CHAPTER 1

CHAPTER 1 

MAXENE GONZALES

“Sa wakas ay natapos din ang meeting na iyon,” naiusal ni Maxene nang tuluyan ng matapos ang meeting nila kasama ang kanilang mga investors. 

Halos tumagal kasi ng tatlong oras ang naturang meeting dahil nagkaroon ng problema sa kanilang kumpanya kaya naman inip na inip na talaga si Maxene kanina pa. 

Si Maxene kasi ay bunsong anak ng mag asawang Maximo at Andrea Gonzales at dahil may edad na ang kanyang mga magulang ay siya na lamang ang pinagkakatiwalaan ng kanyang ama pagdating sa kanilang kumpanya dahil may sarili na ring pamilya at kumpanya ang nag iisa niyang kapatid na si Andrei.

Nang biglang maalala ni Maxene ang kanyang matalik na kaibigan na si Bea ay agad na niyang kinuha ang kanyang cellphone at agad na niya itong tinawagan dahil may ipinakisuyo siya rito kanina.

“Hello Bea. Nabili mo ba yung pinapasuyo ko sa’yo?” agad na tanong ni Maxene ng sagutin ni Bea ang kanyang tawag.

“Oo naman. Nakabili na ako ng cake para sa pinakamamahal mong nobyo. Pero hindi na kita nahintay pa dahil may kailangan pa akong gawin kaya iniwanan ko na lamang ito sa iyong opisina. Pakisabi na lamang kay Joseph na Happy birthday,” agad din naman na sagot ni Bea kay Maxene.

“Sige. Makakarating. Maraming salamat ulit ha. Kahit kailan talaga ay maaasahan kita,” sagot ni Maxene at saka niya kusa ng pinutol ang kanilang tawag.

Pagkatapos ng tawag na iyon ay nagmamadali naman ng bumalik sa kanyang opisina si Maxene at ng makita niya ang nakapatong na cake sa kanyang table ay lalo namang lumawak ang ngiti sa kanyang labi dahil maisasagawa na niya ang kanyang plano na  surpresahin ang kanyang nobyo.

Kaarawan kasi ngayon ng long time boyfriend ni Maxene na si Joseph Aragon at dahil parehas silang abala sa kani kanilang mga kumpanya ay hindi na sila nakapagplano pa ngayon para makapagcelebrate sila ng kanyang nobyo. Kaya naman naisipan ni Maxene na surpresahin na lamang ito sa condo nito ngayon dahil alam naman niya na naroon ito ngayon at nagpapahinga.

At dahil plano na nga ito ni Maxene ay talagang nagbaon na rin siya ng damit na pamalit para hindi na siya uuwi pa sa kanila at didiretso na talaga siya sa unit ng kanyang nobyo.

Matapos na makapag ayos ay saglit pa na sinulyapan ni Maxene ang kanyang sarili sa harap ng salamin at napangiti na lamang talaga siya habang nakatitig siya sa kanyang repleksyon doon. Naisip kasi niya na pagbigyan na ang kanyang nobyo sa matagal na nitong hinihiling sa kanya.

Sa loob kasi ng pitong taon na relasyon nila Maxene at Joseph ay wala pa rin talagang nangyayari sa kanila dalawa dahil gusto sana ni Maxene ay kapag naikasal na sila ay saka niya ibibigay ng buong buo ang kanyang sarili. Pero nitong mga nakalipas na buwan ay napag isip isip ng dalaga na bakit hindi na lamang niya pagbigyan ang kanyang nobyo tutal naman ay sigurado na rin siya rito lalo na at mahal na mahal nga niya ito at isa pa ay napag uusapan na rin naman nila ang pagpapakasal.

Makalipas ang ilang minuto na pagtitig ni Maxene sa kanyang sarili sa harap ng salamin ay isang malalim na buntong hininga ang kanyang pinakawalan at saka siya nagpasya na umalis na.

Saglit lamang naman ang naging byahe ni Maxene dahil hindi rin naman kalayuan ang condo unit ni Joseph sa kanilang kumpanya.

Bago bumaba ng kanyang kotse ay tila ba may kakaibang kaba na nararamdaman si Maxene kaya naman makailang ulit pa siyang napabuga ng hangin sa kanyang bibig.

“Maxene, kumalma ka. Kaya mo yan. Nagmamahalan kayo ni Joseph kaya tama lang ang gagawin mo na iyan,” kausap ni Maxene sa kanyang sarili at saka siya muling bumuga ng hangin sa kanyang bibig.

Hindi naman nagtagal ay bumaba na rin si Maxene sa kanyang sasakyan habang bitbit niya ang cake na pinabili niya kay Bea. 

May ngiti naman sa labi habang naglalakad si Maxene pero sa kaloob looban niya ay sobra na talaga siyang kinakabahan sa hindi niya malaman na dahilan.

Nang mapatapat na siya sa pinto ng unit ng kanyang nobyo ay saglit pa na tumigil doon si Maxene at saka siya bumuntong hininga. At dahil may susi siya ng unit ng kanyang nobyo ay hindi na siya kumatok pa at dahan dahan na lamang niya iyong binuksan.

May ngiti pa sa labi ng pumasok si Maxene sa unit ni Joseph pero agad ding nawala ang ngiti na iyon ng pagpasok niya ay tila ba may kakaiba roon dahil dati naman ay naaabutan niya si Joseph na nakaupo lamang sa sala ng ganong mga oras pero ngayon ay wala roon ang binata.

Akmang isasara na sana ni Maxene ang pintuan ng naturang unit ng bigla siyang makarinig ng kaluskos mula sa silid ni Joseph kaya naman agad siyang napatingin doon at napansin niya na bahagya pang nakaawang ang pinto ng naturang silid.

Dahan dahan pa na humakbang si Maxene patungo sa silid ng kanyang nobyo at habang papalapit siya roon ay nakakarinig na siya ng halinghing na nagmumula sa loob kaya naman lalo siyang nakaramdam ng matinding kaba kaya naman makailang ulit pa na napalunok ng sarili niyang laway si Maxene.

Nang tuluyan ng mapatapat ang dalaga sa pinto ng silid ni Joseph ay hindi na naiwasan pa ni Maxene na mangilid ang kanyang luha at bahagya pa nga na nanginginig ang kanyang mga kamay at ramdam na rin niya ang panlalamig noon dahil sa matinding kaba pero umaasa pa rin siya na mali ang kanyang naiisip ng nga oras na iyon.

“Ughhhh..  F*ck Veronica…  Binabaliw mo ako… ughhhh.”

“Sige pa Joseph..  Ughhh..  ang sarap nyan… ughhh..   ughhh. Hindi ba at hindi ito kayang gawin ng iyong nobya? Pwes ako ay kayang kaya kitang paligayahin. Ughhhh. Sige pa.”

“Just shut up, Veronica. Ughhhh.”

Hindi naman maiwasan ni Maxene na mapatakip ng kanyang bibig dahil mas malinaw na niyang naririnig ang pag ungol ng mga nasa loob ng silid ng kanyang nobyo na tila ba sarap na sarap sa kanilang ginagawa.