CHAPTER 7

CHAPTER 7

Kinaumagahan naman ay nagising si Maxene na sobrang sakit ng kanyang ulo at pati na rin ang kanyang buong katawan. Kaya naman muli siyang napapikit dahil para bang wala siyang maalala sa mga ginawa niya kagabi.

Ilang sandali pa na nanatili si Maxene na nakapikit ang mga mata at nang magmulat na muli siya ay tila ba bigla siyang natauhan dahil hindi pamilyar sa kanya ang lugar kung nasaan siya ngayon.

At nang magawi ang kanyang paningin sa kanyang gilid ay nanlaki na lamang talaga ang kanyang mga mata ng makita niya na mayroon pala siyang katabi na lalaki.

Napakurap kurap pa si Maxene habang titig na titig sa lalaking nakatalikod sa kanya at dahil na rin sa pagkabigla ay tila ba hindi niya alam ang kanyang gagawin. Pilit pa niyang inaalala ang mga nangyari kagabi pero wala talaga siyang maalala dahil ang huli lang na natatandaan niya ay nasa isang bar siya kagabi at naglalabas ng kanyang sama ng loob.

Maya maya pa ay parang bigla ng napabalik sa wisyo si Maxene pero ng akmang baba na sana siya sa higaan ay napangiwi na lamang talaga siya ng maramdaman niya ang hapdi sa kanyang pagkababae kaya naman napasilip na lang talaga siya sa loob ng kumot. Naipikit na lang talaga ng mariin ni Maxene ang kanyang mga mata dahil mukhang naisuko na niya ang kanyang pagkababae sa lalaking kasama niya ngayon.

Saglit naman na pinakalma muna ni Maxene ang kanyang sarili dahil parang gusto na niyang kutusan ang sarili niya dahil sa masyado siyang nagpakalasing kagabi at hindi na niya alam pa ang mga sumunod na nangyari.

“Ano ka ba naman, Maxene? Bakit naman hindi ka man lang nagtira kahit na pang uwi mo lang? Paano ka na nyan ngayon? Naisuko mo na ang bataan,” sabi ni Maxene sa kanyang isipan lamang at naipikit na lang talaga niya muli ng mariin ang kanyang mga mata.

Nang medyo kalmado na si Maxene ay isang malalim na buntong hininga naman ang kanyang pinakawalan at saka niya iginala ang kanyang paningin. At nang makita niya ang damit niya sa sahig ay dahan dahan na siyang bumaba sa higaan at bawat pagkilos niya ay napapangiwi na lang talaga siya sa hapdi ng kanyang pagkababae at bukod pa roon ay talagang masakit ang kanyang katawan sa hindi nya malaman na dahilan.

Naging maingat naman si Maxene sa kanyang pagkilos dahil ayaw naman niyang magising ang lalaki na kasama niya ngayon dahil talagang nahihiya siya sa kanyang ginawa.

Agad naman na nagbihis si Maxene at kahit pa nahihirapan talaga siyang kumilos ay dahan dahan na siyang umalis sa silid na iyon. Pero bago pa man siya tuluyang makalabas sa naturang silid ay liningon pa muli niya ang lalaking kasama niya roon na mahimbing pa rin na natutulog. At dahil nakaharap ito sa kabila ay hindi niya makita ang mukha nito pero agad niyang napansin ang tattoo nito na agila sa kaliwang braso.

Hindi naman na nag aksaya pa ng oras si Maxene at agad na rin siyang umalis sa silid na iyon. May pagmamadali pa nga siya na lumabas sa naturang gusali at agad na lamang siyang pumara ng taxi at agad na nagpahatid sa kanyang sariling condo unit.

Pagkapasok na pagkapasok ni Maxene sa kanyang unit ay nasabunutan na lamang talaga niya ang kanyang sarili dahil sa matinding inis.

“Nakakainis ka talaga Maxene. Hindi ka na naman nag iisip,” inis na inis naman na kausap ni Maxene sa kanyang sarili dahil hindi niya matanggap ang nangyari na ito.

Matagal kasi niyang iningatan ang kanyang sarili at gusto niya ay maibibigay niya iyon ng buong buo sa kanyang mapapangasawa pero ngayon nga ay mukhang hindi na niya iyon magagawa pa dahil naisuko na niya ang kanyang pagkababae at ang masaklap pa ay sa hindi niya kilalang lalaki.

Dahil sa matinding inis sa kanyang sarili ay agad na dumiretso si Maxene sa CR at agad na tumapat sa shower. Ni hindi na rin siya nag abala pa na hubarin ang kanyang suot na damit dahil pakiramdam niya ay nanlalagkit talaga siya.

Kasabay ng pag agos ng tubig sa mukha ni Maxene ay ang pag agos din ng kanyang luha dahil sa nangyari na ito sa kanya. Naiinis pa rin siya sa kanyang sarili dahil na rin sa kapabayaan niya at nagpadalos dalos talaga siya ng desisyon kaya ito nangyari.

Ilang minuto pa na nanatili roon si Maxene at pilit niyang pinapakalma ang kanyang sarili. Ipinagpatuloy na rin niya ang kanyang pagliligo para kahit papaano ay mapreskuhan naman siya pero kahit na ganon ay ramdam pa rin niya ang hapdi sa kanyang pagkababae.

Nang matapos na makapagligo si Maxene ay tila ba natutulala pa rin siya dahil sa mga nangyari. At nang maalala niya ang kanyang nobyo na si Joseph ay hindi niya maiwasan na hindi ito sisihin dahil hindi naman siya magpapakalasing kung hindi siya linoko nito. At dahil na rin sa isipin na iyon ay muli na namang nabuhay ang galit sa puso niya rito dahil sa ginawa nitong panloloko sa kanya.

Muli namang naalala ni Maxene ang nadatnan niya sa unit ng kanyang nobyo kahapon kaya naman hindi na niya napigilan pa na maiyak dahil sobrang sakit talaga nito para sa kanya dahil mahal na mahal niya si Joseph at hindi talaga niya akalain na magagawa nito ang bagay na iyon.

“Pagsisisihan mo na linoko mo ako, Joseph. Minahal kita pero ganito ang ginawa mo sa akin. Hinding hindi ko makakalimutan ang ginawa mong ito. Hinding hindi talaga kita mapapatawad,” gigil pa na sabi ni Maxene habang nakakuyom ang kanyang kamao.

Ilang minuto rin na nanatili si Maxene na umiiyak at gigil na gigil sa kanyang nobyo na si Joseph dahil talagang hindi niya akalain na magagawa siyang lokohin nito. At hindi rin talaga niya akalain na ang sarili pa nitong bestfriend ang maaabutan niyang may ginagawang milagro kasama ang kanyang nobyo.

Maya maya naman ay tila ba kumalma na rin si Maxene pero dahil ramdam pa niya ang sakit ng kanyang katawan at tila ba masama na rin talaga ang kanyang pakiramdam ay nagpasya na muna siya na mahiga upang makapagpahinga dahil para bang hindi niya kayang kumilos