ayoko sya makita. Sarap nyang katayin." As if on cue biglang pumasok sa isip ko lahat ng mga nauna kong panaginip about him.

Una, hinarana nya ko sa harap ng maraming tao at iniligtas nya ako sa mga zombie. Nakatanga lang kasi ako doon sa gitna.  Pangalawa, nakita ko na lang ang sarili ko na nasa motor at nasa harapan ko sya. Umaandar ang motor pero gumalaw ako kaya muntikan na akong mahulog buti na lang at maagap nyang inilagay ang kamay nya sa tagiliran ko para hindi ako matuluyan na mahulog.

Pangatlo, tumatakbo daw kami at nakarating kami sa isang hotel dahil may humahabol daw sa amin. Sa sobrang gusto na namin na maligaw ang mga taong humahabol sa amin ay pumasok kami sa isa sa mga rooms at nagtago sa ilalim ng kama. Parehas kaming nando'n sa ilalim. 

Hindi ko na maalala ang iba pang mga scenes pero lahat ng iyon ay puro mga kahihiyan. Sana hindi sya magpakita sa 'kin baka manghiram ako ng mukha sa mga halaman na nandito sa bakuran. 

"Kakatayin mo sya. Talaga ba?" Rinig kong sabi ni Ethel na hindi naniniwala.

"Oo!" I even raise my fist na parang may susuntukin ako. Natawa lang sya sa mga pinagsasabi ko at hindi nagtagal ay nagpaalam na kami sa isa't isa dahil mag aaral pa daw sya.

Bakasyon na bakasyon tapos nag-aaral sya. 

Sana ganyan din ako kasipag.

The course she takes is to be a teacher, while me I take the journalism course. 

Pumasok na ako sa loob ng bahay at nakita ko na may meryenda na nakalagay sa ibabaw ng lamesa.

"Cheska, halika na at magmeryenda," tawag ni lola Adelaida. 

"Nasaan ang lolo mo?" tanong naman ni lola Fe.

"Nakita ko po sya sa tabi ng kotse at may kausap," Kumuha ako ng dalawang pizza at nilagyan naman ako ni lola Adelaida ng coke sa baso.

Bago ko iakyat ang mga pagkain na 'yon at kainin sa kwarto ay tinawag ko muna si lolo para magmeryenda. 

Nang mailapag ko ang platito na may nakalagay na dalawang pizza sa kama ay inilapag ko naman ang baso ng coke sa lamesa na katabi lang netong kama at lumapit ako sa kabinet na gawa sa kahoy at kinuha ko ang maliit kong notebook.

Sinadya ko talaga na dalhin ito incase na biglang sumulpot muli ang lalaking nasa panaginip ko. 

Dito ko isinusulat ang mga panaginip ko about him o hindi kaya ay panaginip ko if ibang lalaki naman ang kasama sa panaginip ko.

Before I eat my pizza ay isinulat ko muna ang naging panaginip ko kaninang 9:30 ng umaga. 

Napatigil ako sa pagsusulat nang may pumasok sa isip ko. 

He said he's not Seb pero bakit feeling ko ay si Seb sya? 

At saka kelan pa ko nakapagsalita sa panaginip ko? Ang alam ko ay sya lang ang nakakapagsalita sa panaginip ko at ang nangyayari ay naaalala ko lang ang lahat ng nangyari sa dream na 'yon. 

Bago pa ako mabaliw kakaisip kung bakit ko nagagawang makapagsalita sa panaginip ko ay isinubo ko na ang natitirang pizza sa bunganga ko.