CHAPTER SIXTEEN

Naghiwalay na sila ni Max matapos siya nitong ihatid sa parking lot ng university. Naroroon si Manong Oscar at natutuwa siya na pinayagan siya nito kanina na sumama kay Max basta ‘wag lamang daw silang magtatagal. Hindi niya alam ngunit masaya siya na wala itong ginagawa para mapahamak siya sa mga magulang niya.

Nang makasakay siya sa loob ng passenger seat ay nakita niya ang pagngiti ni Mang Oscar sa kanya. “Hindi ko alam kung tama ba itong ginagawa ko pero masaya ako na makitang masaya ka.” Nararamdaman niya ang sinseridad nito sa mga sinabi sa kanya.

Nginitian niya ito. “Mang Oscar marami pong salamat sa inyo.” Iyon na lamang ang nasabi niya bago siya sumandal sa pagkakaupo at saka hinagilap ang cellphone niya.

Bago sila nanuod ni Max sa sinehan ay nag-iwan na siya ng private message kay Leo at sinabi niya na sa isang araw na lamang sila lumabas dahil may importante siyang ginawa kasama ang kaibigan