CHAPTER 3 : THE PROSPECT

Sa kabila ng mga babala sa publiko sa isang seryosong sitwasyon ng kabilaang kidnapping incidents sa Kamaynilaan, hindi ito hadlang upang magsaya ang mga kabataang kabilang sa mayayaman at maimpluwensiyang pamilya.

Tahimik si Sandro at Abra habang naghihintay sa isang abandonadong gusali malapit sa university belt. 

“Mukhang tahimik tayo ngayon ah!” mahinang sabi ni Abra sa mas batang amo. Cool lang si Sandro sa mga lakad nila ngunit ang pananahimik niya ng nagdaang araw ay kakaiba matapos siyang mapagkamalan ng kapatid ni Seraphina.

Maya-maya pa ay may mga yabag na ng sapatos ang kanilang narinig na paakyat ng hagdan sa ikalawang palapag. Naririnig nila ang sigaw ng galit at inis na mula sa isang dalaga. Anak siya ng isang congressman na may illegal smuggled cosmetics business.

"Boss, naitawag na po namin ang sitwasyon. Hindi po siya naniniwala. Scam lang daw po tayo."

Nagpupumiglas ang babae sa kanyang kinauupuan. Tumayo si Sandro at lumapit sa kinidnap na babae.

"Kilala mo ba ang tatay mo? Nagpagamit ka pa sa kalokohan ng iyong ama. Tingnan natin kung anong gagawin niya kapag ang pinakamamahal niyang anak ay narito sa poder ko." Tumunog ang telephono at kaagad naman itong sinagot sa kabilang linya. "Mukhang hindi ka pa natututo, Congressman." Matapang ang kanyang kausap at walang pinaniniwalaan.

"Wala kaming balak na takutin ka. Pero gusto kong malaman ng ama mo na tapos na ang laro niya." sabi niya sa dalaga.

Sumenyas si Sandro. Tinanggal ang busal sa bibig ng babae na nakatingin ng masama sa kanya ngunit halatang pinagpapawisan sa takot.

"Hindi ako natatakot sa inyo." Ngunit nabubulol habang nagsasalita.

“Wow, angtapang- tapang mo nga eh! Makapal pa ang mukha!” Humalakhak si Sandro habang tahimik ang mga kasama nito. Iniabot ang cellphone sa kasama niya.

“Bakit naman idinamay pa ninyo ang anak ko?”

"May oras ka pa para ayusin ang negosyo mo.” 

Lumapit si Sandro sa babae at ipinakita ang mga larawan at dokumento sa anak bilang ebidensiya ng kanyang illegal na gawain.

“May hangganan ang kanyang kapangyarihan."

Kinabukasan, mainit-init pa ang laman ng balita, naibalik na ang babae sa kanyang pamilya.

Samantala, kakaiba ang aura ni Silhouette pagpasok sa Fashion Department. Sinabayan siya ni Charlotte.

“Hey, what’s up? Abut-tenga ang ngiti mo, Mare. Parang maganda ang gising mo.”

“This is me, Charlotte. I am the same Maria Silhouette Balboa from College of Fashion.”

“Tsss, ano ngang nangyari?”

“Wala naman. La-la-la-la-la-la!” Solve na ang problema ni Silhouette.

Natapos ang klase nila ng araw na iyon at ibinigay ang detalye ng kanilang graduation. Marami na namang nakaabang na gastusin at nag-iisip na siya kung paano magsasabi sa kanyang ate. Hanggang sa kantin ay titig na titig lang si Charlotte sa kanyang kaibigan.

“Alam mo, ngayon lang kita nakitang ganyang kasaya. Tsk! Tsk! Tsk! Are you in-love?”

“Ehem, nandito na ako. Ako ba ang pinag-uusapan ninyo?”

“Give me peace, Jude. Kung main-love ako, not with you.” Nakasimangot na si Silhouette.

“Ang harsh mo, Silhouette. Palamig ka muna ng ulo mo.”

May naglapag ng large cup ng lemonade sa tabi niya at iyon kaagad ay kinuha at ininuman niya. Nanlaki ang mga mata ni Charlotte. Tikom ang kanyang bibig.

“Oh, thanks, Char for this drink. I can think well right now!”

“Silhouette, hindi iyan sa akin.”

“Ha, kanino ito. Omg, bakit ko ininuman? Bakit kasi ipinatong dito? Baka may gayuma ‘yan ha!”

“Para saan ang gayuma, Silhouette?” Nanlaki ang mga mata ni Silhouette ng mapagtanto kung sino ang nagsasalita. Nasamid siya at lumabas sa ilong niya ang lemonade. Inubo siya ng todo.

“Kuya, why are you here?”

“You said, you will introduce me to your dearest friend. Where is she?”

“Silhouette, my Kuya Sandro. Kuya, si Silhouette,” kakamut-kamot si Charlotte. Kumuha ng tissue si Sandro at iniabot sa dalaga. Pulang-pula siya sa kauubo.

“Hello Silhouette. I am Alessandro Vasquez. Kuya ni Charlotte.”

“You are heaven sent. Puwede ba kitang maging model for a day next week? You will have dress rehearsal twice next week, Monday and Wednesday, 9am-11am sa may gym then presentation on Friday, at 9am-11am rin. Got it!”

“Did I say yes?”

“Yes, you just did say yes.”

“NO, wait!”

“Oh no, no, no! Silhouette will not accept no for your answer Mr. Vasquez. Always on the go ang mga Vasquez like Charlotte here.”

Umupo na lang si Sandro at inubos ang kanyang lemonade dahil na-ambush na siya ng dalawa. Nag-uumapaw ang kasiyahan ni Silhouette that day. Maayos siyang nakakain ng tanghalian at hindi niya pinansin ang mga bully niya.

Pagdating sa bahay, halos maputol ang leeg ni Silhouette. Umuwi ang kanyang ate at kasama si Sandro. They are busy in their mini-library. Parehong arkitekto ang dalawa at abala sa pagbuo ng isang housing project.

Sa bahay na rin naghapunan ang dalawa. Nakisalo na rin si Sandro sa mag-anak. Tuwang-tuwa ang ina dahil kahit paano ay napapadalas ang uwi ni Seraphina.

“Malaking proyekto po ito, Nay. Kailangang matapos namin,” paliwanag ni Seraphina sa ina.

“Kumusta kayo ni Sandro?” bulong ng ina.

“Nay, katrabaho ko po si Sandro. Nothing special between us. Huwag kayong maingay at baka kayo marinig. Nakakahiya naman.”

 “Maraming salamat, Seraphina. Hindi ka nakakalimot sa pagpapadala ng pera. Huwag ka nang mag-alala dahil may sapat naman kaming naipon ng iyong ama.”

“Paano po si Silhouette?”

“Matatapos na siya ngayong taon. Puwede ka na ring mag-asawa? May boyfriend ka ba?”

Biglang natigilan si Seraphina.

Masyado siyang seryoso sa pag-aaral. Halos hilahin niya ang mga araw upang maka-graduate na siya. Hindi siya tumanggap ng manliligaw at hindi man lang sumagi sa isip niya ang mag-asawa balang-araw.

“Tatapusin ko na po ito, Nay para makauwi na rin si Sandro.”

“Aba’y sige. Iiwan ko na kayo riyan. Hindi ko na kayo iistorbohin.”

Hindi sinasadya ang pangyayaring iyon. Doon niya nakilala si Alberto. Wala siyang naging problema sa kanyang pag-aaral. May lihim na sumuporta sa kanya kapalit ng isang mahalagang misyon. Dumaan siya sa matitinding pagsasanay kaya napilitan siyang stay sa dorm.

“Find the last son of Mafia.” Ibinigay ang isang classified folder upang pag-aralan niya.