3: Moving Into Edward's Home

Napag usapan natin na sa akin ka titira matapos ang kasal natin. At saan ka nakakita ng bagong kasal na hindi magsasama sa unang gabi ng kanilang kasal.” seryoso na sabi niya sa akin habang sakay kami ng kotse niya at bagtas ang daan papunta ng apartment ko para kunin ang mga gamit ko.

“Hindi pa ako nakapag ayos ng mga gamit ko kaya kung maari ay bukas na lang ng umaga ako lilipat sa bahay mo.” sagot ko naman sa kanya na nag babaka sakali na pumayag siya.

May punto siya sa sinabi niya pero hindi pa ako nakahanda na tumira sa iisang bubong lalo na at siya ang kasama ko.

Ang akala ko ay ganun lang kadali iyon at ang akala ko ay nakahanda na ako sa pagkakataong ito ngunit hindi pala iyon ganun kadali. At sangkot na ang kalayaan at lalo na ang pagkatao ko sa naging pagpayag ko sa pakiusap sa akin ni Lilian.

Hindi ko alam kung ano talaga ang naging usapan nila ni Lilian bago ang kasal nila. Wala itong ibang sinabi sa akin maliban sa ako lang ang humarap sa kanilang kasal at kapag bumalik na siya ay saka lang ako makakalayo sa lalaking ito.

Nagpakawala na naman ako ng malalim na paghinga. Hindi ko na rin mabilang kung ilang beses.

“I can help you pack your things.” sabi niya na tila walang balak pakawalan ako ngayong gabi.

Napatingin ako sa kanya. Ngunit hindi rin nagtagal at agad na binawi ang tingin ko ng sumulyap naman siya sa akin habang nagmamaneho siya.

Hindi na ako sumagot. Mag iisip na lang ako ng ibang paraan para makaiwas sa kanya ngayong gabi ng hindi matuloy ang gusto niyang mangyari sa gabi ng kasal nila ni Lilian.

…..

Dahil sa kailangan kong magpanggap na si Lilian sa harap niya ay ang dami kong kailangang baguhin sa sarili ko para lang maging Lilian mismo ang kilos at pananamit ko.

Konserbatibo akong manamit habang si Lilian ay halos gusto niyang isuot ay mga sexy na damit pero dahil sa kailangan pa niyang sumailalim pa sa ilang surgery para sa katawan niya dulot ng pagkakasunod ng balat niya ay hindi niya iyon magawa sa labas na marami ang makakakita.

Hindi ko lang alam kung ano ang mga kadalasan niyang isinusuot kapag kaharap si Edward kung nagkikita sila. Kaya ang mga kinuha kong gamit ay hindi ang akin kundi mga gamit niya mismo at iyon na ang isusuot ko habang ako ang kasama ng asawa niya.

“Ang akala ko ba ay nagbago na ang taste mo sa pananamit? Bakit nagsusuot ka pa rin ng mga ganyan ngayon?”

Napalingon ako ng marinig ko ang tanong na iyon ni Edward sa akin.

Nasa pintuan siya, nakasandal sa hamba ng p***o at pinagkross ang mga kamay sa dibdib nito na ngayon ay nakatingin na sa akin.

Gusto ko pang tanungin sa kanya kung ilang beses na siyang pumarito sa apartment namin ni Lilian pero hindi ko gagawin iyon dahil sa oras na tanungin ko ang bagay na iyon ay siguradong maghihinala na ito sa akin na hindi ako ang babaeng dapat sana niyang kasama ngayon.

“I…” hindi ako nakasagot.

Napatingin ulit ako sa mga damit ni Lilian na nasa maleta ko na at maayos na nakatupi’t nakasalansan.

Kung ganun ay hindi na nagsusuot si Lilian ng ganitong ka sexy na damit. Nakahinga ako ng maluwag. Hindi ko na kailangang sanayin ang sarili ko na magsuot ng mga ganitong klaseng damit.

“Kung kailangan lang naman. Mayroon ding pagkakataon na magsusuot ako ng ganito lalo na kung gusto mong ipagmalaki ang asawa mo sa ibang tao. Kailangan kong magpakitang gilas at ipakita kung gaano ako kaganda, hindi ba?” sagot ko.

Mainam na iyon na sagot para sa sinabi niyang iyon.

“Hmm, you have a point. But I would rather hide my wife than have others see her beauty.”

Muli na naman akong napatitig sa kanya.

Hindi yata may pagka possessive siya pagdating kay Lilian. Kung ganun ay hindi ko na nga kailangan ang mga damit ni Lilian.

Hindi na ulit ako nagsalita. Nagpatuloy ako sa pag impake ng mga gamit ko. At ilan sa mga tunay kong gamit ang dinala ko at naiwan ang ilan sa mga gamit ni Lilian.

“I’m done.”

“Okay then, let’s go.”

Tumango ako.

Nagulat pa ako ng kunin niya sa akin ang maleta ko at siya na mismo ang humila palabas ng apartment.

Walang imik na sumunod na lang ako sa kanya at hindi na ako nagsalita pa hanggang sa makauwi kami mismo sa bahay niya.

…..

“From now on, this is our room.” sabi niya ng makapasok kami ng master bedroom.

Gusto ko pang sabihin na sa ibang kwarto na lang ako matutulog pero siguradong hindi siya papayag kaya nanahimik na lang ulit ako.

Iginala ko ang mga mata ko para pag aralan ang ayos ng kanyang silid.

Ayaw kong mamangha pero pakiramdam ko ay parang sinadya o sadya lamang na magkapareho kami ng gustong ayos ng kwarto. And the interior design… I feel something is off… But I can’t name what it is?

“What? Is the room not to your liking?” tanong na nakapag pakurap sa akin.

“O-okay,” tipid na sagot ko.

“Bukas mo na ayusin ang mga gamit mo. Lumalalim na ang gabi. Mayroon pang mas mahalagang gawin ngayon kaysa sa bagay na iyan. Go take a shower first or you want me to join you to save time?”

“No!” mabilis pa sa sigundong sagot ko.

“Oh!” napatitig siya sa akin.

Binawi ko naman ang tingin ko sa kanya.

Nanginginig ang mga kamay kong binuksan ang pocket ng maleta ko at kumuha na doon ng pangtulog ko. Pero bago pa man ako makakuha ay mayroon na siyang iniaabot sa akin.

Napatingin na naman ako sa kanya.

“Take this. I bought this yesterday. This is for you to wear tonight.”

Napatitig ako sa hawak niya. Isa iyong white silk. Hindi ko lang kung ano ang design dahil maayos ang pagkakatupi.

Kusang umangat ang mga kamay ko para kunin iyon sa kanya.

Matapos kunin ay nagmamadali na akong pumasok ng banyo at sinigurado na nakalock iyon ng hindi siya makapasok.