1

Chapter One

"Atika, tuloy ka!" excited na yaya ni Tiya Violeta sa akin. Agad gumawi sa makinis na sahig ang tingin ko. Parang isang malaking kasalanan kung tatapak ako roon.

Sunod na tingin ko ay sa lumang sapatos ko na. Napansin iyon ng tiyahin ko at agad na nagsalita.

"That's fine, Atika. Come here. Pasok ka. Ipapalinis ko na lang sa mga alipin ko ang magiging kalat mo."

Alipin. Gano'n ang tawag nito sa mga kasambahay nito?

Nang humakbang ako papasok ay nag-iwan nga ng marka ang sapatos ko. Nagulat pa ako nang dali-daling punasan ng mga kasambahay iyon. Kahit ang dumi na nilikha ng luma kong maleta. Pinunasan nito. Para bang takot na takot na magtagal ang dumi sa sahig.

"Don't mind my alipin, Atika. Kita mo ba ang mansion ko? Sobrang laki 'di ba?" iginala ko ang tingin. Sala pa lang ay sobrang laki na.

Halatang pinag-isipang mabuti ang ayos ng mga upuan, vase, pati mga paintings.

"O-po," tugon ko sa tiyahin.

"Kung naging matalino lang sana ang mama mo ay ganito rin siguro ang buhay niya sa akin. Pero na-in love kasi at nagpabuntis agad," napailing pa ito.

Humigpit ang hawak ko sa hawakan ng maleta. Halos mamuti na iyon dahil sa higpit. Doon ko ibinuhos ang galit ko. Pinanatili ko pa rin naman ang inosenteng expression ko. "Hindi ko talaga alam kung bakit mas pinili niyang pumatol sa dukha... Damn! Nakakatanga talaga ang pag-ibig."

Hindi ko nakuhang magsalita. Ayaw kong magkamali.

"You know what... ngayong narito ka na ay ako na lang ang babawi sa 'yo. Sobrang walang kwenta ng mama mo. Hinayaan niyang maranasan mo ang mahirapan. Ngayon kasama mo na ang Tiya Violeta mo ay ginhawa na lang ang malalasap mo."

Pilit akong ngumiti.

"S-alamat po, tiya," ngumiti lang ang ginang saka sinipat nito ang orasan.

"Mamaya ay ipakikilala sa asawa ko. Umalis kasi siya at mamaya pa babalik," agad akong tumango rito. "Manang! Manang, pakikuha ang maleta ng pamangkin ko. Dalhin ninyo sa magiging silid niya."

Tututol sana ako dahil ako lang ang nakakaalam kung paano i-handle ang lumang maleta ko pero huli na. Kinuha na nila at nang iangat nila dahil sira ang isang gulong ay bigla na lang bumukas iyon at sumambulat sa sahig ang mga lumang damit ko.

Natigilan ako. Mas una pang nakapag-react si Tiya Violeta na agad dumampot ng isang panty.

"Seriously, Atika?" tanong nito sa akin. Lumang-luma na iyon. Ang garter nga'y maluwag na. May butas pa dala ng kalumaan. "Sinusuot mo pa ito? Ewww ha!" maarteng ani nito sabay bitaw.

Sumunod ang tingin ko sa panty kong nahulog na sa sahig.

"S-orry po," natauhan ako at dali-daling dinampot ang nagkalat kong damit.

"That's enough, Atika. Manang, itapon mo ang mga lumang damit ni Atika. Walang lugar sa mansion ko ang mga lumang damit na iyan."

Aangal sana ako ngunit hindi na ako binigyan ng pagkakataon dahil nagmadali na ang mga kasambahay.

"Magsho-shopping na lang tayo ng mga damit mo, pamangkin. For now, magpapadala na lang ako ng mga damit ko na kakasya sa 'yo. Kapag makapagpahinga ka na... pupunta tayo ng mall at magsho-shopping. Okay ba iyon?"

Tumango na lang ako. Nagpunta ako rito hindi para tanggihan ang ginang. Kung may nais siyang ibigay, kung may nais siyang baguhin sa akin ay walang problema.

Susunod ako sa kanya.

Inihatid ako sa kwarto ko ng kasambahay.

"Ate, sure bang dito ako magkwakwarto?" hindi makapaniwalang bulalas ko habang gumagala ang tingin sa silid na pinagdalhan sa akin.

"Opo, Ma'am Atika. Ito pa ang silid na ipinahanda ng tiya mo."

"Sobrang laki, te! Sobrang sosyal po," excited akong lumapit sa kama at idiniin ang palad para i-check ang lambot no'n. "Grabe po! Sobrang lambot. First time ko pong hihiga sa ganitong kama."

Alanganin ang naging ngiti ng kasambahay. Natigilan ako. Halata sa naging kilos ko ang pagiging ignorante ko. Agad akong umayos ng tayo saka ngumiti rito.

"Thank you, are. Okay na po ako rito."

"Kung may kailangan ka po'y tawagin n'yo lang po kami."

"Salamat!" sumaludo pa ako rito bago sila umalis.

Nang ako na lang ay pabagsak akong humiga sa kama.

Finally, narito na ako.

Iniangat ko ang kamay ko na para bang inaabot ko ang kisame.

"Mama, narito na po ako... nakapasok na po ako sa mundo ni tiya," gumuhit ang lungkot sa aking mukha.

Pero agad kong winaksi iyon nang bumukas bigla ang p***o at pumasok si tiya kasunod ang mga kasambahay.

Agad akong bumangon at tumayo.

Inilapag ng mga kasambahay ang mga damit sa kama.

"Hindi ko pa naisuot ang mga iyan, Atika. Pansamantala lang naman iyan. Bukas na bukas ay magsho-shopping tayo. Isukat mo kung kasya sa 'yo."

Agad akong kumilos para dumampot ng isa.

"Ang alipin ko na ang bahala sa 'yo rito. Kailangan ko pang mag-freshen up dahil parating na ang asawa ko," nang sabihin niya iyon ay parang excited na excited siya.

Daig pa ang dalagang maghahanda para sa crush nitong parating.

"Sige po."

Nang lumabas ito ay napatingin ako sa mga kasambahay na napahagikhik.

"Bakit?" curious kong tanong.

"Si Ma'am Violeta po kasi parang nagmumurang kamatis. Simula noong na-in love kay Sir Sullivan ay ang laki na ng pinagbago."

"Ahh..." tumango-tangong ani ko.

"Sino bang hindi. Sobrang hot ni sir. Kahit sino ay mai-in love talaga," nagtawanan ang mga ito habang ako'y walang imik.

Nang napansin ng mga ito na tahimik na ako ay agad nagsalita ang isa.

"Ma'am Atika, alam mo bang gamitin ang mga gamit sa banyo? Pwede ka po naming turuan," offer nito. Mukhang sincere naman kaya tumango ako.

After all, walang ganito sa aming bahay. Baka mabobo ako kapag gagamitin ko na. Mas mabuting magpaturo na lang sa kanila.

Pumasok kami sa banyo.

Unang tumambad sa akin ang malaking salamin na walang bakas ng kahit anong dumi.

"Parang ang ganda ko sa salaming ito," pabirong ani ko habang sinisipat ang sarili roon.

"Maganda ka po, Ma'am."

"Tama ka d'yan!" ani ko na ikinatawa ng mga ito.

Sinimulan nilang ituro kung paano gamitin ang shower, bathtub, pati pag-flush sa toilet, at kung paano bubuksan ang bidet.

"Salamat sa inyo," ngiting-ngiti na ani ko. Natutunan ko rin sa kanila kung para saan ang mga bottle na na nakalagay sa banyo.

Lotion, shampoo, at kung ano-ano pa.

Dahil libre naman iyon ay balak kong gamitin ang lahat ng iyon.