2

Chapter Two

Katatapos kong maligo. Pakiramdam ko ay sobrang bango ko pagkatapos ng matagal kong pananatili sa banyo.

Sinubukan ko na ang lahat ng mga bago sa paningin ko. Ang resulta... pakiramdam ko'y ang linis-linis ko.

"Ma'am Atika," sunod-sunod na katok ang pumukaw sa akin at ang pagtawag sa pangalan ko. Agad akong tumayo at lumapit sa p***o.

"Ma'am, handa na po ang dinner. Nasa baba na po si Ma'am Violeta at si Sir Sullivan. Baba ka na raw po," agad kong hinila pababa ang suot kong bestida.

Medyo maiksi ang bestidang pambahay na kasama sa ibinigay ni Tiya.

Inayos ko rin ang buhok ko bago ako sumunod sa kasambahay.

Pababa pa lang kami'y nakita ko na si Tiya at ang asawa nito sa sala. Magkaharap ang mga ito at nag-uusap.

Nang naramdaman yata nilang pababa na ako ay pareho silang napatingin sa akin.

Agad yumakap sa bewang ng lalaki ang tiyahin ko.

"Atika, halika!" excited na tawag ni Tiya. Pagkababa ko'y lumapit ako sa kanila.

“Atika, meet your Tiyo Sullivan, my husband.”

Husband. Na para bang legal talaga silang mag-asawa.

"Tiyo Sullivan," mahinhing ani ko.

Naglahad ng palad ang lalaki. Tinanggap ko naman iyon.

Hindi ko maiwasang mailang, ang matiim na titig nito ay parang ang bigat sa pakiramdam.

Para akong hinuhubaran... wait! Titig lang iyon pero gano'n na ang iniisip ko. Binawi ko ang kamay kong hawak nito.

“It's a pleasure to meet you, Atika. Welcome to our home. I hope you'll feel comfortable staying with us.”

"Salamat po, Tiyo Sullivan."

“Shall we proceed to the dining room? Dinner is ready," ang tingin nito ay na kay Tiyo Sullivan lang.

"Let's go," una na silang lumakad patungo sa sining room.

Sumunod naman ako sa kanila.

Ang isang kasambahay ay sumenyas sa akin kung saan ako uupo. Kaya iyon ang ginawa ko.

Nang nakaupo na kami ay sumenyas si Tiyo Sullivan magsimula na sa pagkain.

"Atika, kain lang ha. Alam kong bago lang sa paningin mo ang mga pagkain dito pero tiyak akong masasanay ka rin sa pagkain naming mga mayayaman. Sige na. Kain ka na."

Tumango ako rito.

"Darling, try this," nakita ko agad kung gaano asikasuhin ni Tiya ang asawa nito.

Sobrang obvious ng age gap nila.

Sexy man si Tiya pero sa edad nitong 45... obvious na obvious dito ang kanyang edad.

34 si Tiyo Sullivan, 45 si Tiya Violeta.

Hindi ko alam kung ano ang nakita ni Tiya sa lalaking ito... well, baka iyong kagwapuhan at katikasan nito.

Pero kung sa estado sa buhay... malabo. Ang balita ko'y hindi ka-level ni Tiya ang lalaki. Masyadong mataas ang babae kaysa sa lalaking halos subuan na nito.

In short... si Tiya ang bumubuhay sa kanya. Iyon ang alam ko.

Ipinagpatuloy ko ang pagkain. Minsan lang ako nasasali sa usapan nila.

Halos si Tiya lang ang nagsasalita habang si Tiyo Sullivan ay patango-tango at bilang lang ang salitang lumalabas sa bibig niya.

"Darling, for sure napagod ka sa pag-check no'ng bagong release na car. Anong balita roon? Nagustuhan mo ba?"

"Yes. That car is so cool."

"Really? I'll buy it for you. Anong kulay ang natipuhan mo?"

"Black and red," tugon ni tiyo.

"Eh 'di bilhin natin iyang black and red na iyan. Hindi problema ang pambili," nagkibit-balikat si Tiyo Sullivan.

Handang gastusan ni Tiya ang asawa niya. Hindi pa sila kasal n'yan ha. Pero willing na itong gumastos ng milyones sa lalaki.

So, okay lang naman siguro kung gastusan din ako ni Tiya.

Salita lang nang salita si Tiya. Halos patapos na kaming kumain ni tiyo habang siya ay hindi niya pa nakalahati ang pagkain niya.

Nang sa wakas ay natapos na kaming kumain ay binalak kong magligpit.

"What are doing, Atika?" puna ni Tiya.

"Tutulong pong magligpit---"

"Girl, it's alipin's job. Hindi mo kailangan gawin iyan. Trabaho iyan ng mga taong iyan," sabay turo sa mga kasambahay.

Una nang umalis si tiyo. Pagkatapos sabihin iyon ni tiya ay dali-dali na itong humabol sa lalaki.

Sa inaasta ni Tiya... kahit hindi sila kasal ni tiyo ay tiyak kong kaya nitong iiwan ang lahat ng ari-arian nito sa lalaki.

Para itong nagayuma.

"Pasensya na po sa sinabi ni tiya," nahihiyang ani ko sa mga kasambahay.

"Sanay na kami kay Ma'am Violeta, Ma'am Atika. Kami na po ang bahala rito. Magpahinga ka na po," agad akong tumango.

Umalis na ako ng dining room.

Kaso napahinto ako nang bumungad ako sa sala. Inabutan ko kasing nakaupo si Tiyo Sullivan sa couch habang nakakandong si tiya sa lalaki... at naghahalikan sila.

Mariin akong napalunok at agad na nag-iwas ng tingin.

"Atika," napansin nila ako.

"Aakyat na po ako sa kwarto, tiya," hindi ako makatingin. Narinig ko ang tawa ni tiya.

"Sige, Atika. Good night."

Tumingin ako sa mga ito. Huling-huli ko ang pagtitig ni Tiyo Sullivan sa akin. Humahagod ang tingin nito. Hindi ko maiwasang mapakagat-labi dahil may epekto sa akin ang ganoong tingin nito.

Nagpasya akong pumanhik na sa kwarto ko. Pagdating ko roon ay agad kong in-lock ang p***o at lumakad patungo sa balcony.

Balak kong doon magpalipas ng gabi. Ngunit hindi pa man nagtatagal ay may halinghing na akong naririnig sa kanilang kwarto... sa silid ni tiya at tiyo.

Agad kong natutop ang bibig ko, nanlaki rin ang mata nang na-realize kung ano iyon.

"Putangina! Ang sarap... sige pa. Sige pa. Isagad mo pa," agad kong tinakpan ang tenga ko.

Nakakakilabot pa lang marinig humalinghing ang kwarentahin kong tiya.

Hindi ko matagalan. Pumasok na lang ako sa kwarto at isinara ang sliding door para hindi na narinig ang kababalaghan sa kanilang kwarto.

May umaatikabong bakbakan pala sa kabilang silid.

Umiling ako.

Hindi pa naman siguro sumasakit ang kasu-kasuan ni Tiya Violeta 'di ba? Sa itsura pa naman ng lalaki nito ay parang kayang-kayang mambalibag sa kama.

Napangiwi ako.

Bakit ba ako kinikilabutan?

Pumasok na lang muna ako ng banyo para mag-toothbrush. Pagkatapos ay nagpasya ako na matulog na. Hindi ako pwedeng tanghaliin ng gising. Kailangan magpakitang gilas ako kay Tiya. Kailangan kong makuha ang loob nito.