17.6 The Islands Next Owner

XYLARA REYNA

Pagkarating sa reception hall sinalubong ko ni Tita Margarette kasama ang ibang staff ng charity. Nagpaiwan naman si Ammadeus sa upuan ng mga guest kung saan giniya siya ng isa sa mga event staff.

Habang ginigiya din ako ng isang staff papunta sa table kung saan ako uupo ay nadaanan ko si daddy kasama ang ibang mga kaibigan niya sa business industry.

Nakangiti akong lumapit kay daddy saka niyakap siya mula sa likod. Ramdam ko ang talim ng tingin ni Veronica saakin pero umasta akong parang wala siya sa paligid.

"Kailan ka dumating?" tanong ni daddy nang humarap siya saakin.

"Kagabi pa dad."

"Iyan na ba ang unika ija mo Eduard?"

Sabay kaming napalingon ni daddy sa kaibigan niyang kanina pa pala kami pinagmamasdan.

Ipinakilala ako ni daddy sa kanyang mga kaibigan na of course humanga sa ganda ko. Charot! Syempre sabi ko saan pa ba ako magmamana edi sa mommy ko. Nagtitiim bagang naman si Veronica dahil na eechapwera siya sa usapan.

Habang papalapit ako sa mesa kung saan ak