26

“Caleb!”

Napabalikwas siya nang maramdamang wala na ito sa tabi niya. Kagabi lang ay natulog silang magkayakap. Kulang ang umaga kapag nagigising siya na wala ito sa tabi. Bumangon siya at hinanap ang lalaki. Sinilip niya ito sa banyo pero walang tao sa loob.

“Tingin ko kaya mo, Sir.”

Napatakbo siya patungo sa terrace nang marinig ang mga ingay sa ibaba. Pumapasok sa nakabukas nang bintana ang mga tinig sa labas. May tila paa din ng pumapadyak na kabayo. Nakahinga siya nang maluwag nang makitang nasa labas na ang asawa kasama ng anak ni Manang Lorna na si Mario. Ito ang tumatayong tagapag-alaga ng mga kabayo. May kalayuan ang kwadra pero sa tindig pa lang, nasisigurado niyang si Caleb iyon. Nag-uusap ang dalawa habang panay naman ang himas nito sa likuran ng hayop. ‘Di gaya noong mga nakaraang araw, nakikipagngitian na ito sa katiwalang si Mario. Nagsisimula na itong magtiwala sa lalaki. Sa loob kasi ng ilang araw na nandidito sila, madalas niya itong nakikitang tahimik lang na nakatit