Chapter 05

Harriet pov

"Dad, tapos ka na?"

"Sa k'warto lang ako," tugon niya kay Archie, kaya ng marinig ko ang sagot nito nakahinga ako ng maluwag dahil hindi ko na siya makikita.

"Are you okay, dad?" nahimigan ko ang pag-aalala sa boses ni Archie.

Naging curious ako wala sana akong balak na alamin pero lumingon pa rin ako para makita kung anong nangyari rito.

Tss, kaya naman pala akala ni Archie masama ang pakiramdam dahil hinihilot nito ang noo kaya hindi ko tuloy maiwasang hindi ito taasan ng kilay dahil na-bwe-bweset ako sa kaniya. Ang galing na artista kanina lang kung anong inuutos sa 'kin ngayon umaarteng may sakit?

Kanina lang gusto niyang hiwalayan ko si Archie at siya ang pakasalan ko. Ngayon hindi lang nakunsensya nag-aalala si Archie sa kaniya.

"Sobra mong sipag dad, kaya sumasakit ang ulo mo," sabi pa ni Archie ngunit mahina lang tumawa ang daddy niya tumingin din ito sa akin kaya napayuko ako.

"Dad, ayaw mo bang kilalanin ang fiancee ko?" tanong ni Archie kaya napalunok ako mukhang yayain pa n'ya magtambay sa sala. Oh, no. H'wag sana pumayag dahil hindi ako makakilos ng maayos.

Tumikhim ito kaya napalunok ako lalo na't saglit niya akong tinitigan. Wala na talaga hindi na ito aakyat.

"May next time pa anak kailangan ko lang ipahinga ito kapag maayos na mamaya baba agad ako," sagot nito hindi na inantay nakasagot si Archie dahil nilampasan na kami.

Sa sala kami nagtambay ni Archie. Binuksan niya ang TV at nagtanong sa 'kin kung anong gusto kong movie ngunit siya na ang pinapili ko.

Maganda ang palabas ako lang ang walang ganang manood. Lalo na pagdating ng alas-nueve ng gabi naghihikab na ako humagikhik tuloy ako dahil kakamot-kamot sa ulo itong si Archie.

“Pwede na ba akong umuwi?" malumanay kong tanong sa kaniya.

Tumango siya at agad naman tumayo inalalayan din n'ya akong makatayo. Dinampot ko ang bag ko sa sofa pagkatapos ay humawak sa braso n'ya.

Gabi na masyado para manatili pa ako sa mansion ng daddy niya lalo na’t kanina pa akong hindi komportable simula sa nangyari sa office ng daddy n'ya.

“Babe, daan muna tayo sa k'warto ni daddy magpaalam muna tayo,” saad niya.

Natigilan ako humagalpak ng tawa si Archie. "Natatakot ka ba sa dad ko?"

"Hindi naman kaya lang sasama pa ba talaga ako umakyat?"

"Ituturo ko rin ang k'warto ko sa iyo," biro nito kaya pinalo ko sa balikat niya.

"Tara na nga sasama na," sagot ko pero ang dibdib ko ang lakas ng kalabog dahil naisip ko makikita ko ulit si Simon. Kung pwede lang humiling na sana hindi na lang ito ang ama ni Archie.

Bakit kasi sa dinami-dami ng tao. Dad pa ni Archie ang nakasama ko noon. Isang pagkakamali ko na dapat ibaon na lang sa limot dahil ito ang tama. Ayaw kong magkasala sa fiance ko dahil hindi n'ya iyon deserve sobrang bait ni Archie para pagtaksilan ko.

“Babe?”

Napakurap ako matulala na pala ako at nakatigil na nakatingin na rin si Archie sa akin. Nag-fake ako ng ngiti dahil parang nag-aalala talaga si Archie sa bigla kong pagkatulala.

“Okay ka lang ba? Kung hindi ka komportable antayin mo na lang ako rito," wika pa ni Archie sabay malalim na bumuntonghininga.

Hiniling ko ang ulo sa braso niya habang nakangti. “Thank you,” saad ko tinutukoy ko ang pag-aalala n'ya.

Alangan sabihin ko sa kaniya dahilan ng pagiging lutang ko ang magaling n'yang ama. At ayaw ko na sanang makita ang dad niya kung p'wede lang sana.

Bigla akong na-guilty dahil hindi ko pa nasasabi kay Archie ang nakaraan ko. Sinubukan kong magsabi sa kaniya noong alukin n'ya ako ng kasal. Sabi ko hindi na ako virgin handa kong sabihin lahat sa kaniya kaya lang pinigilan n'ya ako. Nakahahanga lang dahil ang sagot niya sa akin hindi naman iyon ang basehan n'ya para magustuhan ako. Mahal niya ako period.

Humigpit ang hawak ko sa braso niya kaya napatingin si Archie ngumiti lang ako mabuti hindi na ito nagtatanong.

Kumatok si Archie sumagot ang dad niya na bukas daw ang p***o kaya pinihit ni Archie. Naabutan namin ito nakatalikod na akatayo ang daddy ni Archie, sa tabi ng malaking bintana. Nakapaloob sa bulsa nito ang magkabila n'yang kamay.

“Dad,” tinawag siya ni Archie kaya humarap siya sa amin. Napalunok ako ng magtagpo ang mata namin. Seryoso ito nakatingin lang sa ‘min agad naman akong nag-iwas ng tingin hinayaan ko kung nakatitig pa rin ito sa amin.

“Dad! Aalis na po kami ihahatid ko na si, Harriet,” paalam ni Archie.

Bahagya lang s'yang tumango pagkatapos umalis sa bintana at nagtungo sa kama nito at umupo agad pero nakatingin pa rin ito sa amin.

“Magi-ingat kayo sa daan,” aniya at tumingin siya sa akin. Tipid akong ngumiti dedma kung anong tumatakbo sa isip nito.

“Sir, thank you po sa dinner,” saad ko at pinilit kong gawing normal ang boses ko.

Matagal niya akong tinitigan habang salubong ang kilay. Siraulo nauubusan ako ng hangin dahil sa paninitig nito sa akin. Putrages ano naman ba ang iniisip nito. "Dad, natatakot na sa'yo ang fiancée ko," pabirong sabi ni Archie sa kaniya.

Mahina itong tumawa. "Lakad na kayo habang maaga pa," taboy nito kaya bumulong ako kay Archie bumaba na kami.