CHAPTER 2

CHAPTER 2

Pilit namang linakasan ni Maxene ang kanyang loob at humugot na muna siya ng isang malalim na buntong hininga at saka niya lakas loob na binuksan ang pinto ng silid ni Joseph.

“Oopppsss… I’m sorry, mukhang nakakaistorbo yata ako sa inyo. Hindi ko naman akalain na may iba na palang nagpapaligaya sa nobyo ko,” lakas loob na sabi ni Maxene kahit na sa kaloob looban niya ay durog na durog siya sa kanyang mga nakita at grabeng pagpipigil talaga niya na maiyak ng mga oras na iyon.

Pagbukas kasi ni Maxene ng pinto ng silid ni Joseph ay naabutan niya na abalang abala sa pagbayo ang kanyang nobyo na si Joseph sa matalik kuno nito na kaibigan na si Veronica. 

Matagal na rin kasi talagang napapansin ni Maxene ang kakaibang tingin ni Veronica sa kanyang nobyo pero dahil sa bestfriend ito ni Joseph ay hindi niya mapaglayo ang dalawa  kahit na sinasabi na ni Maxene sa binata ang kanyang napapansin sa dalaga.

Bigla namang natigilan sila Joseph at Veronica sa kanilang ginagawa at ng mapatingin sila sa gawi ng nagsalita ay gulat na gulat sila pareho ng makita nila na naroon na pala si Maxene. Hindi kasi talaga inaasahan ni Joseph ang pagdating ng kanyang nobya dahil sa ang alam niya ay may meeting pa ito at talagang gagabihin ito roon.

“M-Maxene!? L-let me explain,” kandautal pa na sabi ni Joseph at saka ito nagmamadaling hinugot ang kanyang pagkalalaki kay Veronica at agad na umalis sa ibabaw nito.

Habang si Veronica naman ay nanatili lamang na walang imik at hinila na lamang nito ang comforter para takpan ang hubad niyang katawan. Pagtingin pa niya kay Maxene ay inirapan pa niya ito dahil talagang nabitin siya sa kanilang ginagawa ni Joseph.

“Ssshhhh…. Dyan ka lang, Joseph. Hindi mo na kailangan pang lumapit sa akin,” awat ni Maxene kay Joseph ng akmang tatayo na ito at lalapit sa kanya. “Pasensya na kayo kung naistorbo ko ang inyong ginagawa. Pero wag kayong mag alala dahil hindi na rin naman ako magtatagal dito. Gusto ko lang sanang batiin ang boyfriend ko ng Happy birthday. Sana ay naging masaya ka sa ginagawa nyo ng bestfriend mo at mukha namang nag eenjoy ka na kasama siya kaya ipagpatuloy nyo lang iyan,” pagpapatuloy pa ni Maxene at saka siya tumalikod na pero ng maalala niya ang hawak niya na cake ay bigla siyang natigilan kaya muli siyang humarap sa dalawa.

“Bago ko nga pala makalimutan. Baka kasi mapagod kayong dalawa sa inyong ginagawa kaya heto may dala na rin ako na cake para sa inyong dalawa. And one more thing, Joseph. Thank you for the seven wonderful years with you and I think this is the end of our relationship. Naging masaya naman ako sa piling mo at wala akong pinagsisisihan doon pero ang ginawa mong ito ay hinding hindi ko matatanggap,” seryoso pa na sabi ni Maxene at saka niya ipinatong sa table na naroon ang hawak niyang cake at saka siya tuluyang tumalikod sa dalawa at naglakad palabas ng naturang silid.

“Maxene, wait. Let me explain first, love,” sabi ni Joseph at akmang tatayo na ito ng bigla itong hawakan ni Veronica sa braso kaya naman agad itong napatingin sa dalaga.

“Pabayaan mo na sya, Joseph. Masaya ka rin naman na kasama ako hindi ba? Kaya pabayaan mo na lamang si Maxene. Makakahanap din siya ng lalaki na para sa kanya,” buong tapang naman na sabi ni Veronica kay Joseph.

“Are you crazy? Veronica, alam nating dalawa na mali ito. Sadyang nadala lamang ako ng init ng katawan ko kaya ko ito nagawa. Kaya please lang kung gusto mo pang maging maayos ang pagkakaibigan natin ay itigil na natin ito,” galit naman na sigaw ni Joseph kay Veronica.

“Itigil? Matapos natin gawin ito? Baka ikaw ang nababaliw Joseph. Kanina lang ay ligayang ligaya ka na pagsawaan gamit ang iyong labi ang buo kong katawan pagkatapos ngayon na naangkin mo na ako ay sasabihin mo sa akin na itigil natin ito dahil lang sa dumating ang babae na iyon. Pwede ba Joseph mag isip ka naman. Ako ang palaging nariyan sa tabi mo simula pa ng mga bata tayo at ngayon… ako rin ang nagpapaligaya sa iyo at handa kong paligayahin ka palagi sa kama sa tuwing gugustuhin mo. Kaya please lang pabayaan mo na si Maxene,” sagot naman ni Veronica habang nanatili pa rin na hawak nito ang braso ng binata.

Sinamaan naman ng tingin ni Joseph si Veronica at naikuyom na lang talaga niya ang kanyang kamao dahil sa inis sa kanyang sarili.

Kanina kasi ay sobra siyang naiinis dahil sa nagkaproblema rin ang kanilang kumpanya at sumakto pa talaga na kaarawan niya kaya naman ang ginawa na lamang niya ay umuwi sa kanyang unit at saka siya uminom ng alak doon. Pero hindi naman niya akalain na darating pala si Veronica roon at sinabayan siya nito sa pag inom at dahil na rin siguro sa tinatamaan na siya ng alak ay nadarang na siya ng akitin siya ni Veronica at hinalikan pa siya nito. Kaya naman hindi na niya napigilan pa ang kanyang sarili at naangkin na niya ang dalaga. Pero nang dahil sa biglaang pagdating na iyon ni Maxene ay tila ba nawala ang kanyang kalasingan dahil alam niya na maaaring hindi maganda ang maging resulta nito.

Napansin naman kaagad ni Veronica ang masamang tingin sa kanya ni Joseph kaya naman agad na siyang nag isip ng paraan para hindi ito tuluyang magalit sa kanya.

“Mas mahalaga pa rin ba sa’yo si Maxene kahit na hindi niya maibigay ang pangangailangan mo? Sya pa rin ba ang pipiliin mo kaysa sa akin na narito palagi sa tabi mo?” mahinahon pa na sabi ni Veronica kasabay ng pagpatak ng kanyang masaganang luha.

Bigla namang natigilan si Joseph ng makita niya ang pag iyak ni Veronica dahil ayaw talaga niya noon pa man na makita itong umiiyak. 

Isang malalim na buntong hininga na lamang ang pinakawalan ni Joseph at saka niya ipinikit ng mariin ang kanyang mga mata.

“Okay, fine. Magbihis ka na at ihahatid na kita sa inyo. Pasensya ka na sa mga nangyare. Hindi ko sinasadya na masaktan ka ng ganyan pero alam mo naman siguro kung gaano ko kamahal si Maxene kaya please lang, Veronica. Ayokong masira ang pagkakaibigan natin kaya sana ay kalimutan mo na lamang na nangyari ito sa ating dalawa,” sabi ni Joseph at saka niya tinanggal ang kamay ng dalaga na nakahawak sa kanyang braso at saka niya pinulot ang damit ng dalaga at iniabot dito at saka naman niya dinampot ang kanyang mga damit at agad na dumiretso sa CR.

Napaawang na lamang naman ang bibig ni Veronica dahil sa sinabi na iyon ni Joseph dahil ang akala niya ay tatalab ang pag iinarte niyang iyon dito.

Akmang magsasalita na sana si Veronica pero huli na dahil naisara na ni Joseph ang pinto ng CR kaya naman napasimangot na lamang talaga siya at naikuyom ang kanyang kamao.

“Bwiset talaga na babae na iyon. Okay na eh. Masaya na kami ni Joseph nabitin pa sa bigla nyang pagsulpot. Tsk. May araw din sa akin ang babae na iyon,” inis naman na sabi ni Veronica habang nanatiling mahigpit ang pagkakakuyom ng kanyang kamao.