88.

“Body Gerald!” sigaw ni Lyka, halos napalingon lahat sa paligid dahil sa lakas ng boses niya. Maging si Gerald, na noo’y abala sa pakikipag-usap sa isa pang staff, ay agad napatingin. Nakangisi siya, para bang may iniisip na biro o kaya’y alam na alam na niya kung saan patutungo ang eksenang ito.

“Anong ngisi-ngisi mo diyan, oy?” patuloy ni Lyka, sabay irap-irap pa para dagdagan ang pang-aasar.

“Mamaya ka na ngumisi diyan tuumabi ka nahaharangan mo si Fafa Dark, at nang makita na ni Roxane ang Fafa Dark niya. Kanina pa ‘yan naghihintay!”

Dinagdagan pa niya ng diin ang huling linya, na para bang gusto niyang ipamukha sa lahat—lalo na kay Roxane—kung sino ang talagang hinihintay ng buntis na bestfriend niya.

Parang slow motion ang lahat nang mapansin ni Lyka ang reaksyon ng kaibigan. Kanina pa bahagya ang pamumula ni Roxane, pero ngayon ay mas naging matingkad pa—kulay rosas na halatang-halata kahit anong pilit niyang takpan. Bahagyang ibinaba ni Roxane ang tingin, parang gusto niya